Yangiliklar

"Yurt tarovati" gazetasi tahririyatining masul xodimlari Qamashi, Chiroqchi va Kitob tumanlaridagi adliya boʻlimining Yuridik xizmat koʻrsatish markazlarida   grant loyihasi ijrosini taminlash  maqsadida  xizmat safarida boʻlishdi.

Qashqadaryo viloyat adliya boshqarmasi,Nishon tuman adliya bo‘limi, Davlat xizmatlari markazi tomonidan  aholining yashab turgan manziliga borgan holda sayyor davlat xizmatlari ko‘rsatilmoqda.
Navbatdagi manzil tuman markazidan ancha olisda joylashgan “Oq oltin” mahalla fuqarolar yig‘ini bo‘ldi.
Sayyor qabulda 30 ga yaqin fuqarolar ishtirok etdi, 4 ta murojaat tuman adliya bo'limi ish yurituviga qabul qilindi, 10 dan ortiq murojaatlarga joyida huquqiy tushintirishlar berildi.
Shuningdek ishchi guruh tomonidan “Orzi bo'stoni” MFYda yashovchi 74 yoshli Nurbaev Salim boboning og'ir betobligi sababli yashash xonadoniga borib sayyor tartibda nikoh guvohnomasi topshirildi.

  Qarshi tuman adliya bo'limi,tuman FHDY bo'limi,tuman Davlat xizmatlari markazi hamda yuridik xizmat markazi xodimlari ishtirokida tumanning "Do'stlik" mahalla fuqarolar yig'inida sayyor qabul tashkil qilindi.

Mahalla raisi, xotin-qizlar faoli, yoshlar yetakchisi va hokim yordamchisi ishtirok etgan sayyor qabulda asosan mahalla aholisining  murojaatlari o'rganildi.

  Fuqarolarga qonunchilikdagi yangiliklar,  aholi va tadbirkorlarga berilayotgan imtiyozlar, Davlat xizmatlari markazlari tomonidan ehtiyojmand aholi qatlamiga xizmat ko'rsatish turlari va tartibi, mazkur sohada berilayotgan imtiyozlar mavzusida  targ'ibot tadbirlari  o'tkazilib, 25 nafar fuqarolarning murojaatlariga huquqiy tushuntirish berilib, 6 ta murojaatlar bo'lim ish yurituviga olindi.

Qashqadaryo viloyat adliya boshqarmasi  Qamashi tumani adliya bo'limi,tuman yuridik xizmat ko'rsatish markazi, va Qamashi tumani Davlat xizmatlari markazi xodimlari  hamkorligida tuman markazidan 15 km uzoqlikda joylashgan "Oynako'l" MFY da sayyor qabul o'tkazildi. Sayyor qabulda  "OYQIZ ESHMANOVA" oilaviy korxonasi ro'yxatdan o'tkazilib, guvohnomasi shu yerning o'zida topshirildi.

Tadbir davomida fuqarolarning mavjud muammolari yuzasidan tegishli huquqiy ko'rsatmalar berildi. Qabul jarayonida fuqarolar tomonidan huquqiy sohaga oid ko'plab savollar berilib, ularga bo'lim xodimlari tomonidan tegishli tushuntirishlar berildi. Xususan tuman adliya bo'limi xodimlari tomonidan 11 nafar fuqarolarning og'zaki murojaatlari eshitilib, batafsil ko'rib chiqish maqsadida tegishli tartibda rasmiylashtirib olindi. Shuningdek 12 ta Elektron imzo kalitlari va  hamda 40 dan ortiq bukletlar tarqatildi.

Adliya organlari tizimida korrupsiyaga qarshi murosasiz urush e'lon qilingan.

Bunda Qashqadaryo adliya boshqarmasi tizimidagi korrupsiya holatlari haqida ma'lumotlarni telegramdagi @Qashqadaryo_adliya_ANTIKORBOT botiga, +998 75 221 28 30 ishonch telefoniga yoki boshqarma rasmiy veb-saytidagi maxsus platformaga yuborish mumkin.

Ma'lumot tariqasida, Qashqadaryo viloyat adliya boshqarmasi tizimiga quyidagilar kiradi:

– Qashqadaryo viloyat adliya boshqarmasi;
– tuman (shahar) adliya bo‘limlari;
– tuman (shahar) yuridik xizmat ko'rsatish markazlari;
– tuman (shahar) davlat xizmatlari markazlari;
– tuman (shahar) FHDY bo'limlari;
– Qashqadaryo viloyat adliya boshqarmasi davlat notarial arxivi va FHDY arxivi;
– Qashqadaryo viloyat yuridik texnikumi.

Yuborilgan xabarlar to'g'ridan to'g'ri viloyat adliya boshqarmasi boshlig'iga kelib tushadi va murojaat qiluvchining shaxsi sir saqlanishi kafolatlanadi.

«Фарзандликка олиш тартибининг ҳуқуқий асослари такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонун (ЎРҚ–723-сон, 21.10.2021 й.) Президент томонидан имзоланди.

Киритилган ўзгартишларга кўра, фарзандликка олишни истисно қилувчи жиноятлар аниқ белгиланди.

Хусусан, ҳаётга, соғлиққа, жинсий эркинликка, оилага қарши, ўзганинг мол-мулкини талон-тарож қилиш, гиёҳвандлик воситалари билан боғлиқ ва бошқа бир қатор жиноятларни қасддан содир этган шахслар фарзандликка олувчилар бўлиши мумкин эмас. Илгари қасддан ҳар қандай жиноятни содир этганлар фарзандликка олувчи бўлиши тақиқланган.

Шунингдек, Ҳукумат томонидан тасдиқланадиган айрим касалликларга чалинганлар ҳам фарзандликка олувчи бўлиши мумкин эмаслиги белгиланди.

Шаҳрисабз туман ФХДЁ бўлими бошлиғи З.ВАФАЕВА

Qashqadaryo viloyati Nishon tumanida istiqomat qiluvchi fuqaro D.Sariqulov tuman adliya bo‘limi ostonasiga nohaqlikka yechim izlab boradi.
Fuqaro 2021 yil 27 dekabr kuni tuman Obodonlashtirish boshqarmasining buyrug‘i bilan pensiya yoshiga yetganligi asos qilinib, “Langar ota” qabristoni nazoratchiligidan kasaba uyushmasining roziligi olinmasdan bo‘shatilganligini hamda uning ishdan bo‘shatilganligi to‘g‘risida buyruq nusxasi unga berilmaganligi bo‘yicha tuman adliya bo‘limiga murojaat qildi.

Nishon tuman adliya bo‘limi ko‘magi bilan Fuqarolik ishlari bo‘yicha Qarshi tumanlararo sudiga kiritilgan da’vo arizasi qanoatlantirilib, fuqaro D.Sariqulovni murojaati ijobiy hal etildi. Qayta ishga tiklangan fuqaroga, bekor yurgan kunlari uchun 3 million 419 so‘m va 2 million so‘m ma’naviy zarar tuman Obodonlashtirish boshqarmasi hisobidan undirilishi belgilandi.

O‘lmas Barotov,O‘zA.

“O'zbekiston Respublikasi fuqaroligiga xorijga chiqish biometrik pasportini berishga doir davlat xizmati ko'rsatish tartibini yanada soddalashtirish chora-tadbirlari to'g'risida”gi Prezident qarori (PQ–282-son, 16.06.2022-y.) qabul qilindi

Qarorga ko'ra, O'zbekistonning chet davlatlardagi konsullik muassasasida konsullik ro'yxatida turuvchi O'zbekiston fuqarolariga xorijga chiqish biometrik pasportini rasmiylashtirishga oid davlat xizmatlarini ko'rsatish uchun biometrik pasportni rasmiylashtirish va berish tizimi quyidagi axborot tizimlariga integratsiya qilinadi:

▫️“FHDYning yagona elektron arxivi” axborot tizimiga – nikoh va oila a'zolari, vafot etganlik, yolg'iz ona yoki yolg'iz ota haqidagi ma'lumotlarni olish uchun;

▫️“Notarius” axborot tizimiga – vasiylar va ota-onalarning roziligini, hamrohlik qiluvchi shaxsning majburiyatini tekshirish uchun;

▫️“Tezkor ma'lumotlar” axborot tizimiga – sudlanganlik, ma'muriy nazoratda turganlik, shaxsga nisbatan ozodlikdan mahrum qilish bilan bog'liq bo'lmagan va shartli hukm qo'llanilganlik, jinoyat ishi qo'zg'atilganlik holatlarini tekshirish uchun;

▫️“Manzil” axborot tizimiga – ota-onadan birining O'zbekiston hududidagi doimiy yashash joyi bo'yicha ro'yxati xorijga doimiy yashashga ketganligi munosabati bilan bekor qilinganligini tekshirish uchun;

▫️“Yagona milliy mehnat tizimi” axborot tizimiga – oxirgi 5 yilda ishlagan joyi haqidagi ma'lumotlarni olish uchun;

▫️“Ijtimoiy himoya yagona reestri”ga – ushbu axborot tizimida ro'yxatga olingan shaxslar toifasiga aniqlik kiritish uchun;

▫️“TIEK” axborot tizimiga – I va II guruh nogironligi bo'lgan shaxslar toifasiga aniqlik kiritish uchun.

2022-yil 1-avgustgacha davlat xizmati YIDXP (https://my.gov.uz/oz) va Davlat xizmatlari markazlari orqali ko'rsatililishi amaliyotga to'liq joriy qilinadi.

YIDXPda davlat xizmatlari ko'rsatilishining har bir bosqichida murojaatlar ko'rib chiqilishini kuzatib borish tartibi joriy etiladi.

Shuningdek, davlat xizmatlari ko'rsatilganligi uchun to'langan davlat boji summasi hisobini yurituvchi yagona billing tizimi orqali elektron to'lanishi imkoniyati yaratiladi.

2023 йил 1 январдан фуқароларга юридик ёрдам кўрсатиш жараёнларини рақамлаштириш, адвокатура соҳасини судлар ва ҳуқуқни муҳофаза қилувчи органлар ҳамда бошқа давлат органлари фаолияти билан интеграция қилишни назарда тутувчи “Юридик ёрдам” ахборот тизими ишга туширилади.

Kitob tuman Davlat xizmatlari markazi xodimlari bu safargi oʻquv seminarlarini 87 sonli maktab va 2-sonli DMTT xodimlari  bilan davom ettirishmoqda.

Seminar jarayonida Ommabop qidiruv tizimlari orqali kerakli resurslarni izlab topish va Yagona interaktiv davlat xizmatlari portalidan foydalanish yuzasidan batafsil tushunchalar berildi. Davlat xizmatlaridan onlayn foydalanish xamda huquqiy targ'ibot kanaliga ulanishning afzalliklari borasida targ'ibot ishlari olib borildi. 

Deyarli har kuni ishda boʻlib, darslarga puxta tayyorlanish, oʻz ustida ishlash, o'quvchilar bilan qoʻshimcha mashgʻulotlar oʻtishdan ortib baʼzan oʻzlariga zarur davlat xizmatlarini olish uchun vaqt topa olmay qoladigan ustoz va murabbiylar uchun ham masofadan turib, onlayn xizmatlardan foydalanish haqida tushunarli va koʻrgazmali ravishda oʻtkazilgan seminar - taqdimot juda ham foydali boʻldi.