Yangiliklar

????Mulk huquqlari huquqiy targ‘ibot tadbiri o‘tkazildi

Shahrisabz tumani adliya bo‘limi tomonidan "Obod" MFYda 2026-yil 12-fevral kuni “Mulk huquqlari aksiyasi” doirasida huquqiy targ‘ibot tadbiri tashkil etildi.

Tadbir davomida fuqarolarga:
✅ mulk huquqlarini rasmiylashtirish tartibi
✅ ko‘chmas mulk bitimlarini qonuniy amalga oshirish
✅ mulk daxlsizligi va uning kafolatlari bo‘yicha tushuntirishlar berildi.

Shuningdek, ishtirokchilarni qiziqtirgan savollarga mutaxassislar tomonidan batafsil javoblar taqdim etildi.

Mazkur tadbir aholining huquqiy savodxonligini oshirish hamda mulk huquqlarini ishonchli himoya qilishga xizmat qiladi.

#Adliya_xabari

❗️O‘zbekiston Respublikasi Prezidentining 2026-yil 5-yanvardagi PQ–1 son va PQ 2-son qarori ijrosi yuzasidan Qashqadaryo viloyat adliya boshqarmasi boshlig‘i S. Nuriyev Kitob ,Shahrisabz tumanlari hamda  Shahrisabz shahrida bo‘ldi.

⭐️Kitob tumanidagi “Paxtaobod”, Shahrisabz tumanidagi "Shamaton" va Shahrisabz shahridagi “Ma'rifat” mahallalarida “Nizoli oilalar” bilan uchrashuv o‘tkazildi. Unda oilaviy ajrimlarning oldini olish, oila mustahkamligini ta’minlash va farzandlar manfaatlarini himoya qilish masalalari muhokama qilindi.

????Shuningdek, joylardagi yarashtiruv komissiyalariga metodik yordam ko'rsatildi.Oilaviy nizolar sabablari tahlil qilinib, ularni bartaraf etishning huquqiy mexanizmlari hamda davlat tomonidan ko‘rsatilayotgan ijtimoiy-huquqiy yordamlar yuzasidan tushuntirishlar berildi.

#xavfsiz_mahalla
#adliya_hudud

⭐️Viloyat shtabi 2-guruh a’zolari hamda tegishli tashkilotlar mas’ul xodimlari tomonidan mahallalarda xavfsiz muhitni yaratish, huquqbuzarliklarning barvaqt oldini olish hamda aholi bilan manzilli ishlash tizimini yanada takomillashtirish maqsadida qabul qilingan PQ-1 va PQ-2-son qarorlar ijrosi yuzasidan amalga oshirilayotgan ishlar tahlil qilinmoqda.

✅Shu munosabat bilan Koson tumani prokuraturasida tashkil etilgan shtab faoliyati o‘rganilib, unda olib borilayotgan profilaktik tadbirlar, muammoli oilalar va xavf guruhidagi shaxslar bilan ishlash holati, idoralararo hamkorlik samaradorligi hamda belgilangan vazifalarning ijro intizomi ko‘zdan kechirilmoqda.

????O‘rganish jarayonida aniqlangan kamchiliklarni bartaraf etish, ish samaradorligini oshirish hamda manzilli choralarni kuchaytirish bo‘yicha tegishli tavsiya va ko‘rsatmalar berilmoqda.

#adliya_aralashgach

????Adliya aralashuvi bilan fuqarolarning mulkiy huquqi tiklandi

????Nishon tumani Paxtaobod MFYda yashovchi fuqarolar — Xazratqulova Roxat va Po'latov Sohib uzoq vaqt davomida yashash xonadoni xatlovdan qolib ketganligi sababli egalik huquqini rasmiylashtirishda muammoga duch kelib kelayotgan edi.

????Xatlov ishlari o'z vaqtida to'liq amalga oshirilmagani tufayli ular uy-joyiga nisbatan egalik huquqi bo'yicha qaror ololmay, turli idoralarga murojaat qilgan. Biroq murojaatlardan kutilgan natija bo'lmagan.

????Shundan so'ng fuqarolar adliya bo'limiga murojaat qildi. Adliya organlari tomonidan murojaatlar atroflicha o'rganilib, tegishli tashkilotlar bilan hamkorlikda qayta o'lchov (xatlov) ishlari tashkil etildi.

????Qayta o'lchov natijalariga ko'ra, fuqarolarning yashash xonadoni bo'yicha hujjatlar qonuniy tartibda rasmiylashtirilib, egalik huquqi to'g'risida tegishli qaror qabul qilindi.

#Xavfsiz_mahalla
Mahallalarda muammolar o‘rganilib, jinoyatchilikning oldi olinmoqda

Viloyat adliya boshqarmasi mas’ullari tomonidan mahallalarda sayyor qabullar o‘tkazilib, fuqarolarning muammolari o‘rganilmoqda. Murojaatlar tinglanib, huquqiy tushuntirishlar berilmoqda hamda amaliy yordam ko‘rsatish choralari ko‘rilmoqda.

Shuningdek, aholi o‘rtasida jinoyatchilikning oldini olishga qaratilgan PQ–1va PQ2 qarori mazmun-mohiyati ham keng tushuntirilmoqda. Fuqarolarning huquqiy ongi va madaniyatini oshirish orqali huquqbuzarliklarning barvaqt oldini olish maqsad qilingan.

Joylarda olib borilayotgan bu kabi targ‘ibot va o‘rganishlar tinchlik va osoyishtalik maqsadida amalga oshirilmoqda.

#Adliya_mahallada

Aholiga huquqiy xizmatlarni yanada yaqinlashtirish, fuqarolarning muammolarini joyiga chiqqan holda o‘rganish maqsadida navbatdagi sayyor qabul va huquqiy targ‘ibot tadbirlari tashkil etildi.

Tadbirlar:
Ko‘kdala tumani Qo‘chqorbuloq MFY
Yakkabog‘ tumani Istiqlol MFY hududlarida o‘tkazildi.

Unda fuqarolarga:
huquqiy maslahatlar berildi,
davlat xizmatlaridan foydalanish tartiblari tushuntirildi,
mavjud murojaatlar joyida qabul qilindi,
muammolarni hal etish yuzasidan amaliy yordam ko‘rsatildi.

Shuningdek, PQ–1-son qaror ijrosi yuzasidan targ‘ibot ishlari olib borilib, jinoyatchilikning oldini olish, huquqbuzarliklarning barvaqt profilaktikasi hamda aholining huquqiy savodxonligini oshirishga qaratilgan tushuntirishlar berildi.

Bu kabi tadbirlar aholining huquqiy ongi va madaniyatini yuksaltirish, fuqarolarning huquq va qonuniy manfaatlarini ishonchli himoya qilishda muhim ahamiyat kasb etadi.

#Adliya_xabari

Aholi va qishloq xoʻjaligini roʻyxatga olish tadbirlari qizgʻin davom etmoqda.

O‘zbekiston Respublikasi Prezidentining “Oʻzbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida”gi PF-173-son Farmoni ijrosi yuzasidan hududlarga biriktirilgan mas’ullar tomonidan tizimli ishlar davom ettirilmoqda.

Shu munosabat bilan Adliya vazirining o‘rinbosari N. Muxammadiyev Qashqadaryo viloyati Qarshi shahrida bo‘lib turibdi.
Safar davomida:
Shahardagi "Shoh bekat", "Oqtepa", "Gungon", "Qavali" mahallalarida bo'lib, mahalla yettiligi bilan  aholi va qishloq xo‘jaligini ro‘yxatga olish bo‘yicha jarayonda ishtirok etib, amaliy yordam va mas’ullarga tegishli ko‘rsatmalar berildi.
Ro'yxatga olish ishlarining ikkinchi bosqichi joriy yilning 28-fevral kuniga qadar davom etadi.

#adliya_hudud

Bugun Qamashi tuman adliya bo‘limi Davlat xizmatlari markazi xodimlari tomonidan Mangʻit va Ibn Sino MFYlarida mahalla yettiligi hamda mahalla faollari ishtirokida sayyor qabul tashkil etildi.

Sayyor qabul davomida  2025-yil 3-yanvardagi PQ–1-sonli qarori mazmun-mohiyati aholiga tushuntirildi. Xususan, ushbu Qaror doirasida mahallalarda xavfsiz muhitni yaratish, huquqbuzarliklarning barvaqt oldini olish, fuqarolarning ogohligini oshirish masalalariga alohida e’tibor qaratildi.
Shuningdek, fuqarolarga my.gov.uz — Yagona interaktiv davlat xizmatlari portali orqali uydan chiqmagan holda onlayn tarzda davlat xizmatlaridan foydalanish imkoniyatlari keng targ‘ib qilindi.

Tadbir davomida fuqarolarga o‘zboshimchalik bilan egallab olingan yer uchastkalari hamda ularda qurilgan uy-joylarga bo‘lgan huquqlarni e’tirof etish tartibi yuzasidan tushunchalar berildi. Shuningdek, ularga etirof.kadastr.uz sayti imkoniyatlari va afzalliklari tushuntirildi.

Xalq deputatlari Qashqadaryo viloyati Kengashining navbatdagi sessiyasi bo‘lib o‘tdi

Sessiya kun tartibiga muvofiq, Qashqadaryo viloyati Adliya boshqarmasi tomonidan amalga oshirilayotgan ishlar yuzasidan axborot tinglandi.

Xususan, viloyat adliya boshqarmasi boshlig‘i S. Nuriyev tomonidan:
???? norma ijodkorligi sohasida olib borilayotgan ishlar,
???? huquqni qo‘llash amaliyoti,
???? aholi hamda tadbirkorlarning huquq va qonuniy manfaatlarini himoya qilish borasida ko‘rilayotgan choralar haqida batafsil ma’lumot berildi.

Sessiya davomida deputatlar tomonidan berilgan savollarga atroflicha javoblar qaytarildi hamda tegishli taklif va tavsiyalar bildirildi.

Qabul qilinayotgan barcha qarorlar bilan “kengash.gov.uz” rasmiy veb-sayti orqali tanishib borish mumkin.

Sog‘lom oila va porloq kelajak yo‘lida muhim tashabbus

Ko‘kdala tumanidagi Taloqtepa qishlog‘ida joylashgan 59-maktab hamda Xarduri MFY hududidagi 57- va 58-umumta’lim maktablarida Qashqadaryo viloyat adliya boshqarmasi, Oila va xotin-qizlar boshqarmasi hamda hamkor tashkilotlar ishtirokida ma’naviy-ma’rifiy tadbirlar tashkil etildi.

Tadbirlar oilalarni mustahkamlash, erta nikoh va erta tug‘ruqning salbiy oqibatlarini oldini olishga qaratilgani bilan ahamiyatlidir.

Uchrashuvlar davomida ota-onalar va o‘quvchilarga:
???? erta nikohlarning oila mustahkamligi va jamiyat barqarorligiga salbiy ta’siri
???? erta tug‘ruqning ona va bola salomatligiga yetkazishi mumkin bo‘lgan jiddiy xavflar
???? jinoyatchilikning salbiy oqibatlari, yoshlar hayotiga va kelajagiga ko‘rsatadigan ta’siri haqida batafsil tushuntirishlar berildi.

Shuningdek, qiz farzandlarning to‘liq ta’lim olishi, kasb egallashi va kelajakda jamiyatda munosib o‘rin egallashi eng ustuvor vazifa ekani alohida ta’kidlandi.