Yangiliklar
Kasbi tuman adliya bo'limi, DXM va tumani IIB xodimlari bilan hamkorlikda Vazirlar Mahkamasining 259-son qarori ijrosini ta'minlash maqsadida tumanning jinotyachiligi o'sgan hudud sifatida ro'yxatga olingan Mug'lon mahalla fuqarolar yig'inida sodir etilayotgan jinoyatlarning oqibatlari, jinoyatchilikni oldini olish, sodir etilayotgan jinoyatlarga nisbatan jazo muqarraligi ta'minlanayotganligi yuzasidan targ'ibot tadbirlari o'tkazildi.
Qashqadaryo viloyat adliya boshqarmasining tashabbusi bilan "FHDY ning yagona elektron arxivi" axborot tizimida dalolatnoma yozuvlariga JSHSHIRlar biriktirish ishlari samaradorligi va sifatini oshirish maqsadida barcha tuman va shahar FHDY bo'limlarida ishlovchi arxivaruslar ishtirokida ikki kunlik o'quv-seminari tashkil etildi. Mazkur seminar davomida arxivariuslarga axborot tizimi orqali ishlash, JSHSHIRlar biriktirish jarayonida yo'l qo'yilgan xatoliklarni bartaraf etish yo'llari o'rgatildi. Arxivariuslar ishtirokidagi bunday o'quv-seminarlari har oyda o'tkazilishi rejalashtirildi.
Mamlakatda amalga oshirilayotgan demokratik jarayonlarning sifati va natijadorligini tubdan oshirish hamda insonning huquqlari, erkinliklari va manfaatlarini, shu jumladan odamlar hayotining munosib darajasini ta’minlash, ular amalga oshirilishi uchun davlat organlarining roli juda muhim.
2022-yilning 11-avgust kuni Qashqadaryo viloyat adliya boshqarmasi mas'ul xodimlari R.Raxmonov, J.Ikramov va Qarshi tuman tuman adliya bo'limi hamda tuman Ichki ishlar bo'limi bilan hamkorlikda tumandagi "Qizil hudud"ga mansub "Kojor" MFYda jinoyatchilikni oldini olish va huquqbuzarliklar profilaktikasi doirasida targ'ibot tadbiri tashkil etildi.
Chiroqchi tuman Davlat xizmatlari markazi hamda tuman soliq inspeksiyasi xodimlari tomonidan “Ko'ktosh barakasi oziq-ovqat bozori” MCHJ hududida targʻibot tadbiri oʻtkazildi. Targʻibot jarayonida bugungi kunda davlat xizmatlari markazlari orqali koʻrsatilayotgan davlat xizmatlari hamda onlayn tarzda davlat xizmatlaridan foydalanishning afzalliklari yuzasidan tushunchalar berildi.
Bugun viloyat adliya boshqarmasining navbatdagi "Ma'naviyat soati"da "Jamoaviy birdanmlik" hamda "Xotirani mustahkamlaymiz" nomli psixologik trening tashkil etildi.
Qashqadaryo viloyat adliya boshqarmasi bilan viloyat oila va xotin-qizlar boshqarmasi hamda Qarshi shahar oila va xotin-qizlar bo'limi, psixologlar ishtirokida nikohdan o'tish uchun ariza taqdim etgan hamda oila qurish ostonasida turgan yoshlar ishtirokida tadbir tashkil etildi.
Tadbirda so'z yuritgan ma'ruzachilar tomonidan o'z hayot tajribasi, shuningdek kasb vazifasidan kelib chiqib, yoshlarga nikoh va oilaning muqaddasligi, oilaning mustahkamligini ta'minlash maqsadida amalga oshirilishi va amal qilinishi loz'im bo'lgan vazifalar, ajrimlarning oldini olish maqsadida qilinishi kerak bo'lgan ishlar yuzasidan tushuntirishlar berildi.
Shunibgdek,viloyat adliya boshqarmasi va FHDYO bo'limi mudiralari tomonidan nikohni qayd etish uchun beriladigan bir oy muddatning hamda tibbiy ko'rikdan o'tishning ahamiyati va mohiyati tushuntirildi.
Shu kuni Qarshi shahar Nikoy uyi tomonidan bir juft kelin-kuyovlarga nikoh guvohnomalari topshirildi.
Viloyat adliya boshqarmasiga joriy yilning o‘tgan davri mobaynidan mehnat huquqlari buzilishi bo‘yicha ko‘plab murojaatlar kelib tushgan bo‘lib, ular natijasida sudlarga jami 90 dan ortiq da’vo arizalari kiritilgan.
Xususan, fuqaro D.Xusanov va boshqalarning Oʻzbekiston Respublikasi Prezidentining 2020-yil 18-fevraldagi PF – 5938-son “Jamiyatda ijtimoiy-maʼnaviy muhitni sogʻlomlashtirish, mahalla institutini yanada qoʻllab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari toʻgʻrisida”gi farmoniga asosan ustama pullari to‘lab berilmaganligidan norozi bo‘lib qilgan murojaati adliya boshqarmasi tomonidan ko‘rib chiqilib, fuqaroning manfaatini ko‘zlab fuqarolik ishlari bo‘yicha Qarshi tumanlararo sudiga da’vo arizasi kiritildi.
Mazkur da’vo arizalari sud tomonidan ko‘rib chiqilib, qanoatlantirildi va fuqarolar foydasiga turli miqdordagi pul mablag‘lari undirib berish to‘g‘risida hal qiluv qarorlari chiqarildi.
“Respublikada qon bilan ishlash xizmati muassasalari faoliyatini yanada takomillashtirish va aholi orasida beg'araz donorlik harakatini rivojlantirish choralari to'g'risida”gi Prezident qarori (PQ–348-son, 09.08.2022-y.) qabul qilindi
Qaror bilan qon bilan ishlash xizmatini rivojlantirishning asosiy yo'nalishlari belgilandi.
Aholi orasida beg'araz donorlik madaniyatini shakllantirish, donorlik harakatini keng jamoatchilik ishtirokida rivojlantirish, qon donorlariga sifatli xizmat ko'rsatish va ular uchun qulay shart-sharoitlar yaratish shular jumlasidan.
2024-yil 1-yanvargacha qon bilan ishlash xizmati muassasalarida donorlar qonida gemotransmissiv infeksiyalar mavjudligini ikki bosqichli tekshirish (IFA/PZR) amaliyoti yo'lga qo'yiladi.
2023-yil 1-yanvardan:
“O'zbekiston Respublikasi faxriy donori” ko'krak nishoni uchun mukofot BHMning 5 baravaridan 15 baravarigacha (1,5 mlndan 4,5 mln so'mgacha) oshiriladi;
shuningdek, mazkur ko'krak nishoni bilan taqdirlanganlarga quyidagi huquqlar beriladi:
▫️ular uchun qulay bo'lgan vaqtda yillik asosiy mehnat ta'tiliga chiqish;
▫️shahar jamoat transportining barcha turlaridan bepul foydalanish;
▫️davlat sanatoriy-kurortlarida davolanish uchun yo'llanmalarni navbatsiz olish;
doimiy (yiliga kamida 3 marta qon topshiruvchi) donorlar va ularning yaqin qarindoshlari statsionar davolanish jarayonida, qon va uning tarkibiy qismlari bilan bepul ta'minlanadi;
donorlarni bepul ovqat bilan ta'minlash bo'yicha xarajatlarning qiymati respublika bo'yicha bir xil – mehnatga haq to'lash eng kam miqdorining 3 foizi miqdorida belgilanadi.
Qashqadaryo viloyat adliya boshqarmasiga Qarshi shahar, “Yangi turmush” MFYda yashovchi fuqaro L.Olimova bir necha yillar yillik mehnat ta’tiliga chiqmay MFYda ishlaganligini, hozirda ish o‘rni qisqarganligi uchun u bilan tuzilgan mehnat shartnomasi bekor qilinganligini, biroq foydalanilmagan mehnat ta’tillari uchun pullik kompensatsiya to‘lab berilmaganligini ma’lum qilgan.
O‘zbekiston Respublikasi Mehnat kodeksining 151-moddasida mehnat shartnomasi bekor qilinganda xodimga foydalanilmagan barcha yillik asosiy va qo‘shimcha ta’tillar uchun pullik kompensatsiya to‘lab berilishi belgilangan.
Adliya aralashgach, boshqarma tomonidan o‘rganish o‘tkazilib, natijasiga ko‘ra, Qarshi shahar mahalla va nuroniylarni qo‘llab-quvvatlash bo‘limiga taqdimnoma kiritildi va fuqaro L. Olimovaga to‘lanmay qolgan 6 712 400 so‘m kompensatsiya pullarini to‘latib berildi.