Bog'lanish

Telefon
(+998 75) 230-01-76

Elektron manzil
qashqadaryo@adliya.uz

Habarni yuborish
Ishonch telefoni 1008

Янгиликлар

09

Мустақиллик ва ёшлар

Ўзбекистон Республикаси Президентининг 2014 йил 6 февралдаги “Ўзбекистон Республикасида ёшларга оид давлат сиёсатини амалга оширишга қаратилган

DSC02083.JPG
қўшимча чора-тадбирлар тўғрисида”ги Қарори ижросини таъминлаш мақсадида Яккабоғ туманидаги “Ниҳол” болаларни соғломлаштириш оромгоҳида Ички ишлар идораларида профилактик ҳисобда турувчи вояга етмаганлар ҳамда диний экстремистик оқимга мансуб оила фарзандлари учун тарбиявий ва спорт соғломлаштириш оромгоҳи ташкил этилди.

Вилоят адлия бошқармаси ва “Камолот” ёшлар ижтимоий ҳаракати вилоят Кенгаши ташаббуси билан мутасадди ташкилотлар ҳамкорлигида ташкил этилган тарбиявий ва спорт соғломлаштириш оромгоҳида болаларнинг мазмунли дам олишлари учун маданий, маънавий-маърифий, спорт-соғломлаштириш тадбирлари, амалий машғулотлар, ўқув-семинари, давра суҳбатлари, мутахассислар билан учрашувлар давомида ҳуқуқ-тартибот, тиббиёт ходимлари ва малакали мутахассислар томонидан “Ёшлар диний экстремизм, терроризм ва миссионерликка ҳамда “Одам савдосининг ёшлар ҳаётида салбий оқибатлари”, “Мен катта бўлганимда қандай касб устаси бўламан!”, “ОИТСсиз келажак сари”, “Шахсий гигиена қоидалари”, “Маънавият ва маърифат ёшлар ҳаётида”, “Бола ҳуқуқлари Конвенцияси” ва “Ўзбекистон Республикасининг Бола ҳуқуқлари кафолатлари тўғрисида”ги Қонуни, “Ўзбекистон Республикаси томонидан ратификация қилинган “Ишга қабул қилиш учун энг кичик ёш тўғрисида”ги, “Болалар меҳнатининг оғир шаклларини таъқиқлаш ва йўқ қилишга доир шошилинч чоралар тўғрисида”ги Конвенцияларни ўрганиш бўйича интерактив тренинглари, давра суҳбатлари ўтказилди.

DSC02083.JPGШунингдек, “Оммавий таҳдидлар ва ёшлар маънавияти”, “Камолот” ЁИҲ Дастури ва Уставини ўрганиш мақсадида “Сиз “Камолот”ни биласизми?”, “Камалак” болалар ташкилоти Низомини ўрганиш мақсадида “Сиз “Камалак”ни биласизми?” мавзуларида интерактив тренинглари ўтказилди. Миллий урф-одатлар ва қадриятлар асосида “Менинг жона-жон Ватаним!” мавзусида расмлар, “Мустақиллик берган имкониятлар” мавзусида иншолар ва “Оромгоҳ шаҳзодаси”, “Оромгоҳ маликаси” кўрик-танловлари ҳамда маънавий-маърифий концерт дастурлари, болаларни соғломлаштириш мақсадида спортнинг шахмат, шашка, футбол, волейбол, баскетбол сузиш турлари бўйича мусобақалар ташкил этилди.

Оромгоҳда ёшларни ватанпарварлик туйғуларини шакллантириш мақсадида “Минг йиллик ривожланиш дастури”, “Мустақиллик арафасида ёки шўроларнинг сўнгги талвасаси”, “Оқаётган сув қадри”, “Тинчлик учун курашмоқ керак”, “Ўзбекистон келажаги буюк давлат” номли видеофильмлар намойиш этилди.

Ички ишлар идораларида профилактик ҳисобда турувчи вояга етмаганлар ҳамда диний экстремистик оқимга мансуб оила фарзандларининг 150 нафари жалб этилган тарбиявий ва спорт соғломлаштириш оромгоҳининг сўнги кунида оромгоҳ тарбияланувчиларига оромгоҳнинг тантанали ёпилиш маросимига бағишланган қизиқарли саҳна кўринишлари ҳамда концерт дастури номойиш этилди.