Qamashi tuman adliya bo‘limining 2024 yil davomida amalga oshirgan faoliyati yuzasidan
O‘zbekiston Respublikasi Prezidentining “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida”gi Farmoniga asosan tuman (shahar) adliya bo‘limlariga belgilab berilgan vazifalardan kelib chiqqan holda Qamashi tuman adliya bo‘limi tomonidan 2024 yil davomida muayyan ishlar amalga oshirildi.
Kelib tushgan murojaatlarning ko‘rib chiqilishi bo‘yicha
Shuningdek, bo‘lim tomonidan inson huquqlarini himoya qilish bo‘yicha
chora-tadbirlarni amalga oshirish, o‘z vakolatlari doirasida jismoniy va yuridik shaxslarning murojaatlarini ko‘rib chiqish sohasidagi 671 nafar fuqaroning murojaatlaridan 665 tasi qonun doirasida ko‘rib chiqilib, shundan 472 tasi qanoatlantirilgan, 184 tasiga huquqiy tushuntirish berilgan, shuningdek 15 tasi tegishliligi bo‘yicha yuborilgan, 6 tasi qoldiqda qolgan.
Qonun hujjatlarini huquqiy ekspertizadan o‘tkazish bo‘yicha
Mahalliy davlat hokimiyati organlarining normativ-huquqiy tusdagi
10 ta qaror loyihalari huquqiy ekspertizadan o‘tkazilgan bo‘lib, shundan
10 tasiga rozilik vizasi qo‘yildi.
Norma ijodkorligi sohasida mahalliy davlat hokimiyati organlarida o‘tkazilgan o‘rganishlar natijasi bo‘yicha 4 ta taqdimnoma kiritildi.
O‘tkazilgan o‘rganishlar va qo‘llanilgan ta’sir choralari bo‘yicha
Qamashi tuman adliya bo‘limi tomonidan 2024-yilning o’tgan 9 oyi davomida 131 marotaba tashkilotlarda huquqni qo‘llash amaliyoti yuzasidan tahlil va o‘rganishlar o‘tkazilib, 1277 ta qonunbuzilishi holatlari aniqlangan va aniqlangan qonunbuzilishi holati bo‘yicha jami 60 ta taqdimnoma kiritilgan, kiritilgan taqdimnomalarning ko‘rib chiqilishi natijalariga ko‘ra 5 850 396 200 so‘mlik pul mablag‘lari jismoniy va yuridik shaxslar foydasiga to‘lab berilgan, 27 nafar ma’sul va mansabdor shaxslarga nisbatan ma’muriy bayonnomalar va ma’muriy takliflar rasmiylashtirilgan.
- 131 ta qonun talablariga zid ravishda qabul qilingan xujjatlar bekor qilingan.
Fuqarolarni qonuniy manfaatlarini ko‘zlab xususan mansabdor shaxslarga majburiyat yuklashni, yuridik faktni belgilashni hamda oylik ish haqlarini undirishni so‘rab, fuqarolik ishlari bo‘yicha Yakkabog` tumanlararo sudiga 23 ta 1 193 462 000 so‘mlik da’vo arizalari kiritilgan bo‘lib, sud tomonidan 1 163 715 200 so‘mlik da’vo arizalari qanoatlantirilgan.
Amalga oshirilgan huquqiy targ‘ibot tadbirlari bo‘yicha
Boʻlim tomonidan oʻtgan davrda fuqarolarning huquqiy ongini va madaniyatini oshirishga qaratilgan jami 1071 ta huquqiy targ‘ibot tadbirlari amalga oshirilgan bo‘lib, shundan 105 tasi ommaviy axborot vositalari orqali chiqishlar, 403 ta ijtimoiy tarmoqlarda, 563 tasi og‘zaki huquqiy targ‘ibot tadbirlaridan iboratdir.