Янгиликлар

Коррупция – тараққиёт кушандаси

Қашқадарё вилоят адлия бошқармаси томонидан “Ўзнефтгазинспекция” Қашқадарё вилояти ҳудудий бўлими ходимлари иштирокида “Коррупция-тараққиёт кушандаси” мавзусида давра суҳбати ташкил этилди.

Тадбир давомида коррупциянинг юзага келиш тарихи, мазкур иллатни тадқиқ қилган бир қатор йирик мутахассислар томонидан кўрсатилган коррупцияни юзага келтирувчи омиллар, коррупция минимум даражага тушган давлатларда фойдаланилган коррупцияга қарши курашиш усуллари тўғрисида маълумотлар берилди.

2017 йил 3 январда “Коррупцияга қарши курашиш тўғрисида” Ўзбекистон Республикасининг Қонуни қабул қилинганлиги, ушбу ҳужжатда коррупция атамасига таърифдан тортиб, унга қарши курашиш, ваколатли органлар ва уларнинг вазифалари, коррупцияга қарши жавобгарлик, бу масалада халқаро ҳамкорлик каби барча муҳим жиҳатлар қайд этилганлиги таъкидланди.

Transparency International халқаро ташкилотининг 2018 йилги Коррупцияни қабул қилиш индекси эълон қилинганлиги, бу рейтингда Ўзбекистон 180 та давлат ва ҳудудлар орасидан 23 балл билан 153-ўринни эгаллагани ҳақида сўз юритилди. Шунингдек, ташкилот томонидан берилган статистикасига кўра, жаҳондаги мамлакатларнинг ярмидан кўпида коррупция бўйича ҳолат жуда аянчли аҳволда эканлиги, бу эса сўнгги бир неча йил давомида умумий аҳвол яхшиланмаётгани, коррупция замонавий дунёнинг тараққиёти йўлида катта ғов бўлиб турганлигини кўрсатиши тушунтирилди.

Тадбир сўнгида иштирокчилар ўзларини қизиқтирган саволлар билан мурожаат қилди.