Inson huquqlarini himoya qilish sho‘basi faoliyatidan...

O‘zbekiston Respublikasi Prezidentining 2018-yil 13-apreldagi PQ-3666-son qarori bilan tasdiqlangan “O‘zbekiston Respublikasi Adliya vazirligi to‘g‘risida”gi Nizomga asosan adliya organlarining asosiy vazifalaridan biri fuqarolarning huquqlari, erkinliklari va qonuniy manfaatlarini huquqiy himoya qilish bo‘yicha choralarni amalga oshirish hisoblanadi.

Mazkur yo‘nalishda boshqarmaning Inson huquqlarini himoya qilish sho‘basi tomonidan bir qator ishlar amalga oshirildi.

Xususan, bo‘lim tomonidan 2024-yil davomida jismoniy va yuridik shaxslardan kelib tushgan jami 1 300 ta murojaatning 1120 tasi hal etilib, shundan 426 tasi yoki 32.7 foizi (ko‘rib chiqilgan murojaatlarga nisbatan 38 foiz) qanoatlantirilgan, 694 tasiga huquqiy tushuntirish berilgan.

Shundan, boshqarmaning “Ishonch telefoni”ga kelib tushgan 586 ta murojaatning 574 tasi hal etilib, shundan 166 tasi yoki 28.3 foizi qanoatlantirilgan, 408 tasiga huquqiy tushuntirish berilgan.

Kelib tushgan murojaatlarni o‘rganish natijasiga ko‘ra qonun hujjatlari ijrosining buzilishi, uning sabablari hamda bunga olib keluvchi shart-sharoitlarni bartaraf etish to‘g‘risida 43 ta taqdimnomalar kiritildi. Natijada 2 ta hujjat bekor qilingan, 23 nafar ma’muriy javobgarlikka tortildi va fuqarolarga jami 10 178 036 100 so‘m pul mablag‘lari undirib berildi.

Sho‘ba tomonidan hisobot davrida 9 764 141 000 so‘mlik 15 ta da’vo arizalari kiritildi.

Bundan tashqari, sho‘ba tomonidan 2024-yil davomida o‘tkazilgan o‘rganish va monitoringlar davomida aniqlangan qonunbuzilishi holatlarini bartaraf etish maqsadida jami 92 ta taqdimnoma va 37 ta ma’muriy huquqbuzarlik to‘g‘risida bayonnoma rasmiylashtirildi. Natijada 17 ta shaxs intizomiy jazoga tortildi. Shu bilan birga, fuqarolar foydasiga 6 434 398 000 so‘m pul mablag‘lari undirib berilishi ta’minlandi.

Jamiyatda huquqiy ong va huquqiy madaniyatni yuksaltirish maqsadida bo‘lim tomonidan jami 248 ta huquqiy targ‘ibot tadbirlari amalga oshirilgan bo‘lib, shundan 42 tasini ommaviy axborot vositalari orqali chiqishlar, 158 tasini og‘zaki, 1 tasini yozma va ko‘rgazmali huquqiy targ‘ibot tadbirlari tashkil etadi.

Xulosa qilib aytganda, inson huquqlari barchamiz uchun eng oliy qadriyat hisoblanadi. Biror bir murojaat e’tiborsiz qoldirilmaydi, chunki har bir murojaat ortida inson taqdiri turibdi.