Янгиликлар
Вилоят миқёсида викторина танлови ўтказилди
Қашқадарё вилоят адлия бошқармаси томонидан вилоят миқёсида ўқувчилар ўртасида уларнинг ҳуқуқий онг ва ҳуқуқий маданиятини ошириш мақсадида ижтимоий тармоқлар орқали викторина танлови ташкил этилди.
Танловда Қарши шаҳридаги 26-сонли мактабнинг 9-синф ўқувчиси Кўчаров Муродулла Темур ўғли 1-ўрин, Муборак туманидаги 14-сонли мактабнинг 9-синф ўқувчиси Рўзматов Ёдгор Нортожи ўғли 2-ўрин ва Яккабоғ туманидаги 14-ихтисослаштирилган мактаб-интернатининг 11-синф ўқувчиси Нафасов Асадбек Валижон ўғли 3-ўрин соҳиби бўлди.
Ғолиблар вилоят адлия бошқармасининг диплом ва эсдалик совғалари билан тақдирланди.
Танловнинг ўтказилишида ва ўқувчиларнинг иштирокини таъминлаган ўқитувчи ва бошқа иштирокчиларга ҳам вилоят адлия бошқармаси томонидан ташаккурнома эълон қилинди.
Бу каби танловларни янада кенгроқ оммалаштириш мақсадида иштирокчиларнинг фикр ва таклифлари инобатга олинмоқда.