Yangiliklar

Nishon tuman FHDY bo'limi xodimlari va Madad NNT xodimlari tomonidan joriy yilning 12-iyun kuni tumandagi "Gulzor”mahallasida "Huquqiy mahalla" loyihasi doirasida aholining huquqiy muommolari o'rganildi va  aholining huquqiy madaniyatini hamda ijtimoiy faolliklarini oshirish boʻyicha targʻibot tadbirlari oʻtkazildi.

Tadbir davomida ijtimoiy himoyaga muhtoj aholi qatlamini qonunchilikdagi imtiyozlar haqida xabardor qilish, ishsizlikdan himoyalanish va imkoniyatlardan foydalanish tartibi energiya tejamkorligi va ulardan foydalanish samaradorligi hamda imtiyozlar haqida xabardor qilish.

Jinoyatchilik va huquqbuzarliklarni oldini olish ularning oqibatlari va qilmish uchun jazo muqarrarligi masalalarini yetkazish (PQ-1 sonli qaror mazmuni haqida tushuntirishlar berildi.

Muallif Ibrohim G'afurov tomonidan o'zbek tiliga tarjima qilingan “Jinoyat va jazo” asarini nashr etish huquqi shartnoma bo'yicha "Dunyo nashr" nashriyotiga tegishlidir.

Adliya vazirligi tomonidan “Jinoyat va jazo” asarining o’zbek tilidagi tarjimasi “T.S” hamda “P.E” MChJlar tomonidan huquq egasining ruxsatisiz hamda tegishli tartibda mualliflik haqini to‘lamasdan 4000 adadda nashr etilganligi aniqlandi.

Holat yuzasidan huquqbuzarlarga nisbatan qonunchilik hujjatlari talablari buzilishi, ularga imkon beruvchi sabablar va shart-sharoitlarni bartaraf etish to‘g‘risida bajarilishi majburiy bo‘lgan taqdimnomalar chiqarildi.

Hurmatli ijod vakillari! Mualliflik  huquqingiz buzilganda  Adliya vazirligining "1008" ishonch telefoni orqali xabar berishingiz yoki info@adliya.uz elektron pochta manzili orqali murojaat qilishingizni so'raymiz!

Dehqonobod tuman tibbiyot birlashmasida faoliyat yuritayotgan uch nafar salohiyatli yosh shifokor adolat izlab, Dehqonobod tuman adliya bo‘limiga murojaat qilishdi. Ular o‘z murojaatlarida, qonun bilan belgilangan maxsus ustamalar – yosh mutaxassislar uchun mo‘ljallangan rag‘batlantiruvchi to‘lovlar – ularga berilmayotganini ma’lum qilishdi.

Adliya bo‘limi bu murojaatni befarq qoldirmadi. Mavjud huquqiy asoslar sinchkovlik bilan o‘rganilib, tuman tibbiyot birlashmasining bunday harakati noo‘rin va qonunga zid ekani aniqlandi. Natijada, fuqarolik ishlari bo‘yicha sudga da’vo arizasi kiritildi. Biroq, birinchi instansiya sudi yosh shifokorlarning haqiqatga to‘la da’vosini rad etdi.

Shunga qaramay, adolat yo‘lida kurash to‘xtamadi. Dehqonobod tuman adliya bo‘limi ushbu masalada kassatsiya tartibida shikoyat kiritdi. Va nihoyat, 2025-yil 28-may kuni Qashqadaryo viloyat sudi fuqarolik ishlari bo‘yicha sudlov hay’ati tomonidan adolat qaror topdi – birinchi instansiya sudining asossiz qarori bekor qilinib, uch nafar salohiyatli yosh shifokorning foydasiga jami 22 million so‘m miqdoridagi maxsus ustama mablag‘larini undirish haqida qaror chiqarildi.

 Adliya organlari tizimida korrupsiyaga qarshi murosasiz kurash e'lon qilingan.

 Bunda Adliya vazirligi tizimidagi, jumladan:

▫️adliya boshqarmalari va bo‘limlari;
▫️yuridik xizmat ko‘rsatish markazlari;
▫️FHDY organlari;
▫️davlat xizmatlari markazlari;
▫️"O‘zarxiv" agentligi va uning hududiy tuzilmalari;
▫️X. Sulaymonova nomidagi Respublika sud-ekspertiza markazi va uning hududiy bo‘linmalari;
▫️“Adolat” milliy huquqiy axborot markazi;
▫️Adliya organlari va muassasalarida axborot-kommunikatsiya  texnologiyalarini rivojlantirish markazi;
▫️Intellektual mulk markazi;
▫️davlat notarial idoralari va arxivlari;
▫️Yuridik kadrlarni qayta tayyorlash instituti;
▫️Toshkent davlat yuridik universiteti;
▫️TDYU qoshidagi akademik litseydagi korrupsiya holatlari haqida ma'lumotlarni Telegramdagi @antikorbot botiga, (71) 207-04-64 (1321 yoki 1323) telefon raqamiga yoki vazirlik rasmiy veb-saytidagi maxsus platformaga yuborish mumkin.

Yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi sir saqlanishi kafolatlanadi.

O'zbekiston Respublikasi Prezidenti Adminstratsiyasi hamda Adliya vazirligi mas'ul xodimlari tomonidan Qashqadaryo viloyatida adliya organlari  faoliyati o‘rganildi.

OYNING ENG YAXSHI BOSHQARUV XODIMI ANIQLANDI


“Oyning eng yaxshi boshqaruv xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra 2025-yil may oyining eng yaxshi xodimi aniqlandi:

Ergashev Adham Normurodovich – Raqamlashtirish bo'yicha bosh maslahatchi

Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.

Qashqadaryo viloyat adliya  boshqarmasi ushbu xodimni muborakbod etib, kelgusi faoliyatiga ulkan muvaffaqiyatlar va zafar tilaydi.

OYNING ENG YAXSHI TEXNIK XODIMI ANIQLANDI

“Oyning eng yaxshi texnik xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra 2025-yil may oyining eng yaxshi texnik xodimi aniqlandi:

Abdullayev Nodir Hakimovich – Qashqadaryo viloyat adliya boshqarmasi mutaxassisi.

Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.

Qashqadaryo viloyat adliya  boshqarmasi ushbu xodimni muborakbod etib, kelgusi faoliyatiga ulkan muvaffaqiyatlar va zafar tilaydi.

“Raqamli kelajak sari birinchi qadam” – bitiruvchilar ERI va Mobil-ID tizimiga ulanmoqda

Bugun Kitob tuman adliya bo‘limi Davlat xizmatlari markazi xodimlari Varganza MFYda joylashgan 94-sonli maktabga tashrif buyurib, yuqori sinf bitiruvchilari bilan uchrashuv o‘tkazishdi.

Tadbir davomida bitiruvchilarga elektron hukumat, davlat xizmatlarining raqamlashtirilgan shakli va ularning kundalik hayotdagi ahamiyati haqida amaliy va nazariy ma’lumotlar berildi. Mustaqil hayot yoqasida turgan yoshlar uchun bu bilimlar ayni muddao bo‘ldi.

#Hech_bir_shaxs_hujjatsiz_qolmaydi

Yakkabogʻ tuman Istiqlol MFY “Jamolota” qishlogʻida yashovchi bir oila 20 yillik birga yashashdan soʻng rasman nikohdan oʻtdi — bu insoniylik, sabr, muhabbat va qadriyatlarning yorqin namunasi boʻldi.

Toshmurod Mo'minov hamda Mohichehra Norovalar 20 yil davomida birga turmush qurib, farzandlar voyaga yetkazgan, biroq shu kungacha rasmiy nikoh hujjatiga ega emas edi. Endi esa, 20 yillik hayotiy tajriba va sadoqatdan soʻng, ular rasman oilaviy huquqiy maqomga ega boʻlishdi — bu nafaqat huquqiy jihatdan, balki jamiyat va farzandlar oldida ham masʼuliyatli qadamdir.

Afg'on millatiga mansub Shabnamning tug'ilish guvohnomasi 19 yildan so'ng topshirildi.


2006 yilda tug'ilgan Shabnam Kayfiyeva Qarshi shahrining "Cho'lquvar" mahallasida yashaydi. Onasining hujjati  yo'qligi sababli   u ham vaqtida hujjat ololmadi.

"Hech bir shaxs hujjatsiz qolmaydi" aksiyasi doirasida fuqaroning muammosi Qarshi shahar FHDY bo'limi tomonidan ijobiy hal etildi.