Янгиликлар
23
QASHQADARYODA 102 YOSHLI OTAXONGA TUG'ILISH GUVOHNOMASI BERILDI
QASHQADARYODA 102 YOSHLI OTAXONGA TUG'ILISH GUVOHNOMASI BERILDI
Qarshi tumani "Ko'chkak" mahallasida istiqomat qiluvchi Islom ota Berdimurodov bu yil 102 yoshga qadam qo'ydi. Hayratlanarlisi shundaki, 8 nafar farzandni halol mehnat bilan voyaga etkazgan va ayni paytda 30 dan ortiq nabiraning sevimli bobosi – haligacha tug'ilganlik haqidagi guvohnoma olmagan. To'g'risi, bugungi "xujjat gapiradigan" davrda ushbu holatni tasavvur qilish qiyin. Lekin bu fakt!
"Biz yashagan zamonlar oddiy davrlar edi, – deydi Islom ota Berdimurodov . – Oddiy dehqon bo'lganman,umrimning yarmi paxta dalasida o'tgan. Mana, bugungi zamonga kelib hamma joylarda hujjat so'rashyapdi."
Otaxonning ug'illari FHDY bo'limiga murojaat qilgandan so'ng Qarshi tuman FHDY bo'limi tomonidan kerakli hujjatlar tayyorlanib, Islom ota Berdimurodovga 102 yil kechikib kelgan hujjat tantanali ravishda rasmiylashtirib berildi hamda sayyor tartibda fuqaroning yashash xonadoniga yetkazildi.