Yangiliklar

#Tanlov

????Bugun "Huquqshunoslik fan olimpiadasi" ko'rik-tanlovning viloyat bosqichi bo'lib o'tdi.

????Tanlovning tuman (shahar) bosqichida eng yuqori natija qayd etgan  8, 9, 10 va 11-sinflarining 4 nafar huquq sinfi o'quvchilari  tanlovning viloyat bosqichida ishtirok etishdi. Tanlovning viloyat bosqichida yuqori natija qayd etgan  8, 9, 10 va 11-sinflarining 4 nafar huquq sinfi o'quvchilari respublika bosqichiga qatnashishni qo'lga kiritdilar.

❗️Tanlovda 1-o'rinni olgan o'quvchilar:

✔️Chiroqchi tumani 49-maktab 8 - o'quvchisi: Xonzoda Suyunqulova

✔️Qamashi tumani 16-maktab 9 - sinf o'quvchisi Zuhra Ergasheva

✔️Qamashi  tumani 16 -maktab 10 -sinf o'quvchisi Komila Sadullayeva

✔️Shahrisabz shahar 11 -maktab 11-sinf o'quvchisi Dilfuza Amirova

#E'tirof

✍️Qashqadaryoda  o'zboshimchalik bilan egallab olingan yer uchastkalariga hamda ularda qurilgan binolar va inshootlarga bo'lgan huquqlari e'tirof etilgan fuqarolar soni jami 3 063 taga yetdi.

⭐️Xususan, joriy yilning 23 oktabr kuni Xalq deputatlari Qashqadaryo viloyati Kengashining 7-chaqiriq 17- sessiyasida qabul qilingan qarori bilan  viloyatning bir qator tuman va shaharlarida istiqomat qiluvchi yana 1530 nafar fuqarolarning mulk huquqlari qonuniy tartibda e’tirof etildi

Xususan:

????Chiroqchi tumanida  40 nafar
????Dehqonobod tumanida  84 nafar
????G'uzor tumanida  81nafar
????Kasbi tumanida 173 nafar
????Kitob tumanida 60 nafar
????Ko'kdala tumanida 26 nafar
????Koson tumanida 155 nafar
????Mirishkor tumanida 117 nafar
????Muborak tumanida  2 nafar
????Nishon tumanida  164 nafar
????Qamashi tumanida  176 nafar
????Qarshi shahrida 16 nafar
????Qarshi tumanida  108 nafar
????Shahrisabz shahrida  62 nafar
????Shahrisabz tumanida  190 nafar
????Yakkabog' tumanida  76 nafar фuqarolarning o‘zboshimchalik bilan egallab olingan yer uchastkalari va ularda qurilgan uy-joylariga nisbatan mulk huquqi e’tirof etildi.

#Mehr_ulash

❤️Adliya vazirligi tashabbusi bilan respublika bo‘ylab o‘tkazilayotgan “Mehr ulash” qon topshirish xayriya aksiyasi doirasida Qashqadaryo viloyat adliya boshqarmasi hamda tizim xodimlari ushbu ezgu tashabbusni qo‘llab-quvvatlab, aksiyada faol ishtirok etdilar.

❤️Kun davomida bir qator adliya xodimlari ko‘ngilli donor sifatida viloyat qon quyish stansiyasiga tashrif buyurib, beg‘araz qon topshirdilar.

❤️Bu kabi xayriya tadbirlari nafaqat insonlarga yordam, balki jamiyatda mehr-oqibat, saxovat va insonparvarlik tuyg‘ularini mustahkamlashga xizmat qiladi.

✅ Qashqadaryo viloyat adliya boshqarmasi axborot  xizmati

#adliya_hudud

???? Kuz–qish mavsumiga tayyorgarlik ko‘rish ishlari davom etmoqda.

Kuz–qish mavsumiga puxta tayyorgarlik ko‘rish maqsadida Qashqadaryo viloyat Favqulodda vaziyatlar boshqarmasi mutaxassislari viloyat adliya boshqarmasida bo‘lishdi.

Tashrif davomida binolardagi isitish tizimlari, elektr tarmoqlari, yong‘in xavfsizligi vositalari va boshqa muhim infratuzilma holati o‘rganildi.

Mutaxassislar tomonidan aniqlangan kamchiliklarni bartaraf etish, yong‘in va boshqa favqulodda holatlarning oldini olish, xavfsizlik choralarini kuchaytirish bo‘yicha zarur tavsiyalar berildi.

Mazkur tadbir kuz–qish mavsumida xodimlar uchun xavfsiz va qulay mehnat sharoitlarini ta’minlashga qaratilgan.

Qashqadaryo viloyat adliya boshqarmasi axborot xizmati

#adliya_hudud

Kitob tumanida fuqarolar bilan ochiq muloqot va huquqiy maslahatlar tadbiri tashkil etildi.

Kitob tuman Davlat xizmatlari markazi xodimlari ishtirokida "Beshariq" mahallasida tag'ibot tadbiri o'tkazildi.

???? Targ'ibot tadbiri davomida fuqarolar bilan ochiq muloqot tashkil etildi, ularning huquqiy savol va muammolari tinglandi.
???? Shuningdek, O'zbekiston Respublikasi Prezidentining PQ–1-son Qarori hamda PF–80-son Farmoni mazmun-mohiyati aholiga sodda va tushunarli tarzda izohlab berildi.

Fuqarolarga bepul huquqiy maslahatlar berildi, mavjud muammolarni joyida hal etish bo'yicha choralar ko'rildi.

Tadbirning asosiy maqsadi — fuqarolarning huquqiy bilimlarini oshirish, ularni qiynayotgan masalalarni joyida hal etish hamda adliya va davlat xizmatlarini aholiga yanada yaqinlashtirishdan iborat bo'ldi.

#adliya_hudud

Kasbi tumanida yoshlarga nikoh shartnomasi mazmuni tushuntirildi

✅Kasbi tumanida ajrimlarning oldini olish, oilaviy munosabatlarda huquqiy ong va madaniyatni oshirish maqsadida tuman FHDYo bo‘limi, Xotin-qizlar faollari hamda imom-xatiblar ishtirokida davra suhbati o‘tkazildi.

✅Tadbir davomida yoshlarga nikoh shartnomasining mazmun-mohiyati, ahamiyati hamda u orqali er-xotin o‘rtasidagi huquq va majburiyatlarni oldindan belgilash imkoniyati haqida batafsil tushuntirishlar berildi.

✅Shuningdek, oila mustahkamligini ta’minlash, ajrimlarning oldini olish, o‘zaro hurmat va mas’uliyatli munosabatlar haqida fikr-mulohazalar bildirildi.

✅Tadbir yakunida yoshlar bunday uchrashuvlar ularning hayotiy qarorlarini ongli va mas’uliyatli qabul qilishida muhim ahamiyat kasb etishini ta’kidlashdi.

#adliya_hudud

✍️Kitob tuman Adliya bo‘limi Davlat xizmatlari markazi xodimlari bugun Ulug‘bek mahallasida sayyor qabul o‘tkazishdi.

#adliya_xabari

????Davlat hisobidan yuridik yordam ko‘rsatish tizimi o‘rganilmoqda

Davlat hisobidan yuridik yordam ko‘rsatishda uchrayotgan tizimli muammolarni o‘rganish va ularni bartaraf etish maqsadida Adliya vazirligi Notariat, advokatura va mediatsiya boshqarmasi boshlig‘i M. Hatamov hamda boshqarmaning advokatura va mediatsiya bo‘limi boshlig‘i J. Uzakovlar Kasbi va Mirishkor tuman adliya bo‘limida bo‘lishdi.

Tashrif davomida davlat hisobidan yuridik yordam ko‘rsatish sohasida amalga oshirilayotgan ishlar bilan tanishildi.

Shuningdek, “Yuridik yordam” axborot tizimi orqali sud va tergov organlaridan so‘rovlar kelishini ko‘paytirish, so‘rovlarni asossiz rad etayotgan advokatlarning faoliyatini tahlil qilib, ularni hududiy malaka komissiyalariga kiritish masalalariga e’tibor qaratildi.

Mutasaddilar tomonidan, sud va tergov organlari bilan hamkorlikni yanada kuchaytirish zarurligi yuzasidan tegishli tavsiyalar berildi.

Nikoh shartnomasining afzalliklari tushuntirildi

Joriy yilning 22-oktabr kuni Qamashi, Kasbi hamda Shahrisabz tuman FHDYo bo‘limlari tomonidan nikohlanayotgan yoshlar bilan davra suhbati o‘tkazildi.

Tadbir davomida FHDYo bo‘limi xodimlari yosh oilalarga nikoh shartnomasining mazmuni va uning afzalliklari haqida batafsil tushuntirish berishdi. Shuningdek, ushbu hujjatning oilaviy munosabatlarni mustahkamlashdagi ahamiyati, taraflar o‘rtasida huquq va majburiyatlarni aniq belgilab berishdagi o‘rni haqida ham fikr yuritildi.

Mazkur tadbir yoshlarni ongli nikohga tayyorlash, oilaviy munosabatlarda huquqiy madaniyatni oshirishga xizmat qildi.

#adliya_xabari

TIL MILLAT KO’ZGUSI

Qashqadaryo viloyat adliya boshqarmasi tomonidan viloyat yuridik texnikumi bilan hamkorlikda “Til — millat ko‘zgusi” nomli ma’naviy-ma’rifiy tadbir o‘tkazildi.

Tadbirda ma’ruzachilar tomonidan o‘zbek tilining davlat tili sifatidagi ahamiyati, uni asrab-avaylash va rivojlantirish borasida amalga oshirilayotgan islohotlar, shuningdek, yoshlarning ona tiliga hurmat ruhida tarbiyalanish masalalari yuzasidan fikr-mulohazalar bildirildi.

Shuningdek, talabalar tomonidan badiiy chiqishlar, sahna ko‘rinishlari va she’rlar namoyish etildi.

Tadbirda “Do‘stlik” ordeni sohibi Umrzoq Quvvatov ham ishtirok etib, o‘zining chiroyli qo‘shiqlari bilan mehmonlarga bayramona kayfiyat ulashdi.

Mazkur tadbirning asosiy maqsadi — yoshlar o‘rtasida ona tilimizning qadri va go‘zalligini targ‘ib etish, uni millat g‘ururi sifatida e’zozlashga da’vat etishdan iborat bo‘ldi.

Qashqadaryo viloyat adliya boshqarmasi axborot xizmati