Yangiliklar

SUD TIZIMIDA KORRUPSIYAGA QARSHI KURASH

Huquqiy demokratik davlat qurish yo‘lida sud hokimiyatining o‘rni beqiyosdir. Sudlar fuqarolarning huquq va erkinliklarini himoya qilish, qonun ustuvorligini ta’minlash hamda jamiyatda adolat qaror topishiga xizmat qiladi. Shu bois sud tizimining mustaqilligi, xolisligi va shaffofligi davlat va jamiyat taraqqiyotining muhim omillaridan hisoblanadi. Biroq sud sohasida korrupsiyaning mavjudligi mazkur vazifalarning to‘liq amalga oshirilishiga jiddiy to‘sqinlik qiladi. Sud tizimida korrupsiyaga qarshi kurashish nafaqat huquqiy, balki ijtimoiy va ma’naviy ahamiyatga ega bo‘lgan dolzarb masaladir.
Korrupsiya — mansab vakolatlaridan shaxsiy manfaat yo‘lida noqonuniy foydalanish holatidir. Sud tizimida korrupsiyaning namoyon bo‘lishi esa adolat tamoyiliga to‘g‘ridan-to‘g‘ri zarar yetkazadi. Chunki sud qarorlari inson taqdiri, mulkiy munosabatlar, tadbirkorlik faoliyati va boshqa muhim masalalarga ta’sir ko‘rsatadi.
Sud sohasidagi korrupsiyaning eng xavfli jihati shundaki, u fuqarolarning davlatga va qonunlarga bo‘lgan ishonchini susaytiradi. Agar sud qarorlari qonun asosida emas, balki manfaatdor tomonlar ta’siri ostida qabul qilinsa, jamiyatda adolatsizlik tuyg‘usi kuchayadi. Bu esa huquqiy nigilizmning o‘sishiga, qonunlarga itoat qilish darajasining pasayishiga olib kelishi mumkin.
Shuningdek, korrupsiya iqtisodiy rivojlanishga ham salbiy ta’sir ko‘rsatadi. Investorlar mustaqil va adolatli sud tizimi mavjud bo‘lgan mamlakatlarga ko‘proq ishonch bildiradilar. Sudlarda korrupsiyaning yuqori darajasi esa investitsiya muhitini yomonlashtirib, iqtisodiy faollikni cheklaydi.
Adolat har qanday sud tizimining bosh maqsadi hisoblanadi. Sudya o‘z faoliyatida faqat qonun talablariga amal qilishi, ishlarni xolis va mustaqil ko‘rib chiqishi lozim. Adolatli sudlov fuqarolarning huquq va manfaatlarini himoya qilishning eng muhim kafolatidir.
Korrupsiyaga qarshi kurashish sud qarorlarining xolisligini ta’minlashga xizmat qiladi. Bu esa barcha shaxslarning qonun oldida tengligi prinsipini ro‘yobga chiqaradi. Adolatli sud tizimi orqali fuqarolar davlat hokimiyatiga bo‘lgan ishonchini mustahkamlaydi, huquqiy madaniyat va huquqiy ong yuksaladi.
Sud tizimida shaffoflikni ta’minlash korrupsiyaga qarshi kurashning muhim yo‘nalishlaridan biridir. Shaffoflik deganda sud faoliyatining ochiqligi, qaror qabul qilish jarayonlarining jamoatchilik uchun tushunarli va nazorat qilinishi mumkin bo‘lgan holda tashkil etilishi tushuniladi.
So‘nggi yillarda raqamli texnologiyalarni joriy etish orqali sud tizimida ochiqlikni ta’minlash bo‘yicha keng ko‘lamli ishlar amalga oshirilmoqda. Elektron sudlov tizimi, onlayn murojaatlar qabul qilinishi, ishlarni avtomatik taqsimlash hamda sud qarorlarining elektron ma’lumotlar bazalarida e’lon qilinishi inson omilini kamaytirib, korrupsiya xavfini pasaytirishga xizmat qilmoqda.
Shu bilan birga, sud majlislarining ochiq o‘tkazilishi, ommaviy axborot vositalari va jamoatchilik vakillarining ishtirok etishi ham sud faoliyatining shaffofligini oshirishga yordam beradi.
Sud tizimida korrupsiyaga qarshi kurashish adolatli va huquqiy davlat barpo etishning muhim sharti hisoblanadi. Korrupsiyaning har qanday ko‘rinishi sud hokimiyatining nufuziga putur yetkazib, fuqarolarning qonun va davlatga bo‘lgan ishonchini kamaytiradi. Shu sababli sud tizimida ochiqlik va shaffoflikni ta’minlash, raqamli texnologiyalarni keng joriy etish, sudyalar mustaqilligini mustahkamlash hamda jamoatchilik nazoratini kuchaytirish orqali korrupsiya xavflarini kamaytirish mumkin.
Adolat va shaffoflik ustuvor bo‘lgan sud tizimigina inson huquqlari va qonuniy manfaatlarining ishonchli himoyasini ta’minlaydi, qonun ustuvorligini qaror toptiradi hamda mamlakat taraqqiyoti uchun mustahkam huquqiy zamin yaratadi.

    Surxondaryo viloyat sudi sudyasi Sh.Tog‘ayev

#Adliya_mahallada

Mahallada Sayyor davlat xizmatlari ko'rsatildi

Muborak tuman Davlat xizmatlari markazi xodimlari tomonidan “Qarliq” va "Yangiobod" mahalla fuqarolar yig'inlarida sayyor davlat xizmatlari tashkil etildi.

Tadbir davomida aholiga davlat xizmatlaridan foydalanish tartibi bo'yicha huquqiy tushuntirishlar berildi hamda murojaatlar qabul qilinib, zarur davlat xizmatlari ko'rsatildi.

Bunday sayyor xizmatlar aholiga qulaylik yaratish, davlat xizmatlaridan foydalanish imkoniyatlarini yanada kengaytirishga xizmat qilmoqda.

#Adliya_aralashgach

Yosh onaning qonuniy huquqi adliya aralashuvi bilan tiklandi

Qashqadaryo viloyati, Shahrisabz shahridagi umumta’lim maktablaridan birida faoliyat yurituvchi fuqaro homiladorlik va tug‘ruq ta’tiliga chiqqan bo‘lsa-da, unga to‘lanishi lozim bo‘lgan nafaqa mablag‘lari o‘z vaqtida berilmagani sababli adliya organlariga murojaat qildi.

Murojaat adliya organlari tomonidan atroflicha o‘rganilib, aniqlangan holatlar yuzasidan tegishli tashkilotga taqdimnoma kiritildi.

Ko‘rilgan choralar natijasida fuqaro foydasiga 26 million 100 ming so‘m miqdoridagi homiladorlik va tug‘ruq nafaqasi undirilishi ta’minlandi.

Shu tariqa, yosh onaning qonun bilan kafolatlangan huquqi tiklanib, murojaati ijobiy hal etildi.

Adliya organlari tomonidan fuqarolarning huquq va qonuniy manfaatlarini himoya qilish borasidagi amaliy ishlar izchil davom ettirilmoqda.

Kanalga ulaning va yangiliklardan xabardor bo‘ling

#tabrik

OYNING ENG YAXSHI TEXNIK XODIMI ANIQLANDI

“Oyning eng yaxshi texnik xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra, 2026-yil may oyining eng yaxshi xodimi aniqlandi:

Sabina Rizoyeva g‘olib deb  topildi - Koson tumani FHDY ish yurituvchisi

Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.

Qashqadaryo viloyat adliya  boshqarmasi ushbu xodimni muborakbod etib, kelgusi faoliyatiga ulkan muvaffaqiyatlar va zafar tilaydi.

????Bizni ijtimoiy tarmoqlarda kuzating❗️

#Adliya_aralashgach

Tovar belgisi huquqlari himoya qilindi

Qashqadaryo viloyat adliya boshqarmasiga “UNIDAILY TRADE” MChJ tomonidan murojaat kelib tushib, jamiyatga tegishli tovar belgilariga o‘xshash belgilar qonunga xilof ravishda qo‘llanilgan mahsulotlar Qarshi shahridagi savdo do‘konida realizatsiya qilinayotgani ma’lum qilingan.

Murojaat yuzasidan o‘tkazilgan o‘rganishlar davomida tovar belgilaridan ruxsatsiz foydalanish holatlari aniqlanib, to‘plangan hujjatlar asosida yakka tartibdagi tadbirkor Z.T. ga nisbatan O‘zbekiston Respublikasi Ma’muriy javobgarlik to‘g‘risidagi kodeksining 177-moddasi 1-qismi bilan ma’muriy javobgarlik to‘g‘risida bayonnoma rasmiylashtirildi.

Hurmatli tadbirkorlar! O'z brendingizni roʻyxatdan o'tkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

????Bizni ijtimoiy tarmoqlarda kuzating❗️

#Adliya_aralashgach

Viloyat adliya boshqarmasi tomonidan 13 nafar texnikum o‘qituvchilariga 209,4 million so‘m ustama pullari undirib berildi

Qashqadaryo viloyati adliya boshqarmasiga Qashqadaryo ilg‘or kasbiy mahorat texnikumining bir guruh o‘qituvchilari tomonidan murojaat kelib tushdi.

Murojaat Inson huquqlarini himoya qilish sho'basi tomonidan o‘rganilib, O‘zbekiston Respublikasi Prezidentining 2025-yil 23-oktabrdagi “Kasbiy taʻlim tizimida islohotlarni amalga oshirish chora-tadbirlari to‘g‘risida”gi  PQ-316-son qarori asosida texnikumning 13 nafar o‘qituvchilariga joriy yilning yanvar oyidan buyon lavozim maoshiga belgilangan 100 foiz miqdoridagi oylik ustama pullari to‘lanmay kelinayotganligi aniqlandi.

Natijada aniqlangan qonunbuzilishi holati yuzasidan Qashqadaryo viloyat iqtisodiyot va moliya bosh boshqarmasiga taqdimnoma kiritildi hamda 13 nafar texnikum o‘qituvchilarining jami 209 400 000 so‘m ustama pullari undirib berildi.

Adliya organlari fuqarolar va xodimlarning qonuniy huquq hamda manfaatlarini himoya qilish borasidagi ishlarni izchil davom ettirmoqda.

#Adliya_aralashgach

Adliya aralashuvi bilan fuqaroning fuqarolikni rasmiylashtirishiga huquqiy asos yaratildi

????Qashqadaryo viloyati, Kitob tumanida yashovchi fuqaro uzoq yillar davomida O‘zbekiston Respublikasi fuqaroligini rasmiylashtira olmay kelgani sababli adliya organlariga murojaat qildi.

????O‘rganishlar davomida fuqaro mustaqillikdan keyin ham sobiq O‘zbekiston SSR pasportidan foydalanib kelgani va shu bois fuqarolik masalasini rasmiylashtirishda qator muammolarga duch kelgani aniqlandi.

????Fuqaro manfaatlarini ko‘zlab adliya bo‘limi tomonidan sudga O‘zbekiston Respublikasida 1991-yildan buyon doimiy yashab kelganlik faktini belgilash to‘g‘risida da’vo arizasi kiritildi.

????Sud tomonidan da’vo talablari qanoatlantirilib, fuqaroning 1991-yildan buyon O‘zbekiston hududida doimiy yashab kelganlik fakti belgilandi.

Natijada fuqaroning O‘zbekiston Respublikasi fuqaroligini rasmiylashtirishi hamda milliy pasport olishi uchun zarur huquqiy asos yaratildi.

Adliya organlari tomonidan fuqarolarning huquq va qonuniy manfaatlarini himoya qilish borasidagi amaliy ishlar izchil davom ettirilmoqda.

#adliya_xabari

????????Qashqadaryoda 12 mingga yaqin uy-joylarga egalik huquqi berildi

????Xalq deputatlari Qashqadaryo viloyati Kengashining navbatdagi sessiyasida fuqarolarning yer uchastkasiga bo'lgan ijara huquqini hamda unda qurilgan bino va inshootga bo'lgan mulk huquqini eʼtirof etish masalasi ko'rib chiqildi.

❗️Mazkur sessiyada jami 552 nafar (https://t.me/Qashkadastrpress/18369) fuqaroning yer va mulkka bo'lgan huquqlarini e'tirof etish bo'yicha kengash qarori qabul qilindi.

Endi ushbu xonadon egalari Davlat xizmatlari markazlari orqali murojaat qilib, o‘z uy-joylarining kadastr hujjatlarini rasmiylashtirib olish imkoniyatiga ega bo‘ladi.

❗️E’tiborlisi, bugungi kunga qadar Qashqadaryo viloyatida 11 749 ta uy-joylarga nisbatan egalik huquqi rasmiy tan olindi.

#adliya_aralashgach

20 yoshli fuqaro ilk bor tug‘ilganlik haqidagi guvohnomaga ega bo‘ldi

✔️Qashqadaryo viloyati Kitob tumani Yangiariq mahallasida istiqomat qiluvchi fuqaro S. Xurramova 20 yoshida ilk bor tug‘ilganlik haqidagi guvohnomani qo‘lga kiritdi.

✔️Ma’lum bo‘lishicha, fuqaroning onasi og‘ir kasallik sabab vafot etganligi tufayli uning tug‘ilishi o‘z vaqtida davlat ro‘yxatidan o‘tkazilmagan. Natijada Sevinch Qudratovna uzoq yillar davomida tug‘ilganlik haqidagi guvohnomasiz yashab kelgan.

✔️Tegishli huquqiy yordam va ko‘maklar natijasida fuqaroning tug‘ilishi belgilangan tartibda qayd etilib, Kitob tuman FHDY bo’limi tomonidan tug‘ilganlik haqidagi guvohnoma topshirildi.

Ma’lumot uchun: O‘zbekistonda 16 yoshdan oshgan va tug‘ilishi o‘z vaqtida qayd etilmagan shaxslarning tug‘ilganligi sud qarori asosida ro‘yxatga olinadi.

#tabrik

OYNING ENG YAXSHI BOSHQARUV XODIMI ANIQLANDI

“Oyning eng yaxshi boshqaruv xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra, 2026-yil may oyining eng yaxshi xodimi aniqlandi:

Muhammadiyev Rustam Zayniddinovich - Shahrisabz tuman adliya bo'limi boshlig'i

Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.

Qashqadaryo viloyat adliya  boshqarmasi R.Muhammadiyevni muborakbod etib, kelgusi faoliyatiga ulkan muvaffaqiyatlar va zafar tilaydi.

????Bizni ijtimoiy tarmoqlarda kuzating❗️