Yangiliklar

Ochiqlik, shaffoflik va adolat: Sud tizimida komplayens-nazorat hamda korrupsiyaga qarshi islohotlar

Bugungi kunda mamlakatimizda korrupsiyaning har qanday ko‘rinishiga barham berish va unga nisbatan murosasiz munosabatni shakllantirish davlat siyosatining eng ustuvor yo‘nalishlaridan biriga aylandi. Zero, korrupsiya qonun ustuvorligiga putur yetkazadigan va fuqarolarning adolatga bo‘lgan ishonchini yo‘qotadigan xavfli illatdir.
So‘nggi yillarda ushbu sohada qat’iy va tizimli huquqiy-institutsiya islohotlar amalga oshirildi. Korrupsiyaga qarshi kurashish agentligining tashkil etilishi, davlat xizmatlarini raqamlashtirish hamda sohalarga profilaktik mexanizmlarni joriy etish ushbu yo‘nalishdagi muhim qadamlar bo‘ldi.
Sud-huquq tizimini korrupsiyadan holi sohaga aylantirish va odil sudlovni ta’minlash borasida quyidagi asosiy yo‘nalishlar bo‘yicha keskin chora-tadbirlar amalga oshirilmoqda:
Sud organlari faoliyatida korrupsiyaviy xavf-hatarlarni oldindan aniqlash, baholash va ularni bartaraf etishga qaratilgan komplayens-nazorat mexanizmi yo‘lga qo‘yilmoqda. Bu tizim sud xodimlarining xulq-atvor kodeksiga rioya etishini, manfaatlar toqnashuviga yo‘l qo‘ymaslikni va xizmat vakolatlarini suiiste’mol qilishning oldini olishni ichki tomondan doimiy nazorat qiladi.
Sud jarayonlariga zamonaviy AKT keng joriy etilmoqda. Ishlarni sudyalar o‘rtasida inson omilisiz, avtomatik ravishda taqsimlash tizimi yo‘lga qo‘yilgani manfaatlar toqnashuvi va tarafkashlik xavfini keskin qisqartirdi.
Sud majlislarini onlayn translyatsiya qilish, qarorlar va ajrimlarni maxsus elektron platformalarda ochiq e’lon qilib borish amaliyoti yo‘lga qo‘yildi. Bu sudyalarning jamiyat oldidagi hisobdorligini oshirmoqda.
Fuqarolarning sudga murojaat qilishidan tortib, majlislarda masofadan turib (videokonferensaloqa orqali) ishtirok etishigacha bo‘lgan barcha jarayonlar soddalashtirildi, bu esa ma’muriy to‘siqlarni bartaraf etdi.
Sudyalarni lavozimga tayinlash va ularning faoliyatini baholashda halollik va komplayens talablariga rioya etilishi asosiy mezon qilib belgilandi. Sudyalar oliy kengashi faoliyatining ochiqligi ta’minlanib, doimiy ravishda odob-ahloq va korrupsiyaga qarshi talablar nazorat qilinmoqda.
“O‘zbekiston – 2030” strategiyasida belgilanganidek, qonun ustuvorligini ta'minlash va korrupsiyasiz jamiyat barpo etishda komplayens kabi zamonaviy profilaktika institutlarining o‘rni beqiyosdir. Sud tizimiga ichki komplayens-nazoratning to‘liq tatbiq etilishi, ochiqlik va shaffoflikning ta’minlanishi aholining sud-huquq tizimiga bo‘lgan ishonchini yanada mustahkamlaydi.

Fuqarolik ishlari bo‘yicha
Termiz tumanlararo sudi sudyasi                 B.Axmedov

Inson huquqlari va odil sudlov: “O‘zbekiston – 2030” strategiyasida belgilangan ustuvor maqsadlar mazmuni
Mamlakatimizda adolat tamoyillarini qaror toptirish, inson huquq va erkinliklarini kafolatli himoya qilish hamda sud-huquq tizimini zamonaviy standartlar darajasiga olib chiqish davlat siyosatining eng ustuvor yo‘nalishlaridan biri hisoblanadi. O‘zbekiston Respublikasi Prezidentining 2026-yil 16-fevraldagi PF-21-sonli Farmoni bilan “O‘zbekiston – 2030” strategiyasi doirasida “Qonun ustuvorligini ta’minlash, xalq xizmatidagi davlat boshqaruvini tashkil etish” (IV yo‘nalish) bo‘yicha amalga oshiriladigan islohotlar yangi bosqichga ko‘tarildi.
Xususan, ushbu yo‘nalishdagi 84, 85, 86 va 88-maqsadlar sud-huquq sohasini raqamlashtirish, adolat mezonlarini kuchaytirish va fuqarolarga sifatli huquqiy yordam ko‘rsatishga qaratilgan:
1. Konstitutsiya va qonun ustuvorligini ta’minlash (84-maqsad)
Ushbu maqsad inson huquq va erkinliklarini ishonchli himoya qilishni sud-huquq islohotlarining bosh mezoniga aylantirishni ko‘zda tutadi.
Jinoyat ishi yurituvida yarashuv institutidan foydalanish imkoniyati 20 foizga oshiriladi.
Sudlar hamda tergov organlari faoliyatida ayrim protsessual harakatlarni masofadan turib amalga oshirish darajasi 50 foizga yetkaziladi.
2. Ma’muriy adliya va samarali sud nazorati (85-maqsad)
Davlat organlari va mansabdor shaxslarning faoliyati ustidan samarali sud nazoratini o‘rnatish hamda ma’muriy adliya tizimini yanada rivojlantirishga alohida e’tibor qaratilmoqda.
Ma’muriy sudlarda ishlarning kelishtirish (murosa) choralari orqali hal etilishi darajasini 50 foizga oshirish belgilangan. Bu esa fuqaro va davlat organi o‘rtasidagi nizolarni ortiqcha ovoragarchiliksiz, tez va maqbul hal etish imkonini beradi.
3. Sud mustaqilligi va ochiqlikni ta’minlash (86-maqsad)
Sud hokimiyatining mustaqilligini kuchaytirish hamda aholining odil sudlovga erishish imkoniyatlarini kengaytirish doirasida tizimga zamonaviy AKT texnologiyalari joriy etilmoqda.
Fuqarolarga sud jarayonlarida qulaylik yaratish va shaffoflikni ta’minlash maqsadida yangi interaktiv xizmatlar soni 19 taga yetkaziladi.
4. Advokatura institutini rivojlantirish va huquqiy yordam (88-maqsad)
Malakali va sifatli huquqiy yordam ko‘rsatish tizimini rivojlantirish hamda advokatlar nufuzini oshirish nazarda tutilgan.
Fuqarolik, ma’muriy va iqtisodiy ishlar bo‘yicha advokatlar hamda sudlar, huquqni muhofaza qiluvchi va boshqa davlat organlari o‘rtasida elektron hujjat almashinuvi darajasi 50 foizga yetkazilishi belgilangan.
“O‘zbekiston – 2030” strategiyasida belgilangan ushbu maqsadlarning bosqichma-bosqich amalga oshirilishi sud-huquq tizimida shaffoflik va ochiqlikni ta’minlaydi, fuqarolarning odil sudlovga bo‘lgan ishonchini mustahkamlaydi va pirovardida jamiyatda qonun ustuvorligining ustun bo‘lishiga xizmat qiladi.

Fuqarolik ishlari bo‘yicha Termiz tumanlararo sudi sudyasi B.Axmedov

#adliya-hudud

???? Muborak tumanida navbatdagi sayyor davlat xizmatlari ko'rsatildi

Muborak tuman Davlat xizmatlari markazi xodimlari tomonidan Qarlik MFY hududida yashovchi fuqarolar uchun navbatdagi sayyor davlat xizmatlari tashkil etildi.

Sayyor qabul davomida aholiga davlat xizmatlari ko'rsatilib, murojaatlariga joyida yechim topish bo'yicha amaliy yordam berildi.

Shuningdek, fuqarolarga yanada qulaylik yaratish maqsadida mahallada o'rnatilgan INFOKIOSK qurilmasidan foydalanish tartibi haqida tushuntirishlar berilib, elektron davlat xizmatlaridan mustaqil va oson foydalanish imkoniyatlari amalda namoyish etildi.

#adliya_hudud

Dehqonobod tumani Oila va xotin-qizlar maskanida viloyat Oila va xotin-qizlar boshqarmasi hamda viloyat adliya boshqarmasi hamkorligida O‘zbekiston Respublikasi Prezidentining 2026-yil 3-martdagi PF–33-son “Xotin-qizlar va bolalar huquqlarini himoya qilish tizimini yanada kuchaytirishga oid chora-tadbirlar to‘g‘risida”gi Farmoni ijrosini ta’minlash maqsadida “Nikoh shartnomasining afzalliklari” mavzusida huquqiy seminar tashkil etildi.

Seminar davomida mutaxassislar tomonidan nikoh shartnomasining huquqiy mohiyati va ahamiyati, uning er-xotinning mulkiy huquq hamda majburiyatlarini aniq belgilashdagi o‘rni, oilaviy nizolarning oldini olish, shuningdek, tomonlarning qonuniy manfaatlarini ishonchli himoya qilishdagi afzalliklari haqida batafsil tushuntirishlar berildi.

Tadbirda PF–33-son Farmonida belgilangan xotin-qizlar va bolalar huquqlarini ishonchli himoya qilish, oilalarda huquqiy madaniyatni yuksaltirish, sog‘lom va mustahkam oilalarni qo‘llab-quvvatlashga qaratilgan vazifalar mazmun-mohiyati ham keng yoritildi.

Shuningdek, o‘quv mashg‘ulotida yosh oilalarni mustahkamlash, nikohning muqaddasligi, er-xotinning huquq va majburiyatlari, oilada o‘zaro hurmat va ishonch muhitini qaror toptirish, nizolarning oldini olish hamda sog‘lom psixologik muhitni yaratishga qaratilgan ma’ruzalar va psixologik treninglar o‘tkazildi.

Seminar yakunida ishtirokchilarni qiziqtirgan huquqiy savollarga mutaxassislar tomonidan batafsil javoblar berildi.

#tabrik
OYNING ENG TEXNIK XODIMI ANIQLANDI

“Oyning eng yaxshi boshqaruv xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra, 2026-yil iyul oyining eng yaxshi xodimi aniqlandi:

Ergashev Jovohir Rayim o‘g‘li - Nishon tuman adliya bo'limi DXM
Telefon xizmati ko‘rsatish va servis
sho‘basi aloqa operatori.
Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.

Qashqadaryo viloyat adliya  boshqarmasi ushbu xodimni muborakbod etib, kelgusi faoliyatiga ulkan muvaffaqiyatlar va zafar tilaydi.

#tabrik

⭐️OYNING ENG YAXSHI BOSHQARUV XODIMI ANIQLANDI

????“Oyning eng yaxshi boshqaruv xodimi”ni aniqlash tartibi toʻgʻrisidagi nizomga asosan adliya organlarining tegishli Komissiyalari xulosasiga koʻra, 2026-yil iyul oyining eng yaxshi xodimi aniqlandi:

????Xoliyarov Anvar Xakimovich - Kitob tuman adliya bo’limi boshlig’i.

????Ma’lumot uchun: “Oyning eng yaxshi xodimi” ragʻbatlantirish tariqasida bir oylik ish haqi fondi miqdorida pul bilan (bir martalik) mukofotlanadi.

⚡️Qashqadaryo viloyat adliya  boshqarmasi ushbu xodimni muborakbod etib, kelgusi faoliyatiga ulkan muvaffaqiyatlar va zafar tilaydi.

@qashqadaryoviloyatadliya

#adliya_hudud

Hududlarda PF–33-son Farmoni ijrosiga bag‘ishlangan targ‘ibot tadbirlari o‘tkazildi.

Hududlarda FHDY bo‘limlari, tuman hokimliklari, tuman Oila va xotin-qizlar bo‘limlari hamda hamkor tashkilotlar ishtirokida O‘zbekiston Respublikasi Prezidentining 2026-yil 3-martdagi PF–33-son Farmoni ijrosini ta’minlashga bag‘ishlangan targ‘ibot tadbirlari tashkil etildi.

Tadbirlar davomida ayollar va bolalarning huquq hamda qonuniy manfaatlarini ishonchli himoya qilish, tazyiq va zo‘ravonlikning har qanday ko‘rinishining oldini olish, bu boradagi qonunchilikdagi yangiliklar va amaliy mexanizmlar yuzasidan keng tushuntirishlar berildi.

Shuningdek, ishtirokchilar bilan ochiq muloqot tashkil etilib, mazkur yo‘nalishda amalga oshirilayotgan ishlar, mavjud muammolar hamda ularni bartaraf etish bo‘yicha taklif va tavsiyalar muhokama qilindi.

Tadbir yakunida fuqarolarni huquqiy jihatdan qo‘llab-quvvatlash, ayollar va bolalar huquqlarini ta’minlash hamda oilalarda sog‘lom ijtimoiy muhitni mustahkamlash borasidagi hamkorlikni yanada kuchaytirish yuzasidan zarur tavsiyalar berildi.

#adliya_hudud

Ayollar huquqlari adliya e’tiborida!

PF–33-son Farmoni mazmun-mohiyati aholi o‘rtasida keng targ‘ib qilinmoqda
Kasbi tumani FHDY bo‘limi tomonidan O‘zbekiston Respublikasi Prezidentining “Xotin-qizlar va bolalar huquqlarini himoya qilish tizimini yanada kuchaytirishga oid chora-tadbirlar to‘g‘risida”gi PF–33-son Farmoni mazmun-mohiyatini aholiga yetkazish maqsadida G‘alaba mahallasida targ‘ibot tadbiri tashkil etildi.

Tadbir davomida Farmon bilan xotin-qizlar va bolalarning huquqlari, erkinliklari hamda qonuniy manfaatlarini ishonchli himoya qilish, tazyiq va zo‘ravonlikning oldini olish, oilalarda sog‘lom muhitni mustahkamlash hamda ushbu yo‘nalishda yaratilayotgan yangi huquqiy kafolatlarning mazmuni keng tushuntirildi.

#adliya_xabari

✍️Bugun Qarshi shahar hokimligida viloyat adliya boshqarmasi hamkorligida mahalla faollari, xotin-qizlar faollari hamda diniy idora vakillari ishtirokida targ‘ibot tadbiri tashkil etildi.

✍️Tadbir davomida O‘zbekiston Respublikasi Prezidentining "Xotin-qizlar va bolalar huquqlarini himoya qilish tizimini yanada kuchaytirishga oid chora-tadbirlar to‘g‘risida"gi PF–33-son Farmoni mazmun-mohiyati keng tushuntirildi.

✍️Shuningdek, viloyatda OIV infeksiyasini yuqtirish xavfi yuqori bo‘lgan shaxslarni aniqlash, kasallikning oldini olish hamda unga qarshi kurashish bo‘yicha targ‘ibot ishlarini kuchaytirish masalalari yuzasidan mas'ullar tomonidan batafsil ma'lumotlar berildi.

✍️Tadbir yakunida ishtirokchilarning savollariga javob berilib, mahalla faollariga huquqiy targ‘ibotni samarali tashkil etish hamda aholi o‘rtasida profilaktika ishlarini kuchaytirish yuzasidan zarur tavsiya va ko‘rsatmalar berildi.

#Rahbar_va_yoshlar
#Qarshi_tumani

???? Qarshi tumanida “Rahbar va yoshlar” tadbiri doirasida "Biz – yagona Vatan farzandlarimiz"  shiori ostida Yoshlar markazida uyushmagan yoshlar ishtirokida shaxmat va shashka musobaqasi tashkil etildi.

♟ Musobaqa davomida yoshlar o‘zlarining intellektual salohiyati va mantiqiy fikrlash qobiliyatlarini namoyon etishdi.

Shuningdek, Qarshi tuman adliya bo‘limi xodimlari tomonidan megratsiyadan qaytgan yoshlarga davlat tomonidan yaratilgan imkoniyatlar, amaldagi imtiyoz va preferensiyalar, shuningdek ularning huquq va manfaatlarini himoya qilishga qaratilgan qonunchilikdagi yangiliklar haqida batafsil ma’lumot berildi.

Tadbir yoshlarning bo‘sh vaqtini mazmunli tashkil etish, huquqiy bilimlarini oshirish hamda intellektual salohiyatini qo‘llab-quvvatlashga xizmat qildi.