Intellektual mulk huquqlarini himoya qilish boʻyicha
MAʼLUMOTNOMA
Qashqadaryo viloyat adliya boshqarmasi tomonidan intellektual mulk huquqlarini himoya qilish boʻyicha joriy yilning 9 oyi davomida vazifa va topshiriqlar ijrosi yuzasidan bir qancha ishlar amalga oshirildi.
Xususan, intellektual mulk obyektlarini davlat roʻyxatidan oʻtkazish uchun talabnomalar topshirish sohasida 93 nafar shaxslarga intellektual mulk obyektlarini davlat roʻyhatidan oʻtkazish uchun talabnomalar topshirish boʻyicha koʻmaklashilib, ularga mazkur sohada batafsil huquqiy tushuntirish ishlari amalga oshirildi.
Shuningdek, intellektual mulk obyektlariga boʻlgan huquqlar buzilishining oldini olish maqsadida ommaviy joylarda, jumladan seminar, tarqatma materiallarni tarqatish va OAV chiqishlar koʻrinishidagi jami 61 marotaba profilaktika tadbirlari amalga oshirildi.
Intellektual mulk huquqlarini himoya qilish sohasida oʻtkazilgan tekshirish va monitoringlar natijasida jami 320 ta qonunbuzilish holatlari aniqlanib, ularni bartaraf etish yuzasidan tashkilot va tadbirkorlik subektlariga 27 ta taqdimnomalar kiritilgan hamda ularning ijrosi toʻliq taʼminlangan.
Shuningdek, intellektual mulk huquqlarini himoya qilish sohasida aniqlangan qonunbuzilish holatlari yuzasidan 8 nafar shaxslarga nisbatan maʼmuriy huquqbuzarlik haqidagi bayonnomalar rasmiylashtirilgan va tegishli sudlarga yuborilgan, ushbular boʻyicha sud tomonidan jarima jazolari belgilangan.
Tizim orqali kelib tushgan 20 ta shikoyat va 1 ta ariza turidagi murojaatlarning 15 tasi qanoatlantirilgan, 4 tasi boʻyicha huquqiy tushuntirishlar berilgan, 1 tasi hisobot davri ohirida qoldiq boʻlib oʻtgan.
Qanoatlantirilgan shikoyatlar boʻyicha 9 marotaba tadbirkorlik subyektlariga tekshirish oʻtkazilib, aniqlangan qonunbuzilish holatlari boʻyicha 9 ta taqdimnoma kiritilgan va ularning ijrosi toʻliq taʼminlangan.
Intellektual mulk sohasidagi qonunchilik normalari va vazifalari ijrosi yuzasidan 33 ta turli koʻrinishdagi huquqiy targʻibot tadbirlari amalga oshirilgan boʻlib, shulardan 10 tasi televideniya, 3 tasi radio, 2 tasi gazeta, 43 tasi veb-sayt va boshqa elektron axborot vositalari, 21 ta seminar, maʼroʻza va davra suhbatlari tarzidagi ogʻzaki huquqiy targʻibot, 4 tasi koʻrgazmali huquqiy targʻibot tarzida amalga oshirilgan.
Bundan tashqari, kontrafakt mahsulotlarni asl mahsulotlardan ularni farqlash, ularning zararlari toʻgʻrisida 5 ta ijtimoiy roliklar tayyorlanib ommaviy axborot vositalarida, jumladan “Nasaf TV” televideniyasida efirga uzatilishi taʼminlandi.