Янгиликлар

Акция доирасида...

Қарши туман адлия бўлими томонидан “Вилоят адлия бошқармаси ва ваколатли идоралар билан биргаликда 2021 йил 1 ярим йиллиги давомида фуқароларга ҳуқуқий ва амалий ёрдам кўрсатиш юзасидан ўтказиладиган акциялар режасига асосан жорий йилнинг январ – февраль ойларида фуқароларга ҳуқуқий ёрдам кўрсатиш мақсадида 50 дан ортиқ тадбирлар амалга оширилди.

Ҳусусан, фуқароларга фуқаролик ҳолати далолатнома ёзувларини қайд этишда туғилганлик бўйича 17 та ҳолатда, никоҳ ва никоҳдан ажралганлик ҳолати буйича 8 та, ўлимни қайд этишда 2 та ҳолатда фуқароларга амалий ёрдам берилди.

Шунингдек, шахсни тасдиқловчи хужжатларни расмийлаштириш ва олиш тартиби юзасидан 6 та фуқароларга ҳуқуқий тушунтириш берилди.
Жойларда ўтказилган учрашувларда 15 нафар фуқароларга Кадастр хужжатларини расмийлаштириш юзасидан тушунтириш берилиб, амалий ёрдам кўрсатилди.

Шу билан бирга бўлим томонидан, акция доирасида қўшимча ўрганиш талаб этилаётган ҳамда батафсил тушунтириш талаб этилган жами 26 та мурожаат бўлим иш юритувига қабул қилиниб, уларга ҳуқуқий ва амалий ёрдам бериш юзасидан бир қатор ишлар амалга оширилди.
Ҳусусан, Қарши тумани Ниёзмудин қишлоғида яшовчи М.М. нинг 2014 йил 5 февралда туғилган аёл жинсли фарзандининг туғилганлигини қайд этишда амалий ёрдам сўраб ёзган аризаси бўлим иш юритувига қабул қилиниб, тегишли ҳужжатлар тўпланиб, фуқаролик ишлари буйича судга М.М.нинг манфаатини кўзлаб ариза киритилди.

Шунингдек, 2004 йилда туғилган Пахтазор МФЙ Пахтазор қишлоғида яшовчи Б.Б.нинг туғилганлигини қайд этишда ёрдам сўраб ёзган мурожаати юзасидан хужжатлар тўпланиб, ФҲДЁда қайд этиш учун асослар етарли бўлмаганлиги сабабли, судга киритиш учун ариза лойиҳаси тайёрланди.

Шунингдек, фуқаро З.Н.нинг оилавий шароити оғирлиги сабабли Бухоро вилояти Олот туманида 2015 йилда туғилган аёл жинсли фарзандининг туғилганлигини қайд этишда амалий ёрдам сўраб ёзган аризаси юзасидан сўровнома юборилиб, Олот туман тиббиёт бирлашмасидан туғилганлик ҳақида тиббий маълумотнома олинишида амалий ёрдам кўрсатилди. Ҳозирда боланинг туғилганлигини муддатини ўтказиб қайд этишда амалий кўмак кўрсатилмоқда.

Акция доирасида бўлим томонидан Қарши тумани Ҳилол МФЙда яшовчи Р.Т.нинг аризасига асосан унинг 2013 ва 2016 йилда туғилган фарзандларига оталик белгиланиши ва туғилиши қайд этилишида, Кўчкак МФЙда яшовчи М.Б.га қарамоғидаги вояга етган муомалага лаёқатсиз фарзандининг никоҳдан ажралганлик тўғрисидаги гувоҳномасини расмийлаштиришда батафсил ҳуқуқий тушунтириш ва амалий ёрдам берилди.

Қарши тумани
адлия бўлими бошлиғи

Р.Абдуллаева