Янгиликлар

Ўгай онамнинг фарзанди меросимизга шерикми?

Яқинда отам вафот этдилар. Онам вафотидан сўнг отам 1 нафар фарзанди бор аёлга уйланган эдилар, лекин никоҳдан ўтмаганлар. Угай онамизнинг бу фарзандлари отамнинг меросини олишда бизга шерик бўладими? 

Жавоб: Оила Кодексининг 58-моддасига асосан, эр-хотиннинг илгариги никоҳларидан бўлган болалари ўзаро қариндош ҳисобланмайди. Фуқаролик кодексига асосан, бу бола отангиз томонидан фарзандликка олинмаган бўлса, угай онангизнинг фарзанди (отангизга турмушга чиққунга қадар, бошқа отадан туғилган фарзанди) отангизнинг мулкига нисбатан меросхўр бўла олмайди.

Агар фарзандликка олинган бўлса, Фуқаролик кодексига 1135-моддасига асосан,  мерос қолдирувчининг болалари (шу жумладан фарзандликка олинган болалари), эри (хотини) ва ота-онаси (фарзандликка олувчилар) тенг улушларда қонун бўйича биринчи навбатдаги ворислик ҳуқуқига эга бўлишлиги белгилаб қўйилган.