Янгиликлар
13
Ishga qabul qilish chog‘idagi dastlabki sinov belgilash tartibi qanday?
Ishga qabul qilish chog‘idagi dastlabki sinov belgilash tartibi qanday?
Amaldagi mehnat kodeksining 129-moddasiga ko’ra, mehnat shartnomasi xodimning topshirilayotgan ishga muvofiqligini tekshirish, mehnat shartnomasida shart qilib ko‘rsatilgan ishni davom ettirish maqsadga muvofiqligi haqida xodim tomonidan qaror qabul qilish maqsadda dastlabki sinov bilan tuzilishi mumkin.
Ammo, dastlabki sinovdan o‘tish mehnat shartnomasida shartlashilgan bo‘lishi kerak. Bunday shartlashuv mavjud bo‘lmagan taqdirda, xodim dastlabki sinovsiz ishga qabul qilingan deb hisoblanadi.
Dastlabki sinov faqat xodimni ishga qabul qilish chog‘ida belgilanishi mumkin. Xodim boshqa ishga o‘tkazilayotganda va boshqa ish beruvchiga xizmat safariga yuborilganda dastlabki sinov belgilanishiga yo‘l qo‘yilmaydi.
Mehnat qonunchiligiga muvofiq dastlabki sinov muddati uch oydan, tashkilotlarning rahbarlari va ularning o‘rinbosarlari, bosh buxgalterlar hamda tashkilotlar alohida bo‘linmalarining rahbarlari uchun esa olti oydan oshmasligi kerak.
Vaqtincha mehnatga qobiliyatsizlik davri va xodim haqiqatda ishda bo‘lmagan boshqa davrlar dastlabki sinov muddatiga qo‘shilmaydi.
Yakkabog’ tuman adliya bo’limi