Янгиликлар
06
Сўраган эдингиз...
Сўраган эдингиз...
1. Савол: Ижтимоий ёрдам кимларга берилади?
Жавоб: Ижтимоий ёрдам маҳсулотлари ижтимоий ҳимояга муҳтож оилалар, кексалар, ишсизлар, шунингдек доимий ишламайдиган ва ҳар куни карантин туфайли ишлай олмайдиган фуқароларнинг оилаларига берилади.
2. Савол: Нон учун компенсация пули кимларга тўланади?
Жавоб: Ўзбекистон Республикаси Вазирлар Маҳкамасининг
14.10.2019 йилдаги 866-сонли қарорига асосан, қуйидагиларга, яъни
- ёшга доир ва ногиронлиги бўйича нафақа олувчиларга;
- боқувчисини йўқотганлик пенсияси ва нафақаси (ҳар бир боқимандага) олувчиларга;
- болаликдан ногиронлиги бўлган 16 ёшдан катта шахсларга;
- 16 ёшгача ногиронлиги бўлган болаларга;
- 18 ёшга тўлмаган ОИВ инфекциясига чалинган шахсларга;
- белгиланган энг кам ёшга доир пенсиянинг миқдоридан кам пенсия олувчиларга;
- 2 ёшгача бўлган болалар парвариши учун тайинланган нафақа олувчиларга;
- моддий ёрдам олувчи оилаларга;
- 14 ёшгача бўлган болалари учун тайинланган нафақани олувчи оилаларга;
- белгиланган энг кам ёшга доир пенсия миқдорида пенсия олувчиларга
ун ва қолипли нон харид қилиш бўйича қўшимча харажатларни қоплаш учун 50 000 сўм миқдорида ҳар ойлик пул компенсацияси тўланади :
Ўзингизни қизиқтирган ҳуқуқий масалалар бўйича зарур тушунтиришлар ва маслаҳатларни “Мадад”нинг www.advice.uz сайтидан олишингиз ёки саволларингизни телеграмдаги @Madadnnt_botга йўллашингиз мумкин.
Саволларга “Мадад” ННТ Ғузор туман ҳуқуқий маслаҳат бюроси бош мутахассиси З.Адилов жавоб берди.