Tuman (shahar) adliya boʻlimi Davlat xizmatlari markazlari tomonidan amalga oshirilgan ishlari toʻgʻrisida MAʼLUMOT
Tuman (shahar) adliya bo‘limi Davlat xizmatlari markazlari orqali 2025-yil
9 oy davomida jami 1 571 404 ta xizmatlar ko‘rsatilgan bo‘lib, bevosita Markazlar orqali 853 497 ta, onlayn tarzda (YaIDXP orqali) 717 907 tani tashkil etgan.
Davlat xizmatlari ko‘rsatilishi yuzasidan murojaatlarning 1 388 318 tasi hal etilgan bo‘lsa, 183 086 tasi rad etilgan.
Viloyatda eng ko‘p ko‘rsatilgan xizmatlar Qarshi shahrida 274 408 ta, Kosonda 114 875 ta va Kitobda 114 600 tani tashkil etgan.
Olis va chekka hududlarda istiqomat qiluvchi aholiga davlat xizmatlaridan foydalanishlarini tashkil etish maqsadida, joriy yilning 9 oy davomida jami 23 760 ta sayyor davlat xizmatlar ko‘rsatildi.
Tuman (shahar) Davlat xizmatlari markazlari tomonidan joriy yilning
9 oy davomida jami 4 102 ta davlat muassasalari va tadbirkorlik subyektlari davlat ro‘yxatidan o‘tkazilgan. Shundan, xususiy korxonalar 495 ta, oilaviy korxonalar
347 ta, MChJlar 2 736 tani tashkil etgan.
Shuningdek, 5 399 ta yuridik shaxs bo‘lmagan tadbirkorlik subyektlari davlat ro‘yxatidan o‘tkazilgan. Shundan, 7 891 ta YaTT sifatida, 1 157 ta dehqon xo‘jaligi va 32 ta oilaviy korxonani tashkil etgan.
Aholiga pasportlarni Davlat xizmatlari markazlari orqali ID kartaga almashtirishni rasmiylashtirish bilan bir vaqtda, ularning roziliklari asosida Mobil-ID tizimidan ro‘yxatdan o‘tkazilmoqda. Mazkur tadbirlar doirasida jami 17 358 nafar fuqarolar Mobil-ID tizimidan roʻyxatdan oʻtkazilishiga erishilib, ularga davlat xizmatlaridan onlayn tarzda foydalanishning afzalliklari yuzasidan tegishli tushuntirishlar olib borildi.
Bugungi kunga kelib viloyatda xorijga chiqish biometrik pasportini rasmiylashtirish bo‘yicha jami 12 ta tuman (shahar) DXMlarda xizmat ko‘rsatish yo‘lga qo‘yilib, joriy yilning 9 oyida jami 23 321 ta xorijga chiqish biometrik pasportlar rasmiylashtirilishiga erishildi.
CALL markaz orqali yoki rasmiy veb sayt orqali kelib tushgan murojaatlarga koʻra, fuqarolarga joyiga chiqqan holda davlat xizmatlarini koʻrsatish tizimi yoʻlga qoʻyildi. Ushbu xizmatdan 2025-yilning 9 oy davomida 315 nafar fuqarolar foydalanishlariga erishildi. Ushbu xizmatning qulayliklari shundaki, fuqarolarning takliflari bo‘yicha belgilangan manzillarga borgan holda Markaz xodimlari tomonidan xizmat ko‘rsatiladi.
Bunda milliy haydovchilik guvohnomasini rasmiylashtirish, O‘zbekiston Respublikasi fuqarosi, O‘zbekiston Respublikasida doimiy yashovchi chet el fuqarosi va fuqaroligi bo‘lmagan shaxsning identifikatsiyalovchi ID-kartasini hamda O‘zbekiston Respublikasi fuqarosining xorijga chiqish biometrik pasportini rasmiylashtirish, shuningdek, jismoniy shaxsning shaxsiy identifikatsiya raqamini berish bo‘yicha davlat xizmatlarini ko‘rsatish nisbatan tatbiq etilmaydi.
Davlat xizmatlarini joyiga chiqqan holda ko‘rsatish yoki davlat xizmatlaridan foydalanishga ariza yuborish uchun Toshkent shahrida bazaviy hisoblash miqdorining 50 foizi, viloyat markazlarida BHMning 40 foizi, tuman (shahar)larda BHMning 30 foizi miqdorida bir martalik to‘lov undiriladi.
Qulayliklardan biri, o‘zgalar yordamiga muhtoj qariyalar, sog‘lig‘ining holatiga ko‘ra mustaqil harakatlanish imkoniyati cheklangan hamda I va II guruh nogironligi bo‘lgan shaxslarga davlat xizmatlari ko‘rsatilganligi uchun to‘lov undirilmaydi.
-Hozirgi kunda, I va II guruh nogironligi boʻlgan shaxslar, nogironligi boʻlgan bolalar hamda ularga gʻamxoʻrlik qiluvchi fuqarolarga navbatsiz davlat xizmatlari koʻrsatilib, jami 354 nafar ushbu toifadagi shaxslarga Markaz xodimlari tomonidan davlat xizmatlaridan foydalanishlari uchun yaqindan yordam berildi.
-“Ucell” uyali aloqa kompaniyasi bilan tuzilgan shartnomaga koʻra, Fuqarolarni mobil aloqa operatorlariga ulash boʻyicha jami 411 nafardan ortiq shaxslarga ushbu davlat xizmatlari koʻrsatildi.
-Markazlarda fuqarolarga oʻz-oʻziga xizmat koʻrsatish tizimidan foydalanishda yordam berilmoqda. Shuningdek, Qarshi shahar adliya bo‘limi Davlat xizmatlari markazida fuqarolar raqamli xizmatlardan mustaqil ravishda foydalanishlari uchun raqamli xizmatlar nuqtasi ya’ni infokiosk apparati o‘rnatildi. Bundan fuqarolar navbatsiz my.gov.uz ilovasi orqali davlat xizmatlaridan foydalanishlari imkoniyati yaratib berildi.
Viloyatning 14 ta mahalla binolarining o‘zida aholining davlat xizmatlaridan foydalanishlarini tashkil etish maqsadida, interaktiv kiosklar o‘rnatildi.
Natijada, jami 31 127 nafar shaxslar davlat xizmatlari turlaridan mahalladan turib foydalanishlari yo‘lga qo‘yildi. Bu bilan, aholining Davlat xizmatlari markazlariga kelish uchun sarf xarajatlari va kutib turish vaqtlari iqtisod qilinishiga erishildi.
Interaktiv kiosklar viloyatning qo‘shimcha 120 ta mahalla fuqarolar yig‘inlarining binolarida ham o‘rnatilishi rejalashtirilgan.
-Fuqarolarga yanada qulaylik yaratish maqsadida, Markazlarda ish vaqti belgilangan taqsimotga asosan, xodimlarning bir qismi soat 08.00 dan 17.00 ga qadar, qolgani soat 09.00 dan 18.00 ga qadar ish faoliyati yoʻlga qoʻyilgan. Bundan tashqari, tushlik vaqtida ham DXM xodimlari tomonidan uzluksiz xizmat ko‘rsatishlari ta’minlandi.
Bu esa ishlari zarurroq bo‘lgan fuqarolarga ertachiroq Markazga kelib, davlat xizmatlaridan foydalanishlari imkonini yaratdi.
Davlat xizmatlarini ko‘rsatishda shaxsni biometrik identifikatsiya qilish (Face-ID) usuli joriy qilinib, bunda fuqarolar tomonidan shaxsini tasdiqlovchi hujjatlarni taqdim etish talab etilmaydi. Bu jarayon Markazga hujjatsiz tashrif buyurgan fuqarolarga hujjatlarni olib kelish uchun qaytib ketmasdan, (Face-ID) orqali fuqaroning shaxsiga aniqlik kiritilib, ularga davlat xizmatlari ko‘rsatilmoqda.
Aholiga elektron raqamli imzo rasmiylashtirishda ham (Face-ID) tizimi joriy etildi. Bunda, Yagona portal yoki rasmiy axborot resursi, shuningdek, mobil ilovada shaxsni biometrik identifikatsiya qilish (Face-ID) tizimi bilan tasdiqlash orqali elektron raqamli imzo kalitining sertifikatini berilishi bo‘yicha davlat xizmatlari ko‘rsatilmoqda.
Fuqarolarga yangi namunadagi milliy haydovchilik guvohnomalarini
Qarshi shahrida va Shahrisabz tumanlari Davlat xizmatlari markazlari orqali almashtirib berish bo‘yicha xizmat ko‘rsatib kelinayotgan edi.
Viloyatning qo‘shimcha 6 ta ya’ni Qarshi, Kasbi, Koson, Shahrisabz, Chiroqchi va Yakkabog‘ tumani DXMlarida ham yangi namunadagi haydovchilik guvohnomalari rasmiylashtirib berish xizmatlari joriy etilgan bo‘lib, joriy yilning 9 oyi davomida jami 18 945 ta yangi namunadagi haydovchilik guvohnomalari rasmiylashtirib berildi.
Davlat xizmatlarini ko‘rsatishda olib borilayotgan islohotlarning barchasi aholiga yanada qulay shart-sharoitlar yaratishdan iborat.
DXM va FHDY organlari faoliyatini
muvofiqlashtirish sho‘basi