Yangiliklar
#adliya_hudud
Kitob tumanida fuqarolar bilan ochiq muloqot va huquqiy maslahatlar tadbiri tashkil etildi.
Kitob tuman Davlat xizmatlari markazi xodimlari ishtirokida "Beshariq" mahallasida tag'ibot tadbiri o'tkazildi.
???? Targ'ibot tadbiri davomida fuqarolar bilan ochiq muloqot tashkil etildi, ularning huquqiy savol va muammolari tinglandi.
???? Shuningdek, O'zbekiston Respublikasi Prezidentining PQ–1-son Qarori hamda PF–80-son Farmoni mazmun-mohiyati aholiga sodda va tushunarli tarzda izohlab berildi.
Fuqarolarga bepul huquqiy maslahatlar berildi, mavjud muammolarni joyida hal etish bo'yicha choralar ko'rildi.
Tadbirning asosiy maqsadi — fuqarolarning huquqiy bilimlarini oshirish, ularni qiynayotgan masalalarni joyida hal etish hamda adliya va davlat xizmatlarini aholiga yanada yaqinlashtirishdan iborat bo'ldi.
#adliya_hudud
Kasbi tumanida yoshlarga nikoh shartnomasi mazmuni tushuntirildi
✅Kasbi tumanida ajrimlarning oldini olish, oilaviy munosabatlarda huquqiy ong va madaniyatni oshirish maqsadida tuman FHDYo bo‘limi, Xotin-qizlar faollari hamda imom-xatiblar ishtirokida davra suhbati o‘tkazildi.
✅Tadbir davomida yoshlarga nikoh shartnomasining mazmun-mohiyati, ahamiyati hamda u orqali er-xotin o‘rtasidagi huquq va majburiyatlarni oldindan belgilash imkoniyati haqida batafsil tushuntirishlar berildi.
✅Shuningdek, oila mustahkamligini ta’minlash, ajrimlarning oldini olish, o‘zaro hurmat va mas’uliyatli munosabatlar haqida fikr-mulohazalar bildirildi.
✅Tadbir yakunida yoshlar bunday uchrashuvlar ularning hayotiy qarorlarini ongli va mas’uliyatli qabul qilishida muhim ahamiyat kasb etishini ta’kidlashdi.
#adliya_hudud
✍️Kitob tuman Adliya bo‘limi Davlat xizmatlari markazi xodimlari bugun Ulug‘bek mahallasida sayyor qabul o‘tkazishdi.
#adliya_xabari
????Davlat hisobidan yuridik yordam ko‘rsatish tizimi o‘rganilmoqda
Davlat hisobidan yuridik yordam ko‘rsatishda uchrayotgan tizimli muammolarni o‘rganish va ularni bartaraf etish maqsadida Adliya vazirligi Notariat, advokatura va mediatsiya boshqarmasi boshlig‘i M. Hatamov hamda boshqarmaning advokatura va mediatsiya bo‘limi boshlig‘i J. Uzakovlar Kasbi va Mirishkor tuman adliya bo‘limida bo‘lishdi.
Tashrif davomida davlat hisobidan yuridik yordam ko‘rsatish sohasida amalga oshirilayotgan ishlar bilan tanishildi.
Shuningdek, “Yuridik yordam” axborot tizimi orqali sud va tergov organlaridan so‘rovlar kelishini ko‘paytirish, so‘rovlarni asossiz rad etayotgan advokatlarning faoliyatini tahlil qilib, ularni hududiy malaka komissiyalariga kiritish masalalariga e’tibor qaratildi.
Mutasaddilar tomonidan, sud va tergov organlari bilan hamkorlikni yanada kuchaytirish zarurligi yuzasidan tegishli tavsiyalar berildi.
Nikoh shartnomasining afzalliklari tushuntirildi
Joriy yilning 22-oktabr kuni Qamashi, Kasbi hamda Shahrisabz tuman FHDYo bo‘limlari tomonidan nikohlanayotgan yoshlar bilan davra suhbati o‘tkazildi.
Tadbir davomida FHDYo bo‘limi xodimlari yosh oilalarga nikoh shartnomasining mazmuni va uning afzalliklari haqida batafsil tushuntirish berishdi. Shuningdek, ushbu hujjatning oilaviy munosabatlarni mustahkamlashdagi ahamiyati, taraflar o‘rtasida huquq va majburiyatlarni aniq belgilab berishdagi o‘rni haqida ham fikr yuritildi.
Mazkur tadbir yoshlarni ongli nikohga tayyorlash, oilaviy munosabatlarda huquqiy madaniyatni oshirishga xizmat qildi.
#adliya_xabari
TIL MILLAT KO’ZGUSI
Qashqadaryo viloyat adliya boshqarmasi tomonidan viloyat yuridik texnikumi bilan hamkorlikda “Til — millat ko‘zgusi” nomli ma’naviy-ma’rifiy tadbir o‘tkazildi.
Tadbirda ma’ruzachilar tomonidan o‘zbek tilining davlat tili sifatidagi ahamiyati, uni asrab-avaylash va rivojlantirish borasida amalga oshirilayotgan islohotlar, shuningdek, yoshlarning ona tiliga hurmat ruhida tarbiyalanish masalalari yuzasidan fikr-mulohazalar bildirildi.
Shuningdek, talabalar tomonidan badiiy chiqishlar, sahna ko‘rinishlari va she’rlar namoyish etildi.
Tadbirda “Do‘stlik” ordeni sohibi Umrzoq Quvvatov ham ishtirok etib, o‘zining chiroyli qo‘shiqlari bilan mehmonlarga bayramona kayfiyat ulashdi.
Mazkur tadbirning asosiy maqsadi — yoshlar o‘rtasida ona tilimizning qadri va go‘zalligini targ‘ib etish, uni millat g‘ururi sifatida e’zozlashga da’vat etishdan iborat bo‘ldi.
Qashqadaryo viloyat adliya boshqarmasi axborot xizmati
#adliya_hudud
“Homiylik to‘g‘risida”gi Qonun mazmuni va amaliy ahamiyati muhokama qilindi
Joriy yilning 21-avgust kuni qabul qilingan O‘zbekiston Respublikasining 1083-sonli Qonuni bilan bir qator qonun hujjatlariga, jumladan “Homiylik to‘g‘risida”gi Qonunga ham o‘zgartish va qo‘shimchalar kiritilgan.
Bugun Qashqadaryo viloyat adliya boshqarmasida mazkur qonun mazmun-mohiyatini tushuntirish va amaliy qo‘llash bo‘yicha mutasaddi tashkilotlar ishtirokida tadbir tashkil etildi.
L. Muxammadieva — FIB Qarshi tumanlararo sudi sudyasi
Mavzu: “Homiylik xayriyalaridan foydalanish tartibi va uni buzganlik uchun javobgarlik masalalari”
J. Xushnazarov — O‘zbekiston Nodavlat notijorat tashkilotlari milliy assotsiatsiyasining hududiy bo‘limi rahbari
Mavzu: “Homiylik faoliyatida huquqiy xatarlarni aniqlash va oldini olish bo‘yicha amaliy ko‘nikmalar” to’g’risida ma’ruza qilindi.
Tadbir davomida qonunda belgilangan yangi normalar, homiylik faoliyatining huquqiy asoslari va amaliy mexanizmlar atroflicha muhokama qilindi.
“Homiylik to‘g‘risida”gi Qonun ilk bor 2007-yil 2-mayda qabul qilingan bo‘lib, unda homiylik va hayriya munosabatlarini tartibga solish belgilangan.
#Adliya_aralashgach
Fuqaroga tegishli nafaqa va hisob-kitob pullari undirib berildi
Dehqonobod tuman adliya bo‘limiga Dehqonobod tuman Obodonlashtirish boshqarmasining xodimi A.Abdulazizov murojaat qilib, yoshga doir pensiya tayinlanishi munosabati bilan u bilan tuzilgan mehnat shartnomasi bekor qilinganini, biroq sohada 10 yildan ortiq ishlaganligi uchun berilishi lozim bo‘lgan nafaqa hamda yakuniy hisob-kitob pullari to‘lanmaganini ma’lum qilgan.
Mazkur murojaatni o‘rganish jarayonida tuman Obodonlashtirish boshqarmasi tomonidan haqiqatda ushbu to‘lovlar amalga oshirilmaganligi aniqlangan. Shu munosabat bilan Dehqonobod tuman adliya bo‘limi tomonidan boshqarmaga taqdimnoma kiritilgan.
Adliya aralashgach: taqdimnoma ijrosi asosida fuqaro A.Abdulazizov 9 638 072 so‘m miqdoridagi nafaqa va yakuniy hisob-kitob pullari undirib berildi.
✈️Kanalga ulanish✔️
https://t.me/qashqadaryoviloyatadliya
#adliya_xabari
OLIY SUD VA NOTARIAL PALATA O‘RTASIDA HAMKORLIK
O‘zbekiston Respublikasi Oliy sudi hamda O‘zbekiston Notarial palatasi o‘rtasida 2025-yil 4-sentabr kuni o‘zaro hamkorlik to‘g‘risidagi kelishuv imzolandi.
???? Ushbu kelishuv doirasida joriy yilning 16 - oktabr kuni viloyat adliya boshqarmasida “Fuqarolarning huquqlari va qonuniy manfaatlarini samarali himoya qilishda sud va notariatning hamkorligi” mavzusida davra suhbatlari o‘tkaziladi.
Tadbirlar davomida sud va notariat organlari o‘rtasida o‘zaro tajriba almashish, fuqarolarning huquq va manfaatlarini himoya qilishda hamkorlikni mustahkamlash masalalari muhokama qilinadi.
#adliya_xabari
????Qashqadaryoda davlat xizmatlari markazlari tomonidan aholiga - joriy yilning 9 oyi davomida 1 571 404 ta davlat xizmati ko‘rsatilgan.
☯️2025-yilning 9 oyi davomida tuman (shahar) adliya bo‘limlari huzuridagi Davlat xizmatlari markazlari tomonidan aholiga jami 1 571 404 ta davlat xizmati ko‘rsatilgan.
Shundan:
????853 497 tasi — bevosita markazlarga murojaat qilgan fuqarolarga,
????717 907 tasi — onlayn tarzda (YaIDXP orqali) ko‘rsatilgan xizmatlardir.
Viloyat miqyosida eng ko‘p davlat xizmatlari quyidagi hududlarda ko‘rsatilgan:
✔️Qarshi shahri — 274 408 ta,
✔️Koson tumani — 114 875 ta,
✔️Kitob tumani — 114 600 ta.
❗️Aholiga, ayniqsa, olis va chekka hududlarda yashovchi fuqarolarga qulaylik yaratish maqsadida, joriy yilning 9 oyi davomida jami 23 760 ta sayyor davlat xizmati ko‘rsatilgan.
????Mazkur natijalar davlat xizmatlarini aholiga yanada yaqinlashtirish, raqamli texnologiyalar orqali qulaylik yaratish hamda xizmat ko‘rsatish sifati va tezkorligini oshirish borasida tizimli ishlar amalga oshirilayotganini ko‘rsatadi.