Янгиликлар

Ёшлар билан учрашув

Қарши туман адлия бўлими томонидан туман Давлат хизматларини маркази, юридик хизматлар маркази хамда “Мадад” маслаҳат бюроси вакиллари билан биргаликда “Ватанпарварлик ойлиги” муносабати билан ИИВ Қашқадарё вилояти академик лицейида ёшлар билан учрашув ташкил этилди.

Учрашувда “Таълим тўғрисида”ги, “Электрон ҳукумат тўғрисида”ги Ўзбекистон Республикаси Қонунлари юзасидан, фуқароларга электрон давлат хизматларидан фойдаланиш, унинг қулайлиги ва самарадорлиги, Ягона интерактив давлат хизматлари порталидан фойдаланиш бўйича тушунтиришлар берилди.

Шунингдек, давлатимиз томонидан ёшларга яратиб берилаётган имкониятлар хусусида алоҳида тўхталиб, тадбир иштирокчиларига бу шароитлардан тўла фойдаланган ҳолда Ватан тинчлиги ва ривожи учун сидқидилдан билим олишга ҳаракат қилиш лозимлиги уқтирилди.

Учрашувда ёшлар томонидан билдирилган фикрлар тингланиб, саволларига жавоб қайтарилди.