Yangiliklar

Notariuslar uchun yangi ekspertiza turlari bo‘yicha seminar o‘tkazildi

Adliya vazirining X. Sulaymonova nomidagi Respublika sud ekspertiza markaziga tashrifi davomida berilgan topshiriqlar ijrosini ta’minlash maqsadida 26-noyabr kuni viloyat adliya boshqarmasi va Notarial palataning hududiy boshqarmasi hamkorligida xususiy amaliyotdagi notariuslar uchun seminar tashkil etildi.

Tadbirda Respublika sud ekspertiza markazi viloyat bo‘limi mas’ul xodimi R. Xidirov ishtirok etib, notariuslarga joriy etilgan yangi ekspertiza turlari, ularning afzalliklari va amaliy ahamiyati yuzasidan batafsil ma’lumot berdi.

Seminarda, shuningdek,
• notarial harakatlar sifatini oshirish,
• huquqiy xatolarning oldini olish,
• aholiga ko‘rsatilayotgan xizmatlar samaradorligini yanada kuchaytirish bo‘yicha taklif va tavsiyalar muhokama qilindi.

#konstitutsiya_huquqiy_aksiyasi

“Yangi Oʻzbekiston Konstitutsiyasi
inson qadri uchun"

O‘zbekiston Respublikasi Konstitutsiyasining yaratilishi tarixi haqida so‘z yuritishdan oldin “Konstitutsiya nima?” degan savolga javob berish maqsadga muvofiqdir.

????Konstitutsiya (lotincha “Constitution” – tuzilish, tuzuk) – davlatning Asosiy qonuni. U davlat tuzilishini, hokimiyat va boshqaruv organlari tizimini, ularning vakolati hamda shakllantirilish tartibi, saylov tizimi, fuqarolarning huquq va erkinliklari, jamiyat va shaxsning o‘zaro munosabatlari, shuningdek, sud tizimini hamda davlat va jamiyatning o‘zaro munosabatlarini belgilab beradi.

????Yig'ilish davomida Qashqadaryo viloyat adliya boshqarmasining mas'ul xodimi R.Raxmonov  tomonidan  O‘zbekiston Respublikasi Konstitutsiyasining mazmun mohiyati to‘g‘risida axborot berdi.

????Mazkur yig'ilishda Qashqadaryo viloyati jamoatchilik vakillari  o'zlarini qiziqtirgan savollarga javob olishdi.

Fuqarolik jamiyati haftaligi

⭐️O‘zbekiston Respublikasi Prezidentining 2024-yil 26-avgustdagi PF–124-son Farmoni ijrosini ta’minlash maqsadida o‘tkazilgan Fuqarolik jamiyati haftaligi bugun viloyat adliya boshqarmasida bo‘lib o‘tdi.

Tadbir davomida:
fuqarolik jamiyati institutlari ishtirokida ochiq muloqotlar,
NNT va jamoatchilik vakillarining takliflari tinglandi,
aholining huquqiy madaniyatini oshirishga qaratilgan taqdimotlar,o’tkazildi.

Uchrashuv jamiyatda faollikni oshirish, davlat organlari bilan fuqarolar o‘rtasidagi hamkorlikni kuchaytirish hamda PF–124-son Farmonida belgilangan vazifalar ijrosini ta’minlashga xizmat qildi.

#E'tirof

Qashqadaryoda  o'zboshimchalik bilan egallab olingan yer uchastkalariga hamda ularda qurilgan binolar va inshootlarga bo'lgan huquqlari e'tirof etilgan fuqarolar soni jami 3 856 taga yetdi.

Xususan, joriy yilning 24-noyabr kuni Xalq deputatlari Qashqadaryo viloyati Kengashining navbatdagi sessiyasida qabul qilingan qarori bilan  viloyatning bir qator tuman va shaharlarida istiqomat qiluvchi yana 793  nafar fuqarolarning mulk huquqlari qonuniy tartibda e’tirof etildi.

#ADLIYA_SIZNI_ESHITADI

Bugun Mirishkor tumani “Obodon” hamda "O'zbekiston" mahallasida viloyat adliya boshqarmasi o'rinbosarlari tomonidan sayyor qabul tashkil etildi.

✅Tadbir davomida fuqarolar bilan ochiq muloqot o‘tkazilib, ularning murojaatlari tinglandi va amaliy yordamlar ko‘rsatildi.

✍️Sayyor qabul davomida 50 nafardan ortiq jismoniy va yuridik shaxslar vakillari ishtirok etib, 20 dan ortiq murojaatlar qabul qilindi hamda 10 dan ortig‘i joyida hal qilindi, qolgan 10 ga yaqini esa ish yurituviga olindi.

✍️Shuningdek, 9 ta davlat xizmatlari va FHDY yo‘nalishidagi harakatlar sayyor tartibda ko‘rib chiqildi. Ulardan 6 tasi joyida hal etildi.

Aholini qiynab kelayotgan bir nechta masalalar joyida hal etildi:

— Fuqarolardan birining uzoq vaqt yechimi topilmay kelayotgan yer hujjatlari bilan bog‘liq muammosi mutasaddilar ishtirokida joyida ko‘rib chiqildi va tegishli hujjatlar rasmiylashtirib berildi.

— Nogironligi bo‘lgan shaxsning ijtimoiy nafaqa tayinlash bo‘yicha murojaati zudlik bilan hal etilib, uning hujjatlari elektron tizimga kiritildi.

— Yakka tartibda uy qurayotgan fuqaroning kadastr pasportini olish masalasi joyida o‘rganilib, hujjatlarni rasmiylashtirish jarayoni boshlab berildi.

— FHDY yo‘nalishida tug‘ilganlik guvohnomasini tiklash masalasi bo‘yicha murojaat qilgan fuqaroning hujjatlari o‘sha yerning o‘zida qayta rasmiylashtirildi.

#Huquqiy_targ'ibot

Qashqadaryo viloyat adliya boshqarmasi tomonidan viloyat qurilish va uy-joy kommunal xo'jaligi bosh boshqarmasida huquqiy targ'ibot tadbiri tashkil etildi.

Tadbirda, O'zbekiston Respublikasining "Korrupsiyaga qarshi kurashish to'g'risida"gi qonuni va O'RQ-1083-son qonuni mazmun-mohiyati tushuntirildi.

O‘zbekiston Respublikasi IIV huzuridagi 2-sonli jazoni ijro etish koloniyasida bayram va targ‘ibot tadbirlari o‘tkazildi

⭐️Joriy yilning 18-noyabr kuni — O‘zbekiston Respublikasi Davlat bayrog‘i qabul qilingan kun munosabati bilan IIV huzuridagi 2-sonli jazoni ijro etish koloniyasida tantanali ma’naviy-ma’rifiy tadbirlar tashkil etildi.

⭐️Tadbir davomida xodimlarga Davlat bayrog‘ining qadr-qimmati, uning tarixiy ahamiyati, mustaqillik va davlat ramzlari timsoli sifatidagi o‘rni haqida batafsil ma’lumotlar berildi. Bayrog‘imizning ranglari, ramziy ma’nolari va xalqimiz uchun iftixor manbai ekani alohida ta’kidlandi.

⭐️Shu bilan birga, “Biz korrupsiyaga qarshimiz!” shiori ostida korrupsiyaga qarshi kurashish madaniyati, halollik, poklik va xizmat intizomini yanada mustahkamlashga qaratilgan tushuntirish-targ‘ibot ishlari ham olib borildi.

⭐️Xodimlarga korrupsiyaning xavfli oqibatlari, davlat organlari xodimlarining shaxsiy mas’uliyati, qonun ustuvorligini ta’minlash borasidagi vazifalar hamda korrupsiyaning oldini olishga qaratilgan amaldagi qonunchilik normalari yuzasidan atroflicha ma’lumotlar yetkazildi.

⭐️Tadbir yakunida xodimlar yurt ramzlarini hurmat qilish, kasbiy halollikni doimo ustuvor qo‘yish va jamiyatda korrupsiyaga qarshi muhitni shakllantirishda faol bo‘lishga chaqirildi.

Bugun Qashqadaryo viloyat  yuridik texnikumida "Idrok" intellektual o'yinining viloyat bosqichi bo'lib o'tdi.

????Intellektual o'yinining yakuniy natijalarga ko'ra, "O'zbegim" jamoasi g'olib deb topilib, Respublika bosqichida ishtirok etish uchun yo'llanmani qo'lga kiritdi.

????Shuningdek, jamoalar ichidan "Eng ahil jamoa" nominatsiyasiga "Strange" jamoasi, "Eng tezkor ishtirokchi" nominatsiyasiga Ahmadjonov Adhamjon hamda bilimdonlar ichida "Eng bilimdon ishtirokchi" nominatsiyasiga Parmonov Shaxzod munosib deb topildi.

????Barcha jamoalar tashkiliy qo'mita tomonidan diplom va esdalik sovg'alar bilan taqdirlandi.

????Respublika bosqichiga yo'llanma olgan jamoaga omad tilaymiz!

Bugun  — O'zbekiston Respublikasining Davlat bayrog'i qabul qilingan kun

Qadimdan har bir xalq o'z davlati, hukmronlik timsoliga ega ekanini o'z bayrog'i va tug'i bilan bildirgan. YA'ni, "bayroqli xalq — davlatli xalq" degan qarash shakllangan.

Xususan, sohibqiron Amir Temur bayrog'ida aks etgan uch halqa tasviri uch iqlim hukmdori, adolat himoyachisi degan ma'nolarni bildirgan.

Mustaqil O'zbekiston bayrog'i ham davlatimizning asosiy g'oyalari, bu o'lkada yashovchi xalqlarning ezgu orzu-umidlarini o'zida mujassam etgani bilan qadrli.

Davlatimiz bayrog'ida qadimiy o'tmishimiz mujassam, bugunimiz zohir, kelajagimiz ifodalangan. Vatanni qanday sevsak, bu ulug' timsolni ham shunday qadrlash, ardoqlash — burchimiz.

Bugun — har bir yurtdoshimiz qalbida urib turgan yurak yana bir bor hapriqadigan, quvonadigan kun. Xalqimiz uchun katta bayram! Kitob tuman Adliyai bo'limi Davlat xizmatlari markazi xodimlari ana shu qutlug' sana bilan barcha vatandoshlarimizni muborakbod etadi.

✅Kanalga ulanish????????????
https://t.me/qashqadaryoviloyatadliya

#Hech_bir_shaxs_hujattsiz_qolmaydi

⭐️Qamashi tuman FHDY bo'limi xodimlari tomonidan “Hech bir shaxs hujjatsiz qolmaydi” aksiyasi doirasida navbatdagi amaliy yordam ko'rsatildi.

⭐️ Aksiya doirasida hujjatlarini o'z vaqtida rasmiylashtira olmagan, Qamashi tumani Igrisuv qishlog'ida yashovchi 1996 yilda tug'ilgan fuqaro Norbutaeva Gulchehra Tilov qizining tug'ilganligi huquqiy tartibda qayd etildi.

⭐️ Natijada fuqaro 29 yoshida birinchi marotaba tug'ilganlik haqidagi guvohnomaga ega bo'ldi.

⭐️Mazkur tashabbus fuqarolarning huquq va manfaatlarini ta’minlash, ularni hujjatsiz qolishiga yo‘l qo‘ymaslik hamda davlat xizmatlarining aholiga yanada yaqinlashuviga xizmat qilmoqda.

✅Kanalga ulanish✍️
https://t.me/qashqadaryoviloyatadliya