Qarshi shahar adliya bo‘limining 2024 yil davomida amalga oshirgan faoliyati yuzasidan
O‘zbekiston Respublikasi Prezidentining “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida”gi Farmoniga asosan tuman (shahar) adliya bo‘limlariga belgilab berilgan vazifalardan kelib chiqqan holda Qarshi shahar adliya bo‘limi tomonidan 2024 yil davomida muayyan ishlar amalga oshirildi.
Kelib tushgan murojaatlarning ko‘rib chiqilishi bo‘yicha
Bo‘lim tomonidan 2024 yil davomida jismoniy va yuridik shaxslardan kelib tushgan 1080 ta murojaatlarning 1058 tasi hal etilgan bo‘lib, shundan 822 ta yoki 77,6 foizi qanoatlantirilgan, 236 ta huquqiy tushuntirish berilgan, 6 ta murojaatlar ko‘rib chiqish uchun taalluqliligi bo‘yicha boshqa tashkilotlarga yuborilgan, qoldiqda 16 ta murojaatlar qolgan.
Adliya bo‘limi tomonidan o‘tgan 2024-yil davomida hamkor tashkilotlar bilan birgalikda shahardagi 64 ta MFYlardan 64 tasi qamrab olingan holda sayyor qabullar o‘tkazilib, natijalari ommaviy axborot vositalarida keng yoritilgan.
Qonun hujjatlarini huquqiy ekspertizadan o‘tkazish bo‘yicha
Mahalliy davlat hokimiyati organlarining normativ-huquqiy tusdagi
8 ta qaror loyihalari huquqiy ekspertizadan o‘tkazilgan bo‘lib, shundan
8 tasiga rozilik vizasi qo‘yildi.
Norma ijodkorligi sohasida mahalliy davlat hokimiyati organlarida o‘tkazilgan o‘rganishlar natijasi bo‘yicha 5 ta taqdimnoma kiritildi.
Kiritilgan taqdimnomalar natijasida 2 ta mahalliy davlat hokimiyati organlarining qarorlari bekor qilinib, qonun hujjatlariga muvofiqlashtirildi.
O‘tkazilgan o‘rganishlar va qo‘llanilgan ta’sir choralari bo‘yicha
Bo‘lim tomonidan 2024-yil davomida jami 16 ta o‘rganish va 68 ta monitoringlar o‘tkazilib, o‘rganish davomida 123 ta tashkilotlar faoliyati qamrab olingan va ushbu o‘rganishlar natijasida 3806 ta qonun buzilishi holatlari aniqlanib, aniqlangan qonunbuzilishi holatlarini bartaraf etish yuzasidan 153 ta tegishli ta’sir choralari qo‘llanildi.
Xususan, 73 ta taqdimnoma, 20 ta ma’muriy javobgarlikka tortish yuzasidan takliflar va 60 ta da’vo arizalari kiritilgan.
Natijada 11 nafar shaxs intizomiy javobgarlikka tortilgan va 13 818 743,3 ming so‘mdan ortiq pul mablag‘lari qonuniy egalariga qaytarilgan.
Kiritilgan ma’muriy javobgarlikka tortish yuzasidan takliflar yoki rasmiylashtirilib tegishli sud organlariga o‘tkazilgan bayonnomalar natijasiga ko‘ra 20 nafar shaxs ma’muriy javobgarlikka tortilgan.
Bundan tashqari, bo‘lim tomonidan hisobot davrida sudlarga 60 ta 3 118 409,3 so‘mlik da’vo arizalari kiritilgan bo‘lib, sud tomonidan 2 733 204,3 ming so‘mlik 59 ta da’vo qanoatlantirilgan, qoldiqda 1 ta 356 200,7 so‘mlik da’vo ariza qolgan.
Amalga oshirilgan huquqiy targ‘ibot tadbirlari bo‘yicha
Jamiyatda huquqiy ong va huquqiy madaniyatni yuksaltirish maqsadida shahar adliya bo‘limi tomonidan 2024 yil davomida jami 2944 ta huquqiy targ‘ibot tadbirlari amalga oshirilgan bo‘lib, shundan 184 tasi ommaviy axborot vositalari orqali chiqishlar, 1414 tasi og‘zaki, 360 tasi yozma va ko‘rgazmali huquqiy targ‘ibot, 1414 tasi manzilli targ‘ibot tadbirlaridan iboratdir.
Qarshi shahar adliya
bo‘limi boshlig‘i M.Eshnazarov