Янгиликлар
27
OMMAVIY QABULDA HUQUQIY MUAMMOLAR YECHIM TOPMOQDA
Aholi bilan to'g'ridan-to'g'ri muloqot tizimini yanada takomillashtirish, fuqarolar muammolari bilan ishlashni samarali tashkil etish, hududlarda yechimini kutayotgan masalalarni “mahallabay” o'rgangan holda joyida va tezkor hal etish maqsadida tashkil etilgan ushbu tadbirda Qashqadaryo viloyat adliya boshqarmasi rahbariyati ham fuqarolarni qabul qilib, ularning murojaatlarini tinglamoqda.
Xususan, ayni paytda Shahrisabz shahrida davom etayotgan ommaviy qabullarda viloyat adliya boshqarmasi boshlig'i o'rinbosari Alisher Isoqov qatnashmoqda. Qabulda fuqarolardan huquqiy mazmundagi 20 ga yaqin murojaat qabul qilinib, 30 nafardan ortiq fuqarolarga huquqiy tushuntirishlar berildi. Shahrisabz tuman FHDY bo'limi tomonida 2 ta guvohnoma sayyor tartibda topshirildi.