Янгиликлар
26
Adliya xabari
#adliya_aralashgach
Adolat qaror topdi: ADLIYAGA RAHMAT!
Nishon tumanidagi Nuriston shaharchasida yashovchi fuqaro K. Pendjiev o‘zining haqiqatga asoslangan, ammo og‘riqli voqeani adliya organlariga murojaat qilish orqali yengib o‘tdi.
Uning aytishicha, Nishon tuman 28-umumiy o‘rta ta’lim maktabi direktori R. J tomonidan bosim ostida qolib, o‘z xohishiga qarshi ishdan bo‘shash to‘g‘risida ariza yozishga majbur qilingan. Natijada, u yillar davomida mehnat qilgan, bilim bergan o‘quv maskanidan ajralib qolgan.
Nishon tuman adliya bo‘limi bu masalaga befarq bo‘lmadi. Murojaat o‘rganilgach, aniqlanishicha, K. Pendjiev 2023 - 2025- yillar oralig'ida informatika fani o‘qituvchisi lavozimida halol mehnat qilib kelgan.
Biroq, joriy yilning 28-mart kuni tegishli - sonli buyruq asosida unga nisbatan Mehnat kodeksining 160-moddasi 4-qismiga tayanib, go‘yoki o‘z tashabbusi bilan mehnat shartnomasi bekor qilingan.
Adolatni tiklash maqsadida, adliya bo‘limi sudga murojaat qildi. Natijada, Fuqarolik ishlari bo‘yicha Qarshi tumanlararo sudining 11-iyundagi hal qiluv qarori bilan K. Pendjiev o‘zining avvalgi ish joyiga – 28-maktabdagi informatika o‘qituvchisi lavozimiga tiklandi.
Sud, shuningdek, K. Pendjievning huquqlarini tiklash doirasida:
???? 4 million so‘m ma’naviy zarar uchun,
???? 8 023 710 so‘m majburiy progul (ishdan majburan chetlatilgan davr) uchun ish haqi undirishni belgiladi.
Ushbu holat bir bor yana shuni ko‘rsatdiki, inson huquqlari ustuvorligi va adolatni tiklash borasida adliya organlari tinimsiz xizmat qilmoqda. Har bir fuqaroning haqi himoyada, adolat esa, muqaddas!