Янгиликлар
19
Pensiya va nafaqaning farqi nimada?
Pensiya va nafaqaning farqi nimada?
O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonuniga ko‘ra, yetarlicha ish stajiga ega bo‘lgan fuqarolar va ularning oilalari pensiya olish huquqiga ega. Ushbu Qonun bilan davlat pensiyalarining quyidagi turlari belgilanadi:
yoshga doir pensiya.
nogironlik pensiyasi.
boquvchisini yo‘qotganlik pensiyasi.
Nafaqa — qonunchilik hujjatlariga muvofiq nogironligi bo‘lgan 18 yoshgacha bolalarga, o‘zgalar parvarishiga muhtoj nogironligi bo‘lgan 18 yoshgacha bolaning parvarishi bilan band bo‘lgan qonuniy vakilga, bolalikdan nogironligi bo‘lgan farzandi bor (bo‘lgan) onalarga, Qonunda belgilangan shartlar va me’yorlarga muvofiq davlat pensiyasini olish huquqiga ega bo‘lmagan keksa yoshdagi shaxslarga tegishli ravishda nafaqa yoshiga to‘lishi, nogironlik yoki boquvchisini yo‘qotganlik munosabati bilan beriladigan oylik pul to‘lovi.
Xulosa o‘rnida aytadigan bo‘lsak, ma’lum ish stajiga ega bo‘lgan fuqarolarga pensiya tayinlanadi hamda yetarlicha ish stajiga ega bo‘lmagan qariyalar, nogironligi bo‘lgan shaxslarga, shuningdek, kam ta’minlangan oilalarga, ishsizsizlarga, shuningdek, mehnat shartnomasi bekor qilingan ayrim holatlarda va xodimning sog‘lig‘iga shikast yetkazilganligi yoki uning vafoti munosabati bilan nafaqalar beriladi.
Yakkabog’ tuman adliya bo’lim boshlig’i A.X.Begimov