Янгиликлар

Коррупцияга қарши курашишда ёшлар ўрни ва масъулиятини ошириш

Қашқадарё вилоят адлия бошқармаси томонидан ёшларда коррупцияга қарши муросасиз муносабатни шакллантириш мақсадида “Ёшларда коррупцияга қарши муросасиз муносабатни шакллантириш. Коррупцияга қарши курашишда ёшларнинг ўрни.” мавзусида “ZOOM” платформаси орқали тарғибот тадбири ташкил этилди.

Тадбир Ўзбекистон ёшлар иттифоқи Қашқадарё вилоят Кенгаши ҳамкорлигида ташкил этилди.

Маърузачилар томонидан коррупция ва ҳуқуқбузарликка қарши курашиш борасида амалга оширилаётган ишлар, шунингдек, Ўзбекистон Республикаси Президенти томонидан 2019 йилнинг 27 май куни қабул қилинган “Ўзбекистон Республикаси коррупцияга қарши курашиш тизимини янада такомиллаштириш чора-тадбирлари тўғрисида”ги ҳамда 2020 йил
29 июндаги “Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида”ги Фармонлари ва 2020 йил 29 июндаги “Ўзбекистон Республикаси Коррупцияга қарши курашиш агентлиги фаолиятини ташкил этиш тўғрисида”ги қарори мазмун-моҳияти хусусида сўз юритилди.

Шунингдек, коррупцияга қарши курашишда ёшларнинг ўрни ва улардаги масъулиятни кучайтириш, уларнинг жамиятда фаоллигини ошириш юзасидан тушунтириш ва тегишли тавсиялар берилди.

Тадбир тафсилотлари вилоят телевидениеси орқали тасвирга олинди.