Янгиликлар
Акция доирасида мурожаат
Қашқадарё вилоят адлия бошқармаси ташаббуси билан ташкил этилган акция доирасида Дехқонобод тумани адлия бўлими томонидан туман марказидан 230 км узоқликда жойлашган “Ойбек” МФЙ Шахшор қишлоғида яшовчи фуқаро А.Ч.нинг мурожаати ўрганиб чиқилди.
Мурожаатга асосан фуқаронинг 2005 йилда туғилган 16 ёшли қизи Х.Г. ва 2009 йилда туғилган 12 ёшли ўғли Х.А.ларга туғилганлик тўғрисидаги гувохнома олиб берилишида амалий кўмак берилди.
Маълумот учун: вилоят миқёсида акция бошидан буён 234 та мурожаат келиб тушган бўлиб, шундан 88 таси қаноатлантирилди, 106 тасига ҳуқуқий тушунтириш берилди.
Акция давом этмоқда.