Yangiliklar

Ayni paytlarda muhim siyosiy jarayon — O’zbekiston Respublikasi Prezidenti saylovi arafasida turibmiz. Tan olishimiz kerak, so‘nggi besh yilda yurtimizda tub islohotlar amalga oshirildi va oshirilmoqda. Mana shu islohotlarni yanada jadallashtirish, aholi turmushini farovonlashtirish, pirovardida ko‘zlagan maqsadimizga yetishishimiz uchun Prezidentlik saylovlar rostdanda juda muhim jarayon hisoblanadi. Mamlakatimiz aholisini aksar qismini yoshlar tashkil etishini hisobga olgan holda yoshlarning ham bu jarayonda faol ishtiroki, kelajak uchun tanlov, kelajak uchun ovoz berishi g‘oyat ahamiyatlidir.

O’zbekiston Respublikasi Vazirlar Mahkamasining qarori bilan yurtimizda 2021 yildan boshlab 22 sentabr Respublika bo‘yicha “Avtomobilsiz kun” sifatida e’lon qilingan.

Saylovchi saylov byulletenini olgach, uni yashirin ovoz berish kabinasida yoki xonasida to‘ldiradi. Saylov byulletenini to‘ldirish chog‘ida ovoz beruvchi shaxsdan boshqa shaxslarning hozir bo‘lishi taqiqlanadi. Saylov byulletenini mustaqil ravishda to‘ldirish imkoniyatiga ega bo‘lmagan saylovchi o‘z xohishiga ko‘ra yashirin ovoz berish kabinasiga yoki xonasiga boshqa shaxsni taklif qilishga haqli, bundan saylov komissiyasi tarkibiga kiradigan shaxslar, kuzatuvchilar va ommaviy axborot vositalari vakillari mustasno.

Qonunchilikka ko‘ra, 2022 yil 1 yanvargacha xususiy tibbiyot muassasalari (stomatologiya va kosmetologiya xizmatlaridan tashqari) tibbiy xizmatlar ko‘rsatishdan bo‘shaydigan mablag‘larni aholining ijtimoiy himoyaga muhtoj qatlamlariga bepul tibbiy xizmatlar ko‘rsatishga yo‘naltirganda barcha turdagi soliqlar to‘lashdan ozod etilgan.

Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibini takomillashtirish chora-tadbirlari to‘g‘risidagi Hukumat qarori (572-son, 17.09.2021 y.) qabul qilindi.

Hukumat qarori (585-son, 17.09.2021 y.) bilan Ota-onasi yoki ularning biridan ayrilgan muhtoj qizlar, boquvchisi yo‘q yolg‘iz ayollar oliy ta’lim olishlarini moddiy jihatdan qo‘llab-quvvatlash tartibi to‘g‘risidagi nizom tasdiqlandi.

Tadbirkorlik sub’ektlari faoliyatining jadal rivojlanishini ta’minlash, davlat nazoratini takomillashtirish va “Soliqchi – ko‘makchi” tizimi orqali ularga nisbatan ma’muriy va soliq yukini kamaytirish, shuningdek, tadbirkorlarning muammo va takliflarini bevosita o‘rganishsh, tadbirkorlikni kelgusida rivojlantirishning asosiy yo‘nalishlarini belgilab olish bo‘yicha davlat rahbarining tadbirkorlar bilan ochiq muloqotidan kelib chiqib, joriy yilning 21 sentabr kuni O’zbekiston Savdo-sanoat palatasi Qashqadaryo viloyat hududiy boshqarmasi binosida viloyat adliya boshqarmasi hamda Adliya vazirligi huzaridagi Intelektual mulk agentligining Qashqadaryo viloyati Intilektaul mulk himoyasi markazi bilan hamkorlikda tadbirkorlar bilan uchrashuv tashkil etildi.

Ovoz berish binosiga kelgach, saylovchi uchastka saylov komissiyasining a’zosiga o‘z shaxsini tasdiqlovchi hujjatni ko‘rsatadi hamda saylovchilar ro‘yxatiga imzo qo‘yadi. Shundan keyin unga saylov byulleteni beriladi.

Qashqadaryo viloyat adliya boshqarmasining Huquqiy targ‘ibot va ma’rifat bo‘limi yetakchi maslahatchisi J.Norov tomonidan joriy yil 20 sentyabrda “Oltin voha” radiosida “Prezident qarorlari – hayotda va nazoratda” eshittirishi orqali to‘g‘ridan to‘g‘ri muloqot tashkil etildi.

Mamlakatimizda so‘nggi yillarda ayollar masalasida jamiyatda gender tenglikni ta’minlash, ayollarimiz uchun munosib mehnat va turmush sharoitlarini yaxshilash, yoshlarning o‘z bilim va salohiyatlarini to‘laqonli namoyon etishini ta’minlovchi tizim yaratildi. Xususan, hozirgi davrda bu boradagi ishlar samarasiga har qachongidanda ko‘proq e’tibor qaratilmoqda.