Янгиликлар
Устамалар тўлаб берилди
Деҳқонобод туман адлия бўлими томонидан туман туман Ветеринария ва чорвачиликни ривожлантириш бўлимида Ўзбекистон Республикаси Вазирлар Маҳкамасининг 2017 йил 4 декабрдаги 963-сонли қарори билан тасдиқланган “Ўзбекистон Республикаси Ветеринария ва чорвачиликни ривожлантириш давлат қўмитаси ва унинг тизимига кирувчи ташкилотлар ходимларини моддий рағбатлантириш шартлари ва тартиби тўғрисида”ги Низом талабларига риоя этиш аҳволи таҳлил қилинди.
Таҳлиллар натижасига кўра, туман Ветеринария ва чорвачиликни ривожлантириш бўлимининг 26 нафар ходимларининг жами 25 582 941 сўм кўп йиллик хизматлари учун қатъий белгиланган лавозим маошига устамалар бюджет маблағларидан ҳар ойда тариф сеткаси ва штат жадвалига мувофиқ тўланмаганлиги аниқланиб, ҳолат юзасидан туман Ветеринария ва чорвачиликни ривожлантириш бўлимига тақдимнома киритилди.
Жорий йилнинг 3 сентябрь куни бўлим томонидан барча ходимларга устамалар тўлиқ тўлаб берилиши таъминланди.