Qashqadaryo viloyat FHDYO boʻlimlari tomonidan 2024-yil 12-oyi davomida amalga oshirilgan ishlar yuzasidan M A ʼ L U M O T

Qashqadaryo viloyat FHDYO boʻlimlari tomonidan 2024-yilning 12-oyi davomida quyidagi ishlar amalga oshirilgan.

Joriy yilning 12 oyi davomida tuman (shahar) FHDYO boʻlimlari tomonidan 100526 ta tugʻilish qayd etilgan boʻlib, shundan 52765 tasi oʻgʻil bolalar, 47760 tasi qiz bolalarni tashkil etadi.

Shuningdek, tugʻilishining muddatini oʻtkazib qayd etish holatlari 871 ta, topib olingan (tashlab ketilgan) bola tugʻilishini qayd etish 16 ta, oʻlik tugʻilgan 868 ta, perinatal oʻlim holatlari 178 ta, yolgʻiz onadan tugʻilganlar 1214 tani tashkil etadi.

Shuningdek, 4767 ta otalikni belgilash qayd etilgan boʻlib, shundan sud qarori asosida 15 ta, farzandlikka olish 376 ta dalolatnoma yozuvlari rasmiylashtirilgan.

Tuman (shahar) FHDYO boʻlimlari tomonidan joriy yilning oʻtgan davri mobaynida jami 29255 ta nikoh qayd etilgan boʻlib, shundan 12 tasi chet elliklar bilan, 27 tasi fuqaroligi yoʻq shaxslar bilan nikoh qayd etildi.

Tuman (shahar) FHDYO boʻlimlari tomonidan jami 3005 ta nikohdan ajralganlik qayd etilgan.

Joriy yilning 12 oyi davomida 15997 ta oʻlim qayd etilgan boʻlib, bir yoshgacha oʻlganlar 2146 ta, muddatini oʻtkazib oʻlimi qayd etilganlar
1761 ta, sud qarori bilan 29 ta holatda oʻlim qayd etilgan.

Bundan tashqari, tiklangan dalolatnoma yozuvlari 61 ta, fuqarolarning familiya, ismi va otasining ismini oʻzgartirishlar soni
609 tani tashkil etadi.

Dalolatnoma yozuviga oʻzgartirishlar kiritish ariza asosida 2042 ta, sud qarori asosida 40 tadan iborat.

Tuman (shahar) FHDYO boʻlimlari tomonidan 398 ta tugʻilganlik haqidagi guvohnomalar onlayn berilgan arizalar asosida rasmiylashtirildi va tegishli manzillarga yetkazildi.

Tuman (shahar) FHDYO boʻlimlari tomonidan 4 934 474 113 soʻm davlat boji, 5 001 344 086 soʻm gerb yigʻimi va 7 192 153 250 soʻm pullik xizmat undirilgan.