Янгиликлар
07
Qashqadaryoda tashkil etilgan “Konstitutsiya ko‘chasi” da bayram ko’tarinki kayfiyatda o’tdi.
#Adliya_xabari
Qashqadaryoda tashkil etilgan “Konstitutsiya ko‘chasi” da bayram ko’tarinki kayfiyatda o’tdi.
O‘zbekiston Respublikasi Konstitutsiyasi kunini munosib kutib olish va yuksak saviyada nishonlash maqsadida Qarshi shahrining Teatr maydoni oldida O‘zbekiston Respublikasi Konstitutsiyasi kuni bayrami munosabati bilan Qashqadaryo viloyati adliya boshqarmasi hamda hamkor tashkilotlar bilan birgalikda “Konstitutsiya ko‘chasi” tashkil etildi.
Tadbirda, Qashqadaryo viloyati hokimi Murotjon Azimov hamda huququni muhofaza qiluvchi idoralar, o’qituvchi va o’quvchilar hamda keng jamoatchilik vakillari ishtirok etdi.
Tadbir doirasida fuqarolarning huquqiy bilim va ko‘nikmalarini yanada mustahkamlash maqsadida sud, adliya, prokuratura, va boshqa davlat organlari tomonidan “Konstitutsiya burchaklari” tashkil etildi.
Shuningdek, aholini huquqiy bilimlarini mustahkamlash maqsadida "Huquqiy viktorinalar" tashkil etildi.
Qashqadaryo viloyati adliya boshqarmasi xodimlari hamda Yuridik texnikum o’qituvchi va o’quvchilari tomonidan Konstitutsiya normalari va aholiga qiziqarli boshqa qonunchilik hujjatlari bo‘yicha huquqiy maslahat va tushuntirishlar berildi.
Shuningdek, aholiga qulaylik yaratish maqsadida davlat xizmatlari markazlari, FHDY bo'limlari va notariuslar tomonidan sayyor xizmatlar ko‘rsatildi.
Mazkur tadbir Asosiy qonunimizda belgilangan demokratiya, erkinlik va tenglik, ijtimoiy adolat va birdamlik g‘oyalari atrofida fuqarolarni jipslashtirish, “Konstitutsiya – xalqchil davlat, barqaror taraqqiyot va farovon hayot asosi!” degan bosh g‘oyani o‘zida mujassam etgani bilan ham ahamiyatlidir.