Yangiliklar

HURMATLI FUQAROLAR
“Hech bir shaxs hujjatsiz qolmaydi” huquqiy aksiyasiga start berildi.

Aksiya 2024-yilning 20-yanvaridan 20-martiga qadar davom etadi.

Huquqiy aksiya doirasida:

tegishli hujjatlarga ega bo'lmagan shaxslar viloyat miqyosida xatlovdan o‘tkaziladi;

sayyor qabullar tashkil etiladi;

kelib tushgan barcha murojaatlar o'rganib chiqilib, muammolarni qonuniy hal etishga ko'maklashiladi.  

Shuningdek:  

Normativ va huquqiy hujjatlar to‘g‘risida ma’lumotlar beriladi;

Fuqarolarga berilayotgan imtiyozlar va foydalanish tartibi to‘g‘risida huquqiy maslahatlar beriladi;

Nikoh, tug‘ilish va o‘limni qayd etib, sayyor tartibda xizmatlar ko‘rsatiladi;

DXM xodimlari tomonidan fuqarolarga sayyor xizmatlar ko‘rsatiladi;

Oʻzlariga biriktirilgan turar joyga ega boʻlmagan va turar joyga muhtojlar sifatida hisobda turgan yetim bolalar va ota-ona qaramogʻidan mahrum boʻlgan bolalarga ular 18 yoshga toʻlgan yilda koʻp kvartirali uy-joylardan umumiy maydoni 25 kvadrat metrdan kam boʻlmagan 1 xonali, voyaga yetgan yetim bolalar oʻrtasida nikoh tuzilgan hollarda, 50 kvadrat metrdan kam boʻlmagan 2 xonali kvartiralar ajratilishi belgilangan.

(https://lex.uz/docs/5569689)️ Bunda, mazkur toifaga kiruvchi nogironligi boʻlgan bolalarga kvartiralar koʻp qavatli uylarning 3-qavatigacha ajratiladi.

Uy-joylar mulkka egalik qilish huquqi asosida, biroq 30 yoshga toʻlgungacha uni sotish huquqisiz beriladi.

Bugun, 19-yanvar kuni Qashqadaryo viloyat hokimligi va viloyat adliya boshqarmasi bilan birgalikda “Ijro intizomi – samaradorlik omili” mavzusida seminar-trening tashkil etildi.

Tadbirda viloyat davlat organlari va tashkilotlarining 100 dan ortiq xodimlari ishtirok etdi.

Ta‘kidlanganidek, O'zbekiston Respublikasi Prezidentining 2021-yil 10-fevraldagi PF–6166-son Farmoni bilan mamlakatimizda ijro intizomini mustahkamlash va qonunchilik hujjatlari ijrosini tashkil etishning yagona va uzluksiz tizimi yaratilgan.

Adliya boshqarmasi  mas'ul hodimlari va boshqa mas‘ullar tomonidan qonunchilik hujjatlari va topshiriqlarni xodimlarga etkazish va hududlarda ijrosini tashkil qilish, bu borada jamoatchilik nazoratini yo‘lga qo‘yish bo‘yicha muhim vazifalarga alohida to‘xtalib o‘tildi.

Tadbir davomida soha vakillari ozlarini qiziqtirgan barcha savollariga javob oldilar hamda ijro intizomini yana-da oshirish yuzasidan tegishli takliflar bildirildi.

“Huquqbuzarlik profilaktikasi kuni” doirasida barcha tuman (shahar)lardagi “qizil” toifaga kiradigan mahallalarda adliya bo‘limlari, yuridik xizmat ko‘rsatish markazlari hamda IIB xodimlari bilan birgalikda targ‘ibot tadbirlari tashkil etildi.
Xususan, Qarshi shahridagi “Tabassum”, Qarshi tumani “Yertepa”, “Qovchin”, G‘uzor tumani “Buyuk karvon”, Koson tumani “Mesit”, Yakkabog‘ tumani “Navro‘z”, “Oq tosh”, Shahrisabz tumani “Uloch”, “Polmon”, Chiroqchi tumani “Chiroqchi”, “Yangi dam”, Qamashi tumani “Baland chayla”, Kitob tumani “Samarqand”, “Yangibog‘”, Kasbi tumani “Nazartepa”, Nishon tumani “Yoshlar diyori”, Mirishkor tumani “Shodlik”, Muborak tumani “Tong”, “Istiqlol”, Ko‘kdala tumani “Do‘stlik” va Shahrisabz shahrida “Guliston” MFYlarda aholi va mahalla yettiligi o‘rtasida huquqbuzarliklarning salbiy oqibatlari haqida tushuntirishlar berildi.

Bugun viloyat Adliya boshqarmasining mas’ul xodimi tomonidan Soliq boshqarmasida “Qashqadaryo viloyatida huquqni muhofaza qiluvchi organlar, boshqa davlat organlari va tashkilotlari bilan hamkorlikdagi intellektual mulk huquqlarini himoya qilish bo‘yicha 2024-yilda amalga oshirilishi mo‘ljallangan” Chora-tadbirlar rejasi hamda “Intellektual mulk obyektlarining muhofazasi va kontrafakt mahsulotlarga qarshi ko‘rashish” mavzusida seminar tadbiri bo‘lib o‘tdi.
Tadbirda viloyat soliq boshqarmasining mas’ul xodimlari, tadbirkorllar hamda OAV xodimlari ishtirok etishdi.
Seminar ishtirokchilariga yuqoridagi mavzular yuzasidan batafsil ma’lumotlar berildi.

Mirishkor tumani adliya bo‘limi tomonidan qizil hududga kiritilgan “Zafar” va “Shodlik” mahalla fuqarolar yig‘inlarida jinoyatchilikni oldini olish va uning huquqiy oqibatlari mavzusida huquqiy targ‘ibot tadbiri tashkil qilindi.

Adliya bo‘limi mas’ul xodimlari tomonidan mahallada faoliyat yuritayotgan yettilik mas’ul xodimlarga jinoyat sodir etishning oldini olish buyicha amalga oshirilishi lozim bo‘lgan chora-tadbirlar hamda soliq va kommunal to‘lovlari yuzasidan tushuntirishlar berildi.

Bugun Qashqadaryo viloyat adliya boshqarmasida O‘zbekiston Respublikasi Adliya vazirligiga hisobotlarni topshirish yuzasidan nodavlat notijorat tashkilotlari vakillarining bilim va ko‘nikmalarini oshirishga qaratilgan seminar-trening hamda jamoatchilik eshituvi tadbiri tashkil etildi.
Tadbirda O‘zNNTMA trenerlar shtabi a’zolari, NNT va OAV vakilari ishtirok etishdi.
Istirokchilarga Adliya vazirligiga xisobotlarni tayyorlash va topshirish bo‘yicha amaliy master-klass o'tkazildi.

Shuningdek, tadbir davomida O‘zbekiston Respublikasi Prezidentining PQ-3666-son qarori bilan O‘zbekiston Respublikasi Prezidenti hujjatlari ijrosini nazorat qilish sho‘balariga fuqarolik jamiyati institutlari, ommaviy axborot vositalari va fuqarolarni jalb qilgan holda jamoatchilik monitoringi va eshituvlarini tashkil qilish bo‘yicha yuklatilgan vazifa va funksiyalardan kelib chiqib jamoatchilik eshituvi tashkil qilindi.

Joriy yilning 18 yanvar kuni G‘uzor tuman adliya bo‘limi YXKM tomonidan tuman adliya bo'limi DXMga tashrif buyurib, o'z navbatini kutib turgan fuqarolar o'rtasida   www.advice.uz elektron huquqiy maslahat platformasi haqida targ'ibot-tashviqot o'tkazildi.

Xususan, targ'ibot ishtirokchilariga ushbu platformadan "O‘zbekiston Respublikasi Konstitutsiyasi”ga asosiy o'zgarishlar va boshqa sohalarga oid  hammaga tezkor bepul-huquqiy maslahat, o'zlarini qiziqtirgan savollariga yoki qiynab kelayotgan muammolariga tezkor javob olishi tog'risida hamda foydalanish tartibi bo'yicha tushuntirishlar berildi.Bundan tashqari, DXM markazida joylashgan "MADAD" muassasa shaklidagi nodavlat notijorat tashkiloti xodimi ham faoliyat olib borayotganligi hamda fuqarolarning murojaati bo'yicha bepul -huquqiy maslahat olishi mumkinligi haqida ma'lumotlar berildi.

Qashqadaryo viloyati adliya boshqarmasi tomonidan faoliyatining asosiy maqsadi viloyat hududida fan, adabiyot, san’at va madaniyat sohasidagi muallif, san’atkor, ijodkor va ijrochilar (huquq egalari) hamda ularning huquqiy vorislari mulkiy huquqlarini boshqarish, himoya qilish, huquq va manfaatlarini ro‘yobga chiqarishlarini ta’minlashga ko‘maklashuvchi San’atkor, ijodkor va ijrochilarning mualliflik huquqlarini himoya qilish palatasi Qashqadaryo viloyat bo‘limi davlat ro‘yxatidan o‘tkazildi.
Shuningdek intellektual mulk huquqlarini himoya qilish sohasida adliya boshqarmasi va bo‘limning kelgusida hamkorlikdagi ishlari kelishib olindi.

Bugun tuman hokimligi ma’sullari T.Ergashova, O.Normurodov, tuman DXX xodimi S.Badalov, tuman FHDYO bo‘limi mudirasi O.Ashurova hamda tuman bosh imom xatibi X.Xonimovlar hamkorligida tumandagi “Tanga orom” jome’ masjidida masjid imomlari va uning noiblari ishtirokida tumanda ijtimoiy-ma’naviy muhitni sog‘lomlashtirish, shuningdek, sha’riy nikohlarni oldini olish, yoshlarni turli yot va buzg‘unchi g‘oyalardan asrash, “Jaholatga qarshi ma’rifat” mavzularida davra suhbati tashkil etildi.

Davra suhbati davomida ma’sullar tomonidan tumanda diniy mutaassiblikka berilib ketishning oldini olish, mahallarda qonuniy nikohdan o‘tmagan yosh oilalarni sha’riy nikohi o‘qilayotgani oqibatida oilaviy ajrimlarga sabab bo‘layotgani to‘g‘risida to‘xtalib o‘tildi va ushbu sohadagi ishlarni tartibda solish to‘g‘risidagi qonun talablari tushuntirildi.