Yangiliklar

Гиёҳвандлик — жамиятнинг жиддий муаммоси

Гиёҳвандлик — бу инсон саломатлиги ва жамият тараққиётига жиддий зарар етказувчи иллатлардан биридир. У нафақат алоҳида шахс ҳаётини издан чиқаради, балки оила ва жамиятга ҳам салбий таъсир кўрсатади.
Кейинги асрларда бутун курраи заминга кенг тарқалган бир иллат бугунги кунда ҳаммамизга ташвиш бўлмоқда. Бу иллат – гиёҳвандлик.
Гиёҳвандлик нафақат бу иллат билан шуғулланувчиларга, балки бутун жамиятга таҳдид солади. Шунинг учун ҳам ҳар йили 26 июн Халқаро гиёҳвандликка қарши кураш куни деб эълон қилинган.
Инсон учун энг бебаҳо бойлик – бу соғлик-саломатликдир. Уни асраш эса ҳар биримизга омонат қилиб берилган. Ислом динида ҳам инсон жони, ақли ва сиҳат-саломатлигини сақлаш, муҳофаза этиш энг муҳим мақсадлардан бўлиб ҳисобланади.
Гиёҳванд моддаларни истеъмол қилиш инсон камолотига, имон-эътиқодига хавф хатар солиш билан бир қаторда мустақил мамлакатимиз ривожланиши ва тараққиётига ҳам ўта салбий таъсир кўрсатади.
Гиёҳвандлик нима?
Гиёҳвандлик — турли гиёҳванд моддаларни мунтазам истеъмол қилиш натижасида пайдо бўладиган руҳий ва жисмоний қарамлик ҳолатидир. Бундай моддалар инсоннинг асаб тизимига таъсир қилиб, кайфиятни ўзгартиради, вақтинча лаззат ҳиссини беради, аммо кейинчалик оғир оқибатларга олиб келади.
Гиёҳвандликнинг сабаблари
Гиёҳвандликка олиб келувчи асосий омиллар қуйидагилардан иборат:
• Қизиқиш ва синов тариқасида бошлаш
• Нотўғри муҳит ва ёмон дўстлар таъсири
• Оилавий муаммолар ва руҳий босим
• Бўш вақтни мазмунли ўтказмаслик
• Ахборот ва тарбиянинг етарли эмаслиги
Гиёҳвандликнинг зарарлари
Гиёҳвандлик инсон организмига катта зарар етказади:
• Асаб тизими бузилади
• Юрак ва ички аъзоларга салбий таъсир қилади
• Иммунитет пасаяди
• Руҳий касалликлар келиб чиқади
• Ижтимоий муносабатлар бузилади

Шунингдек, гиёҳвандлик жиноятчиликнинг ошишига, ишсизликка ва жамиятда беқарорликка сабаб бўлиши мумкин.
Олдини олиш чоралари
Гиёҳвандликнинг олдини олиш учун қуйидаги чоралар муҳим аҳамиятга эга:
• Ёшлар ўртасида тарғибот ишларини кучайтириш
• Соғлом турмуш тарзини оммалаштириш
• Спорт ва маданий тадбирларга жалб қилиш
• Оилада эътибор ва назоратни кучайтириш
• Таълим муассасаларида тушунтириш ишларини олиб бориш
Хулоса қилиб айтганда гиёҳвандлик — бу фақат бир инсоннинг эмас, балки бутун жамиятнинг муаммосидир. Уни бартараф этиш учун барча биргаликда ҳаракат қилиши лозим. Соғлом авлодни тарбиялаш ва келажакни асраш ҳар биримизнинг бурчимиздир.

Сурхандарё вилоят судининг судьяси             И.Абраев

MUBORAKDA AHOLI MUROJAATLARI SAYYOR TARTIBDA O'RGANILDI

???? Bugun viloyat adliya boshqarmasi boshlig'i S.Nuriyev tomonidan Muborak tumanining "Qoraqum" mahallasida aholi va tadbirkorlar uchun sayyor qabul tashkil etildi. Sayyor  qabulda 60 nafarga yaqin fuqarolar o'z masalalariga echim topish umidida tashrif buyurdi.

????Muloqot davomida fuqarolarning mehnat munosabatlari, bandlik, fuqarolardan kadastr hujjatlarini rasmiylashtirish, davlat xizmatlaridan foydalanish, mulkiy huquqlarga  oid bir qator masalalari

RAHBAR VA YOSHLAR UCHRASHUVI BO'LIB O'TDI

Qashqadaryo viloyat adliya boshqarmasi boshlig‘i S. Nuriyev hamda viloyat bojxona boshqarmasi boshlig‘i J. Fyazullayev boshchiligida Qashqadaryo viloyat yuridik texnikumida “Rahbar va yoshlar” uchrashuv tashkil etildi.

Mazkur uchrashuv Prezidentimiz tashabbusi bilan 24-fevraldan boshlab haftaning har payshanbasi “Yoshlar kuni” sifatida belgilash hamda rahbarlar va yoshlar o‘rtasida muntazam ochiq muloqotlarni yo‘lga qo‘yish bo‘yicha berilgan topshiriqlar ijrosi doirasida o‘tkazildi.

Tadbir davomida texnikum o‘quvchi-yoshlari faol ishtirok etib, o‘zlarini qiziqtirgan savollar, muammo va takliflarini bildirdi. Ularning murojaatlari mas’ullar tomonidan atroflicha tinglanib, tegishliligi bo’yicha aniq vazifalar belgilab berildi.

Tadbir yakunida ochiq muloqotda faol ishtirok etgan, dolzarb taklif va tashabbuslari bilan ajralib turgan o‘quvchi-yoshlarga viloyat adliya boshqarmasi boshlig’i tomonidan tashakkurnoma va esdalik sovg‘alari topshirildi.

Ochiq va samimiy ruhda o‘tgan uchrashuv yoshlarning huquqiy ongi va faolligini oshirish, ularni davlat va jamiyat hayotidagi islohotlarga keng jalb etishda muhim ahamiyat kasb etdi.

Ayollar va bolalar huquqlarini himoya qilish – jamiyat barqarorligining muhim omili!

2026 yil 3 mart kuni Prezidentimiz Shavkat Mirziyoyev tomonidan imzolangan “Ayollar va bolalar huquqlarining himoyasini kuchaytirish hamda ularga nisbatan tazyiq va zo‘ravonlik holatlarining oldini olish bo‘yicha qo‘shimcha tashkiliy-huquqiy choralar to‘g‘risida”gi PF–33-son Farmon mamlakatimizda xotin-qizlar va bolalar huquqlarini ishonchli himoya qilish, erta nikoh hamda turli ko‘rinishdagi zo‘ravonlik holatlarining oldini olish, shuningdek, jamiyatda ushbu illatlarga nisbatan murosasiz munosabatni shakllantirishga qaratilgan muhim huquqiy hujjatdir.

Ayol — nafaqat mehribon ona va sadoqatli rafiqa, balki jamiyat taraqqiyotiga o‘z hissasini qo‘shayotgan, davlat va jamiyat hayotida faol ishtirok etayotgan ulug‘ siymodir.

8-mart – Xalqaro xotin-qizlar kuni munosabati bilan Qashqadaryo viloyat adliya boshqarmasida bayram tadbiri tashkil etildi.

Tadbir davomida boshqarma boshlig’i S.Nuriyev so’zga chiqib, adliya tizimida faoliyat yuritayotgan dilbar xotin-qizlarni samimiy tabriklab, ularning jamiyatdagi o‘rni, mehnati va fidoyiligini alohida e’tirof etdi.

Shuningdek, mamlakatimizda xotin-qizlar uchun yaratilayotgan keng imkoniyatlar, ularning huquq va manfaatlarini ta’minlash borasida qonunchilik tizimi tobora mustahkamlanib borayotgani, turli imtiyoz va qo‘llab-quvvatlash mexanizmlari kengayib borayotganiga alohida urg‘u berildi.

Aziz va muhtarama ayollar! Bayramingiz muborak bo‘lsin!

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- AMINOV XASAN ZAYDULLAYEVICH  – Qashqadaryo viloyat adliya boshqarmasi Moliya-iqtisod sho‘basi boshlig‘i lavozimiga tayinlandi.

X.Aminov tayinlovga qadar Moliya-iqtisod sho‘basi bosh maslahatchisi lavozimida  faoliyat yuritgan.

Qashqadaryo viloyat adliya boshqarmasi X.Aminovni tayinlov bilan qutlab, kelgusidagi ishlariga omad va muvaffaqiyatlar tilaydi!

Kanalga ulaning????????????
https://t.me/qashqadaryoviloyatadliya

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- SUYUNOV MIRVOHID MIRFOZIL OG'LI -  Qashqadaryo viloyat adliya boshqarmasi  O‘zbekiston Respublikasi Prezidenti va Hukumati hujjatlari ijrosini nazorat qilish sho‘basi boshlig‘i lavozimiga tayinlandi.

M.Suyunov tayinlovga qadar  boshqarmaning Huquqni qo‘llash amaliyotini o‘rganish va metodik ta’minlash sho‘basi bosh maslahatchisi lavozimida faoliyat yuritgan.

Qashqadaryo viloyat adliya boshqarmasi M.Suyunovni tayinlov bilan qutlab, kelgusidagi ishlariga omad va muvaffaqiyatlar tilaydi!

Kanalga ulaning????????????
https://t.me/qashqadaryoviloyatadliya

#TAYINLOV

Qashqadaryo viloyat adliya boshqarmasi boshlig‘ining tegishli buyrug'i bilan:

- RUSTAMOV RUSLAN RUSTAMOVICH -  Qashqadaryo viloyat adliya boshqarmasi Intellektual mulk huquqlarini himoya qilish sho‘basi bosh maslahatchisi lavozimiga tayinlandi.

#antikorrupsiya

Jamiyat taraqqiyoti har bir fuqaroning pok vijdoni va yuksak sadoqatidan boshlanadi

Qashqadaryo viloyati soliq boshqarmasida korrupsiya va uning salbiy oqibatlarini oldini olish maqsadida amaliy uchrashuv bo‘lib o‘tdi.

Tadbirda Soliq qo‘mitasi Komplayens va korrupsiyaga qarshi ichki nazorat tuzilmasi, viloyat soliq boshqarmasi rahbariyati, huquqni muhofaza qiluvchi organ xodimlari, shaxsiy tarkib, shuningdek, hududiy  soliq inspeksiyalari rahbar va xodimlari onlayn tarzda ishtirok etdi.

Uchrashuv davomida Prezident Shavkat Mirziyoyevning Oliy Majlis va ko‘p millatli O‘zbekiston xalqiga yo‘llagan Murojaatnomasida belgilangan ustuvor vazifalar, xususan, 2026-yilda amalga oshirilishi ko‘zda tutilgan eng muhim va dolzarb yo‘nalishlar yuzasidan atroflicha fikr almashildi.

Shu bilan birga, korrupsiyaga qarshi kurashish borasida 2026-yilda “favqulodda holat” e’lon qilingani alohida ta’kidlanib, mazkur yo‘nalishda qat’iy, murosasiz va tizimli yondashuvlarni ta’minlash zarurligi qayd etildi.

Tadbir yakunida soliq tizimi xodimlarining zimmasiga yuklatilgan vazifalarni halollik, mas’uliyat va qat’iyat bilan bajarishlari, shuningdek, shaffoflik va qonun ustuvorligini ta’minlash har bir xodim uchun ustuvor burch ekani yana bir bor eslatib o‘tildi.

Тelegram (https://t.me/soliqnews) |Facebook (https://www.fb.com/Soliqpressa/) |Youtube| (https://www.youtube.com/c/Davlatsoliqqomitasi) Instagram (https://www.instagram.com/soliqpressa/) |X| (https://twitter.com/soliqnews?t=BwIfWybViFrXAtzhWc91bw&s=09)Threads (https://www.threads.net/@soliqpressa)

Adliyada Ma’naviyat soati

Viloyat Adliya boshqarmasida PQ–1 sonli qaror mazmun-mohiyati yuzasidan davra suhbati bo‘lib o‘tdi.

Davlatimiz rahbarining mahallalarda xavfsiz muhitni yaratish, huquqbuzarliklar profilaktikasini kuchaytirish, jinoyatlarning barvaqt oldini olish hamda “ijtimoiy profilaktika” tamoyili asosida tizimli faoliyatni yo‘lga qo‘yishga qaratilgan PQ–1 va PQ–2-sonli qarorlari ijrosini ta’minlash maqsadida Qashqadaryo viloyatida amaliy seminar tashkil etildi.

Mazkur qarorlarga muvofiq, adliya organlariga nizoli oilalar bilan ishlash, ularni huquqiy jihatdan qo‘llab-quvvatlash hamda oilaviy nizolarning oldini olish vazifalari yuklatilgan.

Davra suhbati davomida Huquqiy axborot sho‘basi bosh maslahatchisi R. Raxmonov tomonidan qarorlarning mazmun-mohiyati, ularning amaliy ahamiyati hamda belgilangan vazifalarning ijrosi yuzasidan batafsil tushuntirishlar berildi. Ishtirokchilarni qiziqtirgan savollarga atroflicha javoblar qaytarildi.

✈️Kanalga ulanish✔️
https://t.me/qashqadaryoviloyatadliya