Қашқадарё вилоят Адлия бошқармаси ва Ғузор туман ФҲДЁ бўлими ташаббуси билан Ғузор тумани Таҳам қишлоғидаги 35-сонли мактабда Ўзбекистон Республикаси Мустақиллигининг 25 йиллиги муносабати билан “Гўзал ва бетакроримсан, муқаддас Ватаним, жоним сенга фидо, Ўзбекистоним” шиори остида “Сарҳадлари улуғ Ўзбекистоним” мавзусида тадбир ўтказилди.
Унда Адлия бошқармаси, туман ФҲДЁ бўлими, МХХ туман бўлими, ИИБ, туман ҳотин-қизлар қумитаси, маънавият-тарғибот бўлими, “Камолот” ЁИҲ туман кенгаши, имом хатиб, туманнинг истеъдодли ёшлари ҳамда оммавий ахборот воситалари жами 200 нафардан ортиқ фуқаролар ва ёшлар иштирок этишди.
Шунингдек, аҳоли ва ёшларга Давлатимиз раҳбари истиқлолнинг илк йилларидан халқимизнинг онгу шуурини, меҳнатга бўлган муносабатини ўзгартиришга, турмуш маданиятини, ҳаёт даражасини юксалтиришга алоҳида эътибор қаратиб келаётганлиги, бу жараёнда оналар ва болалар саломатлигини мустаҳкамлаш, соғлом авлодни тарбиялаб вояга етказиш, ёшларни ҳар томонлама қўллаб-қувватлаш, хотин-қизларнинг ижтимоий фаоллигини ошириш, уларнинг оила ва жамиятдаги мавқеини мустаҳкамлаш устувор мақсадга айланиб келганли, шу боис миллий маънавиятимизнинг мустаҳкам қўрғони бўлмиш оилаларни ижтимоий ҳимоя қилишга, фаровонлигини оширишга қаратилган саъй-ҳаракатлар баркамол авлодни вояга етказиш мақсади мужассамлиги ҳақида таъкидланди.
“Гўзал ва бетакроримсан, муқаддас Ватаним, жоним сенга фидо, Ўзбекистоним” шиори остида ўтказилган тадбирда истедодли ёшлар томонидан юрт мадҳи ҳақида кўплаб кўшиқлар ва шеърлар ижро этилди. Туман фаол ёшлари эришган ўз ютуқлари ҳақида тадбир иштирокчиларига маълумотлар бердилар.
Қашқадарё вилоят Адлия бошқармаси Тарғибот ва ҳуқуқий маърифат бўлими