Yangiliklar
Qashqadaryo viloyat adliya boshqarmasi tomonidan O‘zbekiston Respublikasi Ichki ishlar vazirligi huzuridagi jazoni ijro etish departamenti to‘rtinchi mintaqaviy hudud 3-son jazoni ijro etish koloniyasida mahkumlarga sayyor qabul tashkil etildi.
Qashqadaryoda "Huquqiy targʻibot oyligi" doirasida "Men islohotlarga daxldorman" mavzusida YOSHLAR SAYLI oʻtkazildi.
Tadbirda 600 nafardan ortiq yoshlar ishtirok etdi.
Joriy yilning 22-oktabr kuni Kasbi tuman adliya bo'limi tomonidan “Oqqamish” MFYda, Yakkabog‘ tuman adliya bo‘limi tomonidan hamda “Xiyobon” MFYda uyma-uy yurgan holda aholining huquqiy muammolari o‘rganilib, ularning yechimi bo'yicha huquqiy tushuntirishlar berildi va huquqiy muammolar mahalla.adliya.uz platformasiga ijro uchun yuborildi.
Kitob tuman adliya bo‘limi xodimlari tomonidan otaliqqa olingan yoshlar bilan ishlash maqsadida 34-son maktabning yuqori sinf o‘quvchilari o‘rtasida “Adliya yoshlarni sportga chorlaydi” shiori ostida sport tadbiri tashkil etildi.
Musobaqa yoshlar o‘rtasida sog‘lom sport madaniyatini shakllantirish, ularning bo‘sh vaqtini mazmunli tashkil etishda muhim ahamiyatga ega bo‘ldi.
Til – davlat timsoli, mulki, ruhi, millatning madaniy va ma’naviy boyligi, xalqning madaniyati, urf-odati, uning turmush tarzi, tarixidir. Til bor ekan millat barhayot.
Yakkabog‘ tuman adliya bo‘limi tomonidan otaliqqa olingan yoshlar bilan ishlash maqsadida 77-sonli o‘rta ta’lim maktabida “Davlat tili” to‘g‘risidagi Qonun qabul qilinganligining 35-yilligi munosabati bilan tadbir tashkil etildi.
O‘zbek tilining xalqaro miqyosdagi obro‘-e’tiborini yuksaltirish uchun uni milliy va umumbashariy tushunchalar asosida taraqqiy etgan tillar safiga kiritishda har kim o‘z hissasini qo‘shishi zarurligi hamda har kimdan tilga chuqur hurmat bilan yondashishni talab etishi ta’kidlandi.
Shuningdek, tilni e’zozlash, uning davlat tili sifatidagi maqomi, jamiyatdagi mavqeini yuksaltirish, yosh avlodni ona tiliga hurmat ruhida tarbiyalash hamisha dolzarb ma’naviy burch bo‘lib qolishi lozimligi ta’kidlandi.
Jizzax viloyati yuridik texnikumida Toshkent davlat yuridik universiteti tomonidan yaratilgan “Huquq maktabi” mobil ilovasini yuklab olish, foydalanish tartibi, afzalliklari yuzasidan targ’ibot tadbirlari tashkil etilmoqda.
Ilovada murakkab huquqiy masalalar sodda tilda tushuntirilgan va undan istalgan vaqtda hamda joyda foydalanish mumkin bo’lib, eng asosiy maqsadi aholining huquqiy savodxonligini oshirishga qaratilgan. Mazkur ilovadan yuqori malakali ustoz va ekspertlar tomonidan tayyorlangan huquqiy o‘quv materiallari o‘rin olgan.
Mobil ilovaning muvaffaqiyatli foydalanuvchilari Adliya vazirligi va TDYU tomonidan maxsus sertifikat bilan taqdirlanishadi.
Kasbi tuman adliya bo’limida otaliqqa olingan yoshlar hamda tumandagi 2-umumta’lim maktabining o‘quvchilari ishtirokida “Ochiq eshiklar kuni” тадбири tashkil etildi.
Tadbir davomida yoshlar tizim faoliyati bilan yaqindan tanishtirildi, ularga huquqshunoslik kasbi, uning o‘ziga xos jihatlari, nufuzi haqida amaliy tushunchalar berildi.
Tarkibiy bo‘linmalarda ish jarayonining borishini bevosita kuzatgan yoshlar tizimda amalga oshirilayotgan islohotlar haqida to‘liq tasavvurga ega bo‘ldilar. Muloqotlar davomida yuridik ta’lim va kadrlar tayyorlash, adliya organlariga ishga kirish kabi masalalarda o‘zaro fikr almashdilar.
Shuningdek, yoshlarning sohaga bo‘lgan qiziqishini oshirish maqsadida adliyaning yosh xodimlari tomonidan taqdimotlar ham tashkil etildi.
Joriy yilning 10-oktabr kuni Qamashi tuman adliya bo‘limi tomonidan “Tarixiy xotirasiz kelajak yo‘q” shiori ostida otaliqqa olingan 40 nafar yoshlarni Qamashi tumanidagi Langar ota ziyoratgohida sayohat tashkil etildi.
Yoshlarga Hisor tog‘ tizmalari oralig‘ida joylashgan Langar ota ziyoratgohi qadimiy xonaqoh-maqbaralar sirasiga kirishi, 1520-yillarda bunyod etilganligi, o‘rta asrlar Markaziy Osiyo me’morchiligining noyob namunasi bo‘lgan ushbu majmuada tasavvuf ta’limotining yirik vakillari abadiy qo‘nim topganligi haqida gapirib berildi.
Qarshi shahar adliya bo'limi xodimi B.Begmatov tomonidan Ichki ishlar vazirligi huzuridagi jazoni ijro etish departamenti 35-sonli manzil koloniyasida saylov qonunchiligi mazmun-mohiyati bo'yicha tar'ibot tadbiri o`tkazildi.
Tadbir davomida saylov qonunchiligiga kiritilgan o‘zgartirish va qo‘shimchalar, ovoz berish tartibi, saylovda ishtirok etish joyi, muddatidan oldin va turgan joyida ovoz berish tartibi, chet elda yashayotgan fuqarolarning saylovda ishtirok etish tartiblari xususida tushuntirish berildi.
Kitob tuman adliya bo‘limi xodimlari tomonidan Xo’jailmkoni MFYda yashovchi fuqarolar uchun "Huquqiy targ'ibot kuni" tashkil etildi.
Tadbir davomida aholiga yangi qabul qilingan normativ-huquqiy hujjatlar, jumladan “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish, Oʻz. Res. Prezidentining PF-80-sonli farmonining mazmun-mohiyati tushuntirildi va turli davlat xizmatlari ko’rsatildi.