Янгиликлар

Янги тартиб юзасидан тушунтириш берилди

Ўзбекистон Республикаси адлия вазирининг 2021 йил 24 февралдаги 2-мҳ-сон буйруғи билан Норматив-ҳуқуқий ҳужжатлар ва улар лойиҳаларининг коррупцияга қарши экспертизасини ўтказиш тартиби тўғрисидаги низом тасдиқланди.

Унга кўра, норматив-ҳуқуқий ҳужжатлар ва улар лойиҳаларининг коррупцияга қарши экспертизаси ўтказилишининг янги тартиби белгиланди.

Шу муносабат билан, Касби туман адлия бўлими томонидан туман халқ таълими бўлимида, Қарши туман адлия бўлими томонидан туман ахборот кутубхона марказида тарғибот тадбири ташкил этилди.

Тадбир давомида коррупциявий омиллар, лойиҳаларнинг ҳамда амалдаги норматив-ҳуқуқий ҳужжатларнинг коррупцияга қарши экспертизасини ўтказиш тартиби, шунингдек, коррупцияга қарши экспертизани ўтказувчи адлия органи ходимининг ҳуқуқ ва мажбуриятлари тўғрисида атрофлича маълумот берилди.