Янгиликлар
20
Vorislik huquqi aksiyasi
Xabaringiz bor joriy yilning 10-fevralidan 10-mart kuniga qadar Adliya vazirligi hamda Oʻzbekiston Notarial palatasi hamkorligida “Vorislik huquqi” aksiyasi eʼlon qilingan boʻlib, mazkur aksiyani oʻtkazishdan maqsad oilalarda meros bilan bogʻliq nizolarning oldini olish, shuningdek, fuqarolarning mol-mulkka boʻlgan huquqlarini taʼminlash, ularning bu sohadagi huquqiy bilimlarini yanada oshirishdan iboratdir.
Yuqoridagilardan kelib chiqib Kitob tumani "Ali Qushchi" mahalla fuqarolari yigʻinida tumanda xususiy amaliyot bilan shugʻullanuvchi notariuslar tomonidan aksiya tadbiri oʻtkazildi.
Mazkur tadbirda fuqarolarga vorislik huquqi yuzasidan tushunchalar berildi, shuningdek vorislik huquqi boʻyicha tayyorlangan infografikalar tarqatildi.