Янгиликлар
Мурожаат эътиборсиз қолмайди
Қашқадарё вилоят адлия бошқармасига келиб тушаётган барча мурожжатлар қонуний кўриб чиқилиб, қаноатлантирилмоқда.
Жумладан, Ғузор тумани, Кераит қишлоғида яшовчи фуқаро Б.Ашуров ва Р.Тўраевларнинг 2018-2019 йиллар давомидаги ойлик иш ҳақларини тўлиқ ундириб беришда амалий ёрдам беришни сўраб қилган мурожаати бошқарма томонидан ўрганиб чиқилди.
Ўрганишлар натижасида Ғузор қурилиш ва коммунал хўжалик касб-ҳунар коллежига тўланмай қолган ойлик иш ҳақларини тўлаб беришни сўраб қонун ҳужжатлари ижросининг бузилиши, унинг сабаблари ҳамда бунга олиб келувчи шарт-шароитларни бартараф этиш тўғрисида тақдимнома киритилди.
Тақдимнома натижасига кўра Р.Тўраев ва Б.Ашуровларга тўланмай қолган ойлик иш ҳақлари ва унга тенглаштирилган тўловлар қайта ҳисобланиб, жорий йилнинг 2 апрель куни пластик карталарига тўлатиб берилди.