Янгиликлар

Сайлов қонунчилиги тарғиб қилинмоқда

Мамлакатимизда  Олий Мажлис қонунчилик палатаси ва маҳаллий Кенгашларига ўтказиладиган сайловни қонунчиликда белгиланган тамойиллар асосида ташкил этиш мақсадида тайёргарлик кўриш жараёни жадал амалга оширилмоқда.

Хусусан, Халқаро матбуот маркази вилоят бўлимида “Сайловни ёритишда ОАВ роли” мавзусида семинар бўлиб ўтди.

Мазкур семинарда Қарши шаҳар адлия бўлими ходими иштирок этиб, сайлов қонунчилиги мазмун-моҳияти, амалга оширилган ўзгариш ва янгиликлар, сайловга оид барча муносабатлар Сайлов кодексига асосан тартибга солинганлиги, кодексга киритилган илгари қонунлаштирилмаган нормалар хусусида сўз юритилди.

Сайлов комиссияларини ташкил этилиши, уларнинг фаолияти номзодлар кўрсатилиши тартиби, Сенатни шакллантириш тартиби, муҳим сиёсий жараёнда ОАВ вакилларининг иштироки ва уларга яратилаётган имкониятлар, сайловнинг янги қабул қилинган Сайлов кодекси асосида ташкил этилаётгани бу жараённи умумэътироф этилган халқаро стандартлар, принциплар асосида демократик, очиқ-ошкора ўтказишда муҳим омил бўлаётгани таъкидлаб ўтилди.