Янгиликлар
10
Foydalanilmagan mehnat ta’tili pullari to‘latib berildi.
Qashqadaryo viloyat adliya boshqarmasiga Qarshi shahar, “Yangi turmush” MFYda yashovchi fuqaro L.Olimova bir necha yillar yillik mehnat ta’tiliga chiqmay MFYda ishlaganligini, hozirda ish o‘rni qisqarganligi uchun u bilan tuzilgan mehnat shartnomasi bekor qilinganligini, biroq foydalanilmagan mehnat ta’tillari uchun pullik kompensatsiya to‘lab berilmaganligini ma’lum qilgan.
O‘zbekiston Respublikasi Mehnat kodeksining 151-moddasida mehnat shartnomasi bekor qilinganda xodimga foydalanilmagan barcha yillik asosiy va qo‘shimcha ta’tillar uchun pullik kompensatsiya to‘lab berilishi belgilangan.
Adliya aralashgach, boshqarma tomonidan o‘rganish o‘tkazilib, natijasiga ko‘ra, Qarshi shahar mahalla va nuroniylarni qo‘llab-quvvatlash bo‘limiga taqdimnoma kiritildi va fuqaro L. Olimovaga to‘lanmay qolgan 6 712 400 so‘m kompensatsiya pullarini to‘latib berildi.