Янгиликлар
Иш стажи ҳисобга олинадиган бўлди
Фуқароларнинг Конституция нормаларида белгиланган ҳуқуқ ва эркинликларини тўлиқ таъминлаш, қонуний манфаатларини ҳимоя қилиш, бузилган ҳуқуқларини тиклаш адлия органларининг асосий вазифаларидан бири саналади.
Яккабоғ туман адлия бўлими томонидан фуқароларнинг мурожаатлари юзасидан бир қатор амалий ишлар олиб борилмоқда.
Хусусан, туманнинг “Уламжи” МФЙда яшовчи фуқаро П.М.нинг мурожаатига асосан ўрганиш ўтказилиб, натижада унинг манфаатини кўзлаган ҳолда Маъмурий ишлар бўйича Яккабоғ туман судига ариза киритилди.
Суднинг қарорига асосан Бюджетдан ташқари пенсия жамғармаси Яккабоғ туман бўлими томонидан 2020 йил 16 сентябрда чиқарилган қарор ҳақиқий эмас деб топилиб, фуқаро М.П.нинг 2002-2005 йилларда Яккабоғ туман Комхоз ташкилотида ишлаган йиллардаги иш стажини белгилаш ҳамда пенсия миқдорига қўшиш мажбурияти юкланди.