Янгиликлар

Мурожаатлар натижаси...

Яккабоғ туман адлия бўлими томонидан Яккабоғ тумани, “Истиқлол” МФЙ, Жамолота қишлоғида яшовчи фуқаро Ҳусанов Абдураззоқнинг мурожаати юзасидан ўрганиш ўтказилди.

Мурожаатда фуқаро 1981-1984 йиллар оралиғидаги меҳнат фаолияти юзасидан ҳужжатлар архив сақловида мавжуд эмаслиги сабабли ёшга доир пенсияни ҳисоблашда ушбу йиллардаги иш стажига қўшилмаганлиги баён қилинган.

Туман адлия бўлимининг саъй-ҳаракатлари натижасида фуқаро А.Ҳусановнинг 1981-1984 йиллар оралиғидаги меҳнат фаолияти иш стажига қўшилиб, пенсия миқдорини қонуний ҳисобланишига эришилди.

Шунингдек, Яккабоғ тумани, “Толлибулоқ” МФЙда яшовчи фуқаро Тўраев Сафаралининг неварали учун 0-2 ёш бола парвариши учун тўланиши лозим бўлган нафақа пуллари чиқарилишида амалий ёрдам беришни сўраб қилган мурожаати бўлим томонидан ўрганиб чиқилиб, унга 2020 йил февраль ойидан бошлаб  0-2 ёш бола парвариши учун тўланиши лозим бўлган нафақа пуллари чиқарилиши таъминланди.