Yangiliklar
HUQUQIY_MAHALLA
Koson tuman adliya bo‘limi davlat xizmatlari markazi va FHDY boʻlimi xodimlari tomonidan tumandagi Doʻstlik, Quyi Obron, Sherbek va Zamin MFYlarida "Huquqiy mahalla" konsepsiyasi doirasida targʻibot tadbirlari tashkil etildi.
Tadbir davomida FHDY, pensiya, ijtimoiy himoya va boshqa masalalarda huquqiy muammolar aniqlandi.
Shuningdek, Davlat xizmatlari markazi xodimlari tomonidan sayyor xizmatlar ko'rsatildi.
#adliya_hudud
Yakkabog'da fuqarolar bilan ochiq muloqot va huquqiy maslahatlar tadbiri
Kuni kecha Yakkabog' tuman adliya bo'limi xodimlari ishtirokida Uchtepa mahallasinida sayyor qabul tadbiri o'tkazildi.
Tadbir davomida fuqarolar bilan ochiq muloqot tashkil etildi, ularning huquqiy savol va muammolari tinglandi.
Shuningdek, O'zbekiston Respublikasi Prezidentining PQ–1-son Qarori hamda PF–80-son Farmoni mazmun-mohiyati aholiga sodda va tushunarli tarzda izohlab berildi.
Fuqarolarga bepul huquqiy maslahatlar berildi, mavjud muammolarni joyida hal etish bo'yicha choralar ko'rildi.
Tadbirning asosiy maqsadi — fuqarolarning huquqiy bilimlarini oshirish, ularni qiynayotgan masalalarni joyida hal etish hamda adliya va davlat xizmatlarini aholiga yanada yaqinlashtirishdan iborat bo'ldi.
“IJRO INTIZOMI - SAMARADORLIK OMILI”
Joriy yilning 7 avgust kuni Adliya vazirligi va Hisob palatasi mas'ullari tomonidan Qashqadaryo viloyat adliya boshqarmasida O'zbekiston Respublikasi Prezidentining 2025-yil 25-iyuldagi “Davlat organlari va tashkilotlarida ijro intizomini yanada mustahkamlashning qo'shimcha chora-tadbirlari to'g'risida” PF-117-son Farmoni mazmun-mohiyatini tushuntirish hamda ijro intizomini mustahkamlash masalalari yuzasidan o'quv amaliy seminar-trening tashkil etildi.
Seminarda Adliya vazirligi va Hisob palatasi mas'ul xodimlari tomonidan yangi qabul qilingan Farmonning mazmun-mohiyati tushuntirilib, ijro intizomini mustahkamlash yo'nalishida amalga oshirilgan ishlar va kelgusidagi muhim vazifalarga alohida to'xtalib o'tildi.
Tadbir davomida soha vakillari o'zlarini qiziqtirgan barcha savollariga javob oldilar hamda ijro intizomini yanada mustahkamlash, hujjatlar bilan ishlash jarayonlari yuzasidan tegishli takliflar bildirildi.
https://t.me/qashqadaryoviloyatadliya
“Adliya kuni”
Bugun Kitob tuman adliya bo‘lim xodimlari, ishtirokida "Sharq Yulduzi" mahallasida “Adliya kuni” doirasida sayyor qabul tadbiri o‘tkazildi.
Tadbir davomida fuqarolar bilan ochiq muloqot tashkil etilib, ularning huquqiy savollari va muammolari tinglandi.
Fuqarolarga bepul huquqiy maslahatlar berildi, mavjud muammolarni joyida hal etish bo‘yicha choralar ko‘rildi.
Tadbirning asosiy maqsadi – fuqarolarning huquqiy bilimlarini oshirish, ularni qiynayotgan masalalarni joyida hal qilish hamda adliya va davlat xizmatlarini aholiga yanada yaqinlashtirishdan iborat bo‘ldi.
OYNING ENG YAXSHI TEXNIK XODIMI ANIQLANDI
“Oyning eng yaxshi texnik xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra 2025-yil iyul oyining eng yaxshi texnik xodimi aniqlandi:
Xasanova Shaxnoza Bobomurod qizi - Qarshi shahar FHDY bo‘limi ish yurituvchisi
Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.
Qashqadaryo viloyat adliya boshqarmasi ushbu xodimni muborakbod etib, kelgusi faoliyatiga ulkan muvaffaqiyatlar va zafar tilaydi.
ЭЪЛОН!
Ўзбекистон Республикаси Судьялар олий кенгаши ҳузуридаги Судьялар олий мактабининг Судьялик лавозимларига номзодларни тайёрлаш курсига 2025/2026 ўқув йили учун фуқаролик, жиноят, иқтисодий ва маъмурий ҳуқуқ ихтисосликлари бўйича қабул эълон қилинади.
Тайёрлаш курсига ўттиз тўрт ёшдан кичик бўлмаган (шунингдек, жорий йилнинг 31 декабрь кунига қадар ўттиз тўрт ёшга тўладиган), олий юридик маълумотга ва юридик ихтисослиги бўйича камида етти йиллик иш стажига эга бўлган Ўзбекистон Республикаси фуқаролари қабул қилинади.
Судьялик лавозимларига номзодларни тайёрлаш бир йиллик магистратура таълим дастури бўйича давлат грантлари асосида амалга оширилади.
Талабгорлар қуйидаги ҳужжатларни топширишлари лозим:
- тайёрлаш курсининг тегишли ихтисослигини кўрсатган ҳолда Судьялар олий мактаби директорининг номига ариза;
- шахсини тасдиқловчи ҳужжат (паспорт ёки ID-карта) нусхаси;
- маълумотнома-объективка (ёзма ва электрон шаклда);
- таянч олий юридик маълумот тўғрисидаги бакалавр дипломи (таълим йўналиши: юриспруденция; таълим шифри: 5240100 ёки 5380100) ва иловасининг нотариал тарзда ёки ташкилотнинг кадрлар бўлимида тасдиқланган нусхалари, агар диплом тан олинган (нострификация қилинган) бўлса, бу ҳақдаги ҳужжат нусхаси;
– меҳнат дафтарчасининг нотариал тарзда ёки ташкилотнинг кадрлар бўлимида тасдиқланган нусхаси ёки my.gov.uz интерактив хизматлари орқали олинган ва махсус код (QR-код) мавжуд бўлган электрон нусхаси;
– Ўзбекистон Республикаси Соғлиқни сақлаш вазирининг 2020 йил 31 декабрдаги 363-сонли буйруғи билан тасдиқланган шаклдаги одил судловни амалга оширишга тўсқинлик қиладиган касалликлар ва жисмоний нуқсонлар йўқлиги ҳақидаги тиббий маълумотнома (086/1 шакл).
Талабгорлардан ариза ва ҳужжатлар 2025 йилнинг 22 июль соат 09:00 дан 31 июль соат 18:00 га қадар қабул қилинади.
Ариза ва ҳужжатлар вилоят ва унга тенглаштирилган судлар судьялари малака ҳайъатлари ёки бевосита Судьялар олий мактаби қабул комиссиясига тақдим этилиши мумкин.
Маълумот учун тел: (998) 55-501-02-40.
Манзил: Тошкент шаҳар, Чилонзор тумани, Чўпонота кўчаси, 6-уй.
Қабул комиссияси
#adliya_aralashgach
G‘uzor tuman adliya bo‘limi tomonidan G‘uzor tuman "Tinchlik" MFY Tinchlik ko‘chasida yashovchi fuqaro Z.Parmonovananing ish haqlari to'lab berilmaganligidan norozi bo‘lib yo'llagan murojaati yuzasidan o‘rganish o‘tkazildi.
O'rganishlarga ko'ra, G‘uzor tuman maktabgacha va maktab ta’lim bo‘limi tomonidan Z.Parmonovaga 01.05.2024-yildan 01.02.2025-yilga qadar ishlagan davri uchun 15 462 000 so‘m oylik ish haqi to‘lab berilmaganligi aniqlandi.
Adliya bo'limi tomonidan tuman maktabgacha va maktab ta’lim bo‘limiga ish haqini to‘lab berish yuzasidan taqdimnoma kiritildi.
Taqdimnoma natijasiga ko‘ra, fuqaro Z.Parmonovaga
15 462 000 so‘m ish haqi to‘lab berildi.
Shahrisabz shahrida sayyor davlat xizmatlari ko‘rsatildi!
????Bugun, 2025-yil 1-avgust kuni Shahrisabz shahar Davlat xizmatlari markazi tomonidan Oqsaroy mahallasida sayyor xizmat ko‘rsatish ishlari amalga oshirildi.
???? Ushbu tadbir davomida mahalla aholisi uchun 30 dan ortiq turdagi davlat xizmatlari joyida, tez va qulay tarzda ko‘rsatildi. Sayyor xizmatlar orqali fuqarolar:
ID karta olish va almashtirish,
Tug‘ilganlik to‘g‘risidagi guvohnomalarni rasmiylashtirish,
Nikoh va ajrimni qayd etish,
ERI (elektron raqamli imzo) olish,
Notarial harakatlar bo‘yicha huquqiy maslahat olish
kabi ko‘plab xizmatlardan foydalanish imkoniga ega bo‘ldilar.
✅ Tadbirning asosiy maqsadi aholiga davlat xizmatlarini ularning yashash joyida taqdim etish orqali vaqt va mablag‘ni tejash, byurokratik to‘siqlarni bartaraf etishdan iborat bo‘ldi.
???? Shahrisabz shahar DXM tomonidan bunday sayyor xizmatlar muntazam ravishda boshqa mahallalarda ham davom ettiriladi.
#adliya_mahalla
HUQUQIY MAHALLA LOYIHASI DOIRASIDA
Koson tuman adliya bo'limi tomonidan "Huquqiy mahalla" loyihasi doirasida ijobiy ishlar davom ettirilmoqda.
Xususan, iyul oyida Bog'ishamol MFYda yashovchi fuqarolarning huquqiy muammolarini o'rganish davomida bir nechta fuqarolar tomonidan mahalla hududida joylashgan xususiy bolalar bog'chasi yonidagi yo'lga piyodalar o'tish yo'lakchasini chizish haqidagi murojaatlari qabul qilindi.
Mazkur murojaat mas'ul tashkilotlar bilan hamkorlikda ijobiy hal etildi.
“IJRO INTIZOMI - SAMARADORLIK OMILI”
Joriy yilning 30 iyul kuni Hisob palatasi tomonidan Adliya vazirligi bilan birgalikda O'zbekiston Respublikasi Prezidentining 2025-yil 25-iyuldagi “Davlat organlari va tashkilotlarida ijro intizomini yanada mustahkamlashning qo'shimcha chora-tadbirlari to'g'risida” PF-117-son Farmoni mazmun-mohiyatini tushuntirish hamda ijro intizomini mustahkamlash masalalari yuzasidan ZOOM platformasi orqali seminar-trening tashkil etildi.
Tadbirda Qashqadaryo viloyat adliya boshqarmasida viloyat hokimligi, tuman(shahar) hokimliklari hamda barcha davlat organlari va tashkilotlari xodimlari ishtirok etdi.
Seminarda Adliya vazirligi va Hisob palatasi hamda boshqa mas'ullar tomonidan yangi qabul qilingan Farmonning mazmun-mohiyati tushuntirilib, ijro intizomini mustahkamlash yo'nalishida amalga oshirilgan ishlar va kelgusidagi muhim vazifalarga alohida to'xtalib o'tildi.