Yangiliklar

#Sayyor qabul – adliya xalq dardi bilan

Ko‘kdala tumani “Ko‘kdala” mahallasida Qashqadaryo viloyat adliya boshqarmasi boshlig‘i S. Nuriyev tomonidan aholi va tadbirkorlar uchun sayyor qabul o‘tkazildi.

Mazkur sayyor qabul chin ma’noda xalq dardini tinglash, ularning muammolariga yechim topish maydoniga aylandi. Fuqarolar va tadbirkorlik subyektlarini qiynab kelayotgan masalalar birma-bir eshitilib, murojaatlar joyiga chiqib o‘rganildi hamda har biriga aniq va asosli huquqiy tushuntirishlar berildi.

Jarayonda tuman hokimi Xurram Jurayev ham faol ishtirok etib, hududdagi dolzarb muammolarni bartaraf etish yuzasidan mas’ul tashkilotlar bilan hamkorlikda tezkor choralar ko‘rilishini ta’minladi.

E’tiborlisi, qabul davomida 70 dan ortiq fuqaro ishtirok etib, ularning 10 ta murojaati ish yurituviga olindi. 12 ta masala shu joyning o‘zida ijobiy hal etilib, 18 ta murojaat bo‘yicha batafsil huquqiy tushuntirishlar berildi.

https://t.me/qashqadaryoviloyatadliya/36819

RAHBAR VA YOSHLAR UCHRASHUVI BO'LIB O'TDI

Qashqadaryo viloyat adliya boshqarmasi boshlig‘i S. Nuriyev hamda viloyat bojxona boshqarmasi boshlig‘i J. Fyazullayev boshchiligida Qashqadaryo viloyat yuridik texnikumida “Rahbar va yoshlar” uchrashuv tashkil etildi.

Mazkur uchrashuv Prezidentimiz tashabbusi bilan 24-fevraldan boshlab haftaning har payshanbasi “Yoshlar kuni” sifatida belgilash hamda rahbarlar va yoshlar o‘rtasida muntazam ochiq muloqotlarni yo‘lga qo‘yish bo‘yicha berilgan topshiriqlar ijrosi doirasida o‘tkazildi.

Tadbir davomida texnikum o‘quvchi-yoshlari faol ishtirok etib, o‘zlarini qiziqtirgan savollar, muammo va takliflarini bildirdi. Ularning murojaatlari mas’ullar tomonidan atroflicha tinglanib, tegishliligi bo’yicha aniq vazifalar belgilab berildi.

Tadbir yakunida ochiq muloqotda faol ishtirok etgan, dolzarb taklif va tashabbuslari bilan ajralib turgan o‘quvchi-yoshlarga viloyat adliya boshqarmasi boshlig’i tomonidan tashakkurnoma va esdalik sovg‘alari topshirildi.

Ochiq va samimiy ruhda o‘tgan uchrashuv yoshlarning huquqiy ongi va faolligini oshirish, ularni davlat va jamiyat hayotidagi islohotlarga keng jalb etishda muhim ahamiyat kasb etdi.

Ayollar va bolalar huquqlarini himoya qilish – jamiyat barqarorligining muhim omili!

2026 yil 3 mart kuni Prezidentimiz Shavkat Mirziyoyev tomonidan imzolangan “Ayollar va bolalar huquqlarining himoyasini kuchaytirish hamda ularga nisbatan tazyiq va zo‘ravonlik holatlarining oldini olish bo‘yicha qo‘shimcha tashkiliy-huquqiy choralar to‘g‘risida”gi PF–33-son Farmon mamlakatimizda xotin-qizlar va bolalar huquqlarini ishonchli himoya qilish, erta nikoh hamda turli ko‘rinishdagi zo‘ravonlik holatlarining oldini olish, shuningdek, jamiyatda ushbu illatlarga nisbatan murosasiz munosabatni shakllantirishga qaratilgan muhim huquqiy hujjatdir.

Ayol — nafaqat mehribon ona va sadoqatli rafiqa, balki jamiyat taraqqiyotiga o‘z hissasini qo‘shayotgan, davlat va jamiyat hayotida faol ishtirok etayotgan ulug‘ siymodir.

8-mart – Xalqaro xotin-qizlar kuni munosabati bilan Qashqadaryo viloyat adliya boshqarmasida bayram tadbiri tashkil etildi.

Tadbir davomida boshqarma boshlig’i S.Nuriyev so’zga chiqib, adliya tizimida faoliyat yuritayotgan dilbar xotin-qizlarni samimiy tabriklab, ularning jamiyatdagi o‘rni, mehnati va fidoyiligini alohida e’tirof etdi.

Shuningdek, mamlakatimizda xotin-qizlar uchun yaratilayotgan keng imkoniyatlar, ularning huquq va manfaatlarini ta’minlash borasida qonunchilik tizimi tobora mustahkamlanib borayotgani, turli imtiyoz va qo‘llab-quvvatlash mexanizmlari kengayib borayotganiga alohida urg‘u berildi.

Aziz va muhtarama ayollar! Bayramingiz muborak bo‘lsin!

#adliya_yoshlar

Bugun Qarshi shahrida bir guruh yoshlar hamda Qashqadaryo viloyat adliya boshqarmasi boshlig‘i o‘rinbosari T. Imomberdiyev ishtirokida viloyat yuridik texnikumida “Rahbar va yoshlar” uchrashuvi tashkil etildi.

Mazkur uchrashuv davomida 9-sinf bitiruvchilari texnikumda yaratilgan shart-sharoitlar bilan yaqindan tanishtirilib, ular uchun ochiq va samimiy muloqot tashkil etildi.

Muloqot jarayonida yoshlar sportchilar, psixologlar hamda mashhur aktyorlar bilan suhbatlashish imkoniga ega bo‘lishdi. Ular tomonidan o‘z hayot yo‘llari, erishilgan yutuqlar va duch kelgan qiyinchiliklar haqida qiziqarli hikoyalar aytib berildi.

Shuningdek, uchrashuv doirasida yoshlarni turli salbiy illatlardan ogohlikka chaqiruvchi "Drug Dealer" filmi namoyish etildi. Film orqali giyohvandlikning salbiy oqibatlari va uning inson hayotiga ko‘rsatadigan zararli ta’siri haqida muhim tushunchalar berildi.

Uchrashuv yoshlar uchun yuqori motivatsion ruhda o‘tdi.

https://t.me/qashqadaryoviloyatadliya/35546

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- YARBOZOROV XAYRULLA BUTAYEVICH  – Chiroqchi tuman adliya bo‘limi boshlig‘i lavozimiga tayinlandi.

X.Yarbazarov  tayinlovga qadar  Chiroqchi tuman adliya bo‘limi YXKM boshlig'i lavozimida faoliyat yuritgan.

Qashqadaryo viloyat adliya boshqarmasi X.Yarbozarovni tayinlov bilan qutlab, kelgusidagi ishlariga omad va muvaffaqiyatlar tilaydi!

Biz ijtimoiy tarmoqlarda:
????•  (https://t.me/thedepartmentofcontinuousedu)facebook (https://www.facebook.com/qashqadaryoviloyatadliya) |????•  (https://t.me/thedepartmentofcontinuousedu)youtube (https://www.youtube.com/@QashqadaryoAdliya) |???? •  (https://t.me/thedepartmentofcontinuousedu)rasmiy sayt (https://qashqadaryo.adliya.uz/uz/) |???? • telegram (https://t.me/qashqadaryoviloyatadliya) |???? • instagram (https://www.instagram.com/qashqadaryo.adliya.uz/)

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- AMINOV XASAN ZAYDULLAYEVICH  – Qashqadaryo viloyat adliya boshqarmasi Moliya-iqtisod sho‘basi boshlig‘i lavozimiga tayinlandi.

X.Aminov tayinlovga qadar Moliya-iqtisod sho‘basi bosh maslahatchisi lavozimida  faoliyat yuritgan.

Qashqadaryo viloyat adliya boshqarmasi X.Aminovni tayinlov bilan qutlab, kelgusidagi ishlariga omad va muvaffaqiyatlar tilaydi!

Kanalga ulaning????????????
https://t.me/qashqadaryoviloyatadliya

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- SUYUNOV MIRVOHID MIRFOZIL OG'LI -  Qashqadaryo viloyat adliya boshqarmasi  O‘zbekiston Respublikasi Prezidenti va Hukumati hujjatlari ijrosini nazorat qilish sho‘basi boshlig‘i lavozimiga tayinlandi.

M.Suyunov tayinlovga qadar  boshqarmaning Huquqni qo‘llash amaliyotini o‘rganish va metodik ta’minlash sho‘basi bosh maslahatchisi lavozimida faoliyat yuritgan.

Qashqadaryo viloyat adliya boshqarmasi M.Suyunovni tayinlov bilan qutlab, kelgusidagi ishlariga omad va muvaffaqiyatlar tilaydi!

Kanalga ulaning????????????
https://t.me/qashqadaryoviloyatadliya

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- RUSTAMOV RUSLAN RUSTAMOVICH -  Qashqadaryo viloyat adliya boshqarmasi Intellektual mulk huquqlarini himoya qilish sho‘basi bosh maslahatchisi lavozimiga tayinlandi.

#antikorrupsiya

Jamiyat taraqqiyoti har bir fuqaroning pok vijdoni va yuksak sadoqatidan boshlanadi

Qashqadaryo viloyati soliq boshqarmasida korrupsiya va uning salbiy oqibatlarini oldini olish maqsadida amaliy uchrashuv bo‘lib o‘tdi.

Tadbirda Soliq qo‘mitasi Komplayens va korrupsiyaga qarshi ichki nazorat tuzilmasi, viloyat soliq boshqarmasi rahbariyati, huquqni muhofaza qiluvchi organ xodimlari, shaxsiy tarkib, shuningdek, hududiy  soliq inspeksiyalari rahbar va xodimlari onlayn tarzda ishtirok etdi.

Uchrashuv davomida Prezident Shavkat Mirziyoyevning Oliy Majlis va ko‘p millatli O‘zbekiston xalqiga yo‘llagan Murojaatnomasida belgilangan ustuvor vazifalar, xususan, 2026-yilda amalga oshirilishi ko‘zda tutilgan eng muhim va dolzarb yo‘nalishlar yuzasidan atroflicha fikr almashildi.

Shu bilan birga, korrupsiyaga qarshi kurashish borasida 2026-yilda “favqulodda holat” e’lon qilingani alohida ta’kidlanib, mazkur yo‘nalishda qat’iy, murosasiz va tizimli yondashuvlarni ta’minlash zarurligi qayd etildi.

Tadbir yakunida soliq tizimi xodimlarining zimmasiga yuklatilgan vazifalarni halollik, mas’uliyat va qat’iyat bilan bajarishlari, shuningdek, shaffoflik va qonun ustuvorligini ta’minlash har bir xodim uchun ustuvor burch ekani yana bir bor eslatib o‘tildi.

Тelegram (https://t.me/soliqnews) |Facebook (https://www.fb.com/Soliqpressa/) |Youtube| (https://www.youtube.com/c/Davlatsoliqqomitasi) Instagram (https://www.instagram.com/soliqpressa/) |X| (https://twitter.com/soliqnews?t=BwIfWybViFrXAtzhWc91bw&s=09)Threads (https://www.threads.net/@soliqpressa)