Янгиликлар

Ўқувчилар ўртасида тарғибот тадбири

Ғузор тумани адлия бўлими ташаббуси билан Ўзбекистон Ёзувчилар уюшмаси аъзолари, туман “Нуроний” жамғармаси, фахрийлар вакиллари, ФЎЎБОФМ бўйича туман кенгаши вакиллари, туман ИИБ хотин-қизлар масалалари бўйича катта инспектори, Ғузор туман ИИБ профилактика инспектори иштирокида тумандаги 1-мактабда тарғибот тадбири ўтказилди.

Тадбирда мактаб ўқитувчи ва ўқувчиларига  Ўзбекистон Республикасининг Конституцияси, Ўзбекистон Республикаси Президентининг 2018 йил 27 июндаги “Yoshlar — kelajagimiz” Давлат дастури тўғрисида”ги, 2019 йил 9 январдаги “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Фармонлари, 2017 йил 14 мартдаги “Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисида”ги қарори ҳамда муҳтарам Президентимизнинг ёшлар маънавиятини юксалтириш ва уларнинг бўш вақтини мазмунли ташкил этиш бўйича 5 та муҳим ташаббуси юзасидан тегишли мутахассислар томонидан тушунтиришлар берилди.

Тадбир давомида ўқувчилар томонидан Конституция нормалари асосида белгиланган ҳуқуқ ва бурчлари, мажбуриятлари турли хил саҳна кўринишлари орқали ифодалаб берилди.