Yangiliklar

#Sayyor_qabul

Dehqonobod tumanining "Oqrabot" mahallasida Qashqadaryo viloyati adliya boshqarmasi boshlig‘ining birinchi o‘rinbosari S.Rahimov ishtirokida sayyor qabul tashkil etildi.

Tadbir davomida fuqarolarning murojaatlari tinglanib, ularning huquqiy muammolariga yechim topish, davlat xizmatlaridan foydalanish jarayonida yuzaga kelayotgan masalalarni bartaraf etish yuzasidan amaliy yordam ko‘rsatildi.

Shuningdek, ishtirokchilarga O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonunining mazmun-mohiyati, Bosh vazirning 2025-yil 27-maydagi topshirig‘iga muvofiq hududlarda sayyor qabullarni tashkil etish, fuqarolar murojaatlarini o‘z vaqtida o‘rganish, aholiga jinoyatchilikning salbiy oqibatlari yuzasidan huquqiy tushuntirishlar berish, notinch oilalar bilan profilaktik suhbatlar o‘tkazish va ularni yarashtirish choralarini ko‘rish bugungi kundagi ustuvor vazifalardan biri ekani ta’kidlandi.

Tadbirda 60 nafardan ortiq jismoniy va yuridik shaxslarning davlat xizmatlari ko‘rsatish tizimidagi mavjud muammolar, ularni bartaraf etish bo‘yicha taklif va fikr-mulohazalari tinglandi.

Jarayon davomida mas’ullar tomonidan 60 dan ortiq fuqaro qabul qilinib, 20 nafar fuqaroga huquqiy tushuntirishlar berildi, 15 ta murojaat joyida ijobiy hal etildi. Qo‘shimcha o‘rganish talab etilgan 15 ta hujjat ish yurituviga olindi.

#MEN_DONORMAN

Inson hayotini saqlab qolishda donorlikning o‘rni beqiyos. Beg‘araz qon topshirish orqali minglab bemorlarga umid va yashash uchun imkoniyat beriladi. Xalqimizga xos mehr-oqibat, bag‘rikenglik va insonparvarlik fazilatlari bugungi donorlik aksiyalarida ham yaqqol namoyon bo‘lmoqda.

Adliya vazirligi (https://adliya.uz/?utm_source=chatgpt.com) tashabbusi bilan mamlakatimizda beg‘araz donorlik harakatini keng targ‘ib qilish, aholining bu boradagi xabardorligini oshirish hamda ijtimoiy birdamlikni mustahkamlash maqsadida turli aksiyalar tashkil etib kelinmoqda.

Bugun Qashqadaryo viloyat adliya boshqarmasida o‘tkazilgan donorlik aksiyasida 20 nafar ko‘ngilli xodim faol ishtirok etdi. Ular inson salomatligi va hayotini asrash yo‘lida beminnat yordam ko‘rsatib, qon topshirdilar. Tadbir davomida mutaxassislar tomonidan donorlikning inson organizmi uchun foydali jihatlari, uning tibbiyotdagi ahamiyati hamda qon topshirish tartiblari haqida tushuntirishlar berildi.

#HuquqbuzarliklarProfilaktikasi
#Rahbar va Yoshlar uchrashuvi

Kasbi tumani adliya bo‘limi tomonidan Kasbi tuman Favqulodda vaziyatlar bo‘limida “Payshanba — huquqbuzarliklar profilaktikasi kuni” hamda “Rahbar va yoshlar uchrashuvi” doirasida targ‘ibot tadbiri tashkil etildi.

Tadbir davomida rasmiy hujjatlarni qalbakilashtirish, soxta hujjatlardan foydalanish qonunga zid ekani hamda bunday huquqbuzarliklar uchun javobgarlik muqarrarligi haqida batafsil tushuntirishlar berildi.

Ochiq muloqot shaklida o‘tgan uchrashuvda yoshlar o‘zlarini qiziqtirgan savollarga javob oldilar. Mutaxassislar tomonidan ularga huquqiy bilimlarni oshirish, qonunchilikdagi yangiliklardan xabardor bo‘lib borish hamda turli huquqbuzarliklarning oldini olish yuzasidan amaliy tavsiyalar berildi.

Tadbir yakunida fuqarolarning huquqiy ongi va huquqiy madaniyatini yuksaltirish, jamiyatda qonunga hurmat ruhini mustahkamlash har bir fuqaroning muhim vazifasi ekani alohida ta’kidlandi.

#tabrik

OYNING ENG YAXSHI TEXNIK XODIMI ANIQLANDI

“Oyning eng yaxshi texnik xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra, 2026-yil aprel oyining eng yaxshi xodimi aniqlandi:

Xoliqov Javohir Bohodir o‘g‘li g‘olib deb -  DXM hisoblash texnikasi operatori

Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.

Qashqadaryo viloyat adliya  boshqarmasi ushbu xodimni muborakbod etib, kelgusi faoliyatiga ulkan muvaffaqiyatlar va zafar tilaydi.

#tabrik

OYNING ENG YAXSHI BOSHQARUV XODIMI ANIQLANDI

“Oyning eng yaxshi boshqaruv xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra, 2026-yil aprel oyining eng yaxshi xodimi aniqlandi:

Begmatov Bunyod Sur’at o‘g‘li - Inson huquqlarini himoya qilish sho‘basi bosh
maslahatchisi.

Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.

Qashqadaryo viloyat adliya  boshqarmasi ushbu xodimni muborakbod etib, kelgusi faoliyatiga ulkan muvaffaqiyatlar va zafar tilaydi.

#adliya_xabari

Qashqadaryo viloyat adliya boshqarmasida xususiy amaliyot bilan shug‘ullanuvchi notariuslar bilan uchrashuv o‘tkazildi.

Uchrashuvda Adliya vazirligi Notariat, advokatura va mediatsiya boshqarmasi boshlig‘i M.Hatamov hamda O‘zbekiston Notarial palatasi raisi D.Ashurovlar ishtirok etishdi.

O‘tkazilgan yig‘ilishda notariuslarga banklar orqali oldi-sotdi hisob-kitoblarini amalga oshirish (“eskrou”), onlayn notarial harakatlar hamda ijro xatlarini yozish holatlari bo‘yicha tegishli tushuntirishlar berildi.

Notariuslar tomonidan amaliyotda yuzaga kelayotgan muammolar eshitilib, ularning yechimlari bo‘yicha tavsiyalar berildi.

???? Notariuslar faoliyati o‘rganildi

Adliya vazirligi ishchi guruhi tomonidan Shahrisabz shahar va tuman hamda Yakkabog‘ tumanida xususiy amaliyot bilan shug‘ullanuvchi notariuslar faoliyati PF–246-son Farmon talablari asosida o‘rganildi.

Mazkur o‘rganishlar davomida 1-apreldan boshlab ko‘chmas mulk va avtotransport vositalari oldi-sotdisida hisob-kitoblarning naqd pulsiz shaklda amalga oshirilishi, banklar orqali hisob-kitob qilish (“eskrou” tizimi), onlayn notarial harakatlar hamda ijro xatlarini yozish amaliyoti tahlil qilindi.

Ishchi guruh M. Hatamov boshchiligida hududlardagi notarial idoralar faoliyati bilan yaqindan tanishdi.

Tashrif yakunida notariuslarga amaldagi qonunchilik talablariga qat’iy rioya etish, zamonaviy xizmatlarni keng joriy etish va xizmatlar sifatini oshirish yuzasidan tegishli tavsiyalar berildi.

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- Turayev Akromjon Urozovich – Qarshi tuman adliya bo'lim boshlig'i lavozimiga tayinlandi.

A.To'rayev tayinlovga qadar boshqarmaning Davlat xizmatlari ko‘rsatilishi ustidan nazorat qilish sho‘basi bosh maslahatchisi lavozimida faoliyat yuritgan.

Qashqadaryo viloyat adliya boshqarmasi A.To'rayevni tayinlov bilan qutlab, kelgusidagi ishlariga omad va muvaffaqiyatlar tilaydi!

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- Azimov O‘tkir Erkinovich –  boshqarmaning Huquqni qo‘llash amaliyotini o‘rganish va metodik ta’minlash sho‘basi boshlig‘i lavozimiga tayinlandi.

O'.Azimov tayinlovga qadar  boshqarmaning  Rejalashtirish va nazorat tahlil sho‘basi boshlig‘i  lavozimida faoliyat yuritgan.

Qashqadaryo viloyat adliya boshqarmasi O'.Azimovni tayinlov bilan qutlab, kelgusidagi ishlariga omad va muvaffaqiyatlar tilaydi!

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- Rustamov Ruslan Rustamovich -  Qashqadaryo viloyat adliya boshqarmasi  boshqarmaning Intellektual mulk huquqlarini himoya qilish sho‘basi boshlig‘i lavozimiga tayinlandi.

R.Rustamov tayinlovga qadar  boshqarmaning  Intellektual mulk huquqlarini himoya qilish sho‘basi bosh maslahatchisi lavozimida faoliyat yuritgan.

Qashqadaryo viloyat adliya boshqarmasi R.Rustmovni tayinlov bilan qutlab, kelgusidagi ishlariga omad va muvaffaqiyatlar tilaydi!