Янгиликлар

Бошқарма фаолияти юзасидан мулоқот

Қашқадарё вилоят адлия бошқармаси бошлиғининг биринчи ўринбосари А.Исоқов томонидан вилоят телевидениеси орқали бошқарма томонидан жорий йилнинг 9 ойи давомида амалга оширилган ишлар юзасидан жонли тарзда мулоқот ташкил этилди.

Мулоқот давомида келиб тушган мурожаатлар, қонун ҳужжатларини ҳуқуқий экспертизадан ўтказиш, ўтказилган ўрганишлар ва қўлланилган таъсир чоралар, амалга оширилган ҳуқуқий тарғибот тадбирлари бўйича маълумотлар берилди.

Жамоат, нодавлат нотижорат ва диний ташкилотлар, адвокатура ва хусусий амалиёт билан шуғулланувчи нотариусларнинг фаолияти бўйича амалга оширилаётган ишлар, хусусида сўз юритилди.

Қарши туманида эксперимент тариқасида ташкил этилган давлат органлари ва ташкилотларига юридик хизмат кўрсатиш маркази фаолияти юзасидан тушунтириш ҳамда амалга оширган ишлари юзасидан маълумотлар берилди.

Соҳа фаолияти бўйича янгиликлар ва келгусида режалаштирилган вазифалар тўғрисида таъкидлаб ўтилди.

Мулоқот давомида фуқаролар томонидан берилган саволларга қонуний асослантирилган ҳолда батафсил жавоб берилди.