Янгиликлар
24
Qashqadaryo viloyati Shahrisabz shahar va Kitob tumani markazida oqova suv tizimlari rekonstruksiya qilinadi
Joriy yilning 18 mart kuni O‘zbekiston Respublikasi Prezidentning “Fransiya taraqqiyot agentligi ishtirokida “Navoiy viloyati Karmana tumanida oqova suv tizimlarini qurish» hamda “Qashqadaryo viloyati Shahrisabz shahri va Kitob tumani markazida oqova suv tizimlarini rekonstruksiya qilish va qurish” loyihalarini amalga oshirish chora-tadbirlari to‘g‘risida”gi qarori qabul qilindi.
Ushbu qaror bilan, Qashqadaryo viloyatining Shahrisabz shahri va Kitob tumanida aholi va tadbirkorlik subyektlarining oqova suv xizmati bilan ta’minlanganlik darajasini oshirish, ushbu hududlarning sanitariya-epidemiologik hamda ekologik holatini yanada yaxshilash, shuningdek, Fransiya taraqqiyot agentligi bilan hamkorlikni kengaytirish belgilangan.
Shuningdek, Shahrisabz va Kitob loyihasining umumiy qiymati 91,0 million yevroni tashkil etishi belgilangan.