Янгиликлар

Ta’lim tizimi xodimlari o‘rtasida targ‘ibot tadbiri

O’zbekiston Respublikasi adliya vazirligi tomonidan “Sog‘liqni saqlash va ta’lim tizimi xodimlarining huquqlarini himoya qilish” huquqiy aksiyasi doirasida joriy yilning 20-aprel kuni tuman (shahar) adliya bo‘limlari tomonidan ta’lim muassasalarida targ‘ibot tadbirlari tashkil etildi.

Xususan, Qarshi tuman adliya bo‘limi xodimlari tomonidan Xalq ta’limi tasarrufidagi 20-sonli hamda Chiroqchi tuman adliya bo‘limi xodimlari tomonidan 8-sonli ixtisoslashtirilgan umumiy ta’lim maktablarida o‘qituvchilar o‘rtasida targ‘ibot tadbiri tashkil etildi.

Tadbirda o‘qituvchilarga O’zbekiston Respublikasi Prezidentining 2022-yil 7-martdagi “Oila va xotin-qizlarni tizimli qo‘llab-quvvatlashga doir ishlarni yanada jadallashtirish chora-tadbirlari to‘g‘risida”gi PF–87-son  Farmoni mazmun-mohiyati hamda mehnat qonunchiligi yuzasidan tushuntirishlar berildi.