Yangiliklar

#adliya_aralashgach

G‘uzor tuman adliya bo‘limi tomonidan G‘uzor tuman "Tinchlik" MFY Tinchlik ko‘chasida yashovchi fuqaro Z.Parmonovananing  ish haqlari to'lab berilmaganligidan  norozi bo‘lib yo'llagan murojaati  yuzasidan o‘rganish o‘tkazildi.

O'rganishlarga ko'ra, G‘uzor tuman maktabgacha va maktab ta’lim bo‘limi  tomonidan Z.Parmonovaga 01.05.2024-yildan 01.02.2025-yilga qadar ishlagan davri uchun 15 462 000 so‘m oylik ish haqi to‘lab berilmaganligi aniqlandi.

Adliya bo'limi tomonidan  tuman maktabgacha va maktab ta’lim bo‘limiga  ish haqini to‘lab berish yuzasidan taqdimnoma kiritildi.

Taqdimnoma natijasiga ko‘ra, fuqaro Z.Parmonovaga
15 462 000 so‘m ish haqi to‘lab berildi.

Shahrisabz shahrida sayyor davlat xizmatlari ko‘rsatildi!

????Bugun, 2025-yil 1-avgust kuni Shahrisabz shahar Davlat xizmatlari markazi tomonidan Oqsaroy mahallasida sayyor xizmat ko‘rsatish ishlari amalga oshirildi.

???? Ushbu tadbir davomida mahalla aholisi uchun 30 dan ortiq turdagi davlat xizmatlari joyida, tez va qulay tarzda ko‘rsatildi. Sayyor xizmatlar orqali fuqarolar:

ID karta olish va almashtirish,

Tug‘ilganlik to‘g‘risidagi guvohnomalarni rasmiylashtirish,

Nikoh va ajrimni qayd etish,

ERI (elektron raqamli imzo) olish,

Notarial harakatlar bo‘yicha huquqiy maslahat olish

kabi ko‘plab xizmatlardan foydalanish imkoniga ega bo‘ldilar.

✅ Tadbirning asosiy maqsadi aholiga davlat xizmatlarini ularning yashash joyida taqdim etish orqali vaqt va mablag‘ni tejash, byurokratik to‘siqlarni bartaraf etishdan iborat bo‘ldi.

???? Shahrisabz shahar DXM tomonidan bunday sayyor xizmatlar muntazam ravishda boshqa mahallalarda ham davom ettiriladi.

#adliya_mahalla

HUQUQIY MAHALLA LOYIHASI DOIRASIDA

Koson tuman adliya bo'limi tomonidan "Huquqiy mahalla" loyihasi doirasida ijobiy ishlar davom ettirilmoqda.

Xususan, iyul oyida Bog'ishamol MFYda yashovchi fuqarolarning huquqiy muammolarini o'rganish davomida bir nechta fuqarolar tomonidan mahalla hududida joylashgan xususiy bolalar bog'chasi yonidagi yo'lga piyodalar o'tish yo'lakchasini chizish haqidagi murojaatlari qabul qilindi.

Mazkur murojaat mas'ul tashkilotlar bilan hamkorlikda ijobiy hal etildi.

#Adliya_xabari

Qarshi shahrida "O'qituvchilarga ehtirom" huquqiy aksiyasi doirasida tadbir bo'lib o'tdi.

Qarshi shahridagi 7 - umumtaʼlim maktabida ustoz va murabbiylar kuniga bag‘ishlab “O'qituvchilarga ehtirom” deb nomlangan tadbir bo'lib o'tdi.

Tadbirning asosiy maqsadi pedagoglarning huquqiy ongi va huquqiy madaniyatini yana-da oshirish, ularga qonunchilikda belgilangan imtiyozlar, subsidiyalar va boshqa yengilliklar haqida tushuntirishlar berishdan iborat.

Tadbirda o‘qituvchilarning sharafli va mashaqqatlari mehnatlari eʼtirof etilib, ulardan bir guruhiga viloyat adliya  boshqarmasining  tashakkurnoma va esdalik sovg'alari topshirildi.


"O'qituvchilarga ehtirom" tadbiri davomida 30 nafardan ortiq o'qituvchiga birlamchi tibbiy xizmat va 17 ta sayyor davlat xizmatlari ko‘rsatildi.

Qabul davomida 30 nafar o'qituvchiga tegishli huquqiy tushuntirish berilib, 3 nafarining murojaati ish yurituvga qabul qilindi.

“IJRO INTIZOMI - SAMARADORLIK OMILI”

Joriy yilning  30 iyul kuni Hisob palatasi tomonidan Adliya vazirligi bilan birgalikda  O'zbekiston Respublikasi Prezidentining 2025-yil 25-iyuldagi “Davlat organlari va tashkilotlarida ijro intizomini yanada mustahkamlashning qo'shimcha chora-tadbirlari to'g'risida” PF-117-son Farmoni mazmun-mohiyatini tushuntirish hamda ijro intizomini mustahkamlash masalalari yuzasidan ZOOM platformasi orqali seminar-trening tashkil etildi.

Tadbirda Qashqadaryo viloyat adliya boshqarmasida  viloyat hokimligi, tuman(shahar) hokimliklari hamda barcha davlat organlari va tashkilotlari xodimlari ishtirok etdi.  

Seminarda Adliya vazirligi va Hisob palatasi hamda boshqa mas'ullar tomonidan yangi qabul qilingan Farmonning mazmun-mohiyati tushuntirilib,  ijro intizomini mustahkamlash yo'nalishida amalga oshirilgan ishlar va kelgusidagi muhim vazifalarga alohida to'xtalib o'tildi.

#adliya_xabari

Qashqadaryo viloyat adliya boshqarmasining 2025-yil 2- chorak yakunlariga bagʻishlangan navbatdagi kengaytirilgan hayʼat majlisi boʻlib oʻtdi.

Yigʻilishda, dastlab, boshqarma boshligʻi S.Nuriyev adliya organlarining oʻtgan davrdagi faoliyati samaradorligi yuzasidan toʻxtalib, yoʻl qoʻyilgan kamchiliklar, kelgusida ularni oldini olish boʻyicha topshiriqlar berdi.

Viloyat adliya boshqarmasida ma’naviyat soati

Bugun viloyat adliya boshqarmasida navbatdagi ma’naviyat soati o‘tkazildi.

Tadbirda Xalq deputatlari viloyat kengashi deputati, professor Saxodat Murtazoyeva “Shaxs ma’naviyati” mavzusida ma’ruza qildi.

Ma’ruzada insonning ma’naviy kamoloti, yuksak axloqiy fazilatlar, milliy va umuminsoniy qadriyatlarga sodiqlik hamda yoshlar tarbiyasida ma’naviyatning o‘rni haqida so‘z yuritildi.

Ma’naviyat – insonning ichki olami, qalb boyligi va komillik sari yetaklovchi kuchdir.

25 yil birga yashab, nihoyat nikoh rasmiylashtirildi

Fuqarolar D. Xudoyqulov va O. Gorbunova 25 yil davomida birga yashab kelgan bo‘lishiga qaramay, shu kungacha ularning oila munosabatlari rasmiy ravishda qayd etilmagan edi.

Adliya organlari tomonidan joylarda o‘tkazilayotgan “Hech bir shaxs hujjatsiz qolmaydi” aksiyasi doirasida ushbu oilaning huquqiy holati o‘rganilib, fuqarolarning nikohini qonuniy tarzda qayd etish uchun amaliy yordam ko‘rsatildi.

ADLIYA MAHALLADA

Joriy yilning 23-iyul kuni Yakkabog' tuman adliya bo‘limi DXM xodimlari tomonidan "Ayg'irkul" MFYda mahalla yettiligi va fuqarolar bilan uchrashilib targ‘ibot tadbiri o'tkazildi.

Adliya tizimidagi islohotlar va muammolar joyida o‘rganilmoqda.

Qashqadaryo viloyati adliya boshqarmasi boshlig‘i birinchi o‘rinbosari S. Raximov tomonidan hududlarda tizimli o‘rganish ishlari davom ettirilmoqda.

Bugun Chiroqchi tumani adliya bo‘limiga tashrif buyurildi.
Tashrif davomida xodimlar bilan alohida suhbatlar o‘tkazilib, ularning ish faoliyati va yaratib berilgan shart-sharoitlar bilan tanishildi.