03.01.2024

Ijtimoiy-iqtisodiy sohada huquqni qoʻllash amaliyotini oʻrganish shoʻbasi tomonidan 2023-yil davomida amalga oshirilgan ishlari.

Viloyat adliya boshqarmasining Ijtimoiy-iqtisodiy sohada huquqni qoʻllash amaliyotini oʻrganish boʻlimi tomonidan davlat organlari va tashkilotlarining qonunlar va boshqa normativ-huquqiy hujjatlari ijrosini tashkil etish sohasidagi faoliyatiga uslubiy rahbarlik qilish va muvofiqlashtirish, tanqidiy tahlil asosida izchil va bir xil huquqni qoʻllash amaliyotini taʼminlash boʻyicha chora-tadbirlarni amalga oshirishda qator ishlar olib borilmoqda.
Xususan boʻlimga joriy yilning oʻtgan davri davomida 212 ta murojaat kelib tushgan boʻlib, shundan 132 ta murojaatlar koʻrib chiqilib hal etildi, 76 ta murojaatlar koʻrib chiqish uchun tegishliligiga koʻra boshqa tashkilotlarga yuborildi, koʻrib chiqilib hal etilgan murojaatlarning
87 tasi qanoatlantirildi, 45 tasiga huquqiy tushuntirish berib hal etilgan.
Kelib tushgan 21 ta murojaatlarni oʻrganishda mutaxassislar jalb etilgan boʻlsa, 1 ta murojaatlar joyiga chiqib oʻrganildi.
Boʻlim tomonidan shu davr mobaynida 5 ta sohada oʻrganish hamda 13 ta qonun hujjatining ijrosi boʻyicha monitoring oʻtkazildi.
Oʻrganish va monitoring natijalari boʻyicha jami 2 927 ta qonun buzilishi va kamchiliklar aniqlanib, ushbu holatlarni tashkilotlar kesimida tahlil qiladigan boʻlsak, 8 ta taʼlim muassasalarida, 29 ta kadastr organlarida, 63 ta elektr taʼminoti korxonalarida, 120 ta hokimliklarda, 252 ta sanitariya-epidemiologiya osoyishtalik markazlarida, 620 ta sogʻliqni saqlash idoralarida, soliq organlarida 656 ta, 1028 ta boshqa nazorat qiluvchi idoralar hamda 151 ta boshqa tashklotlar hissasiga toʻgʻri keladi.
Oʻrganish va monitoringlar natijasida tegishli tashkilotlarga 104 ta taqdimnomalar, 27 ta maʼmuriy takliflar yoki bayonnomalar, 48 ta ogohnomalar kiritilgan boʻlsa, sudlarga 42 ta 1 mlrd, 996 mln soʻmlik daʼvo arizalari kiritildi.
Qoʻllanilgan taʼsir choralari natijasida 62 nafar shaxslar intizomiy, 27 nafar shaxs maʼmuriy javobgarlikka tortilgan boʻlsa, 807 ta noqonuniy hujjatlar (qarorlar) bekor qilingan.
Sudlarga kiritilgan daʼvo arizalarining 38 tasi qanoatlantirilgan va sudning hal qiluv qarorlarida 1 mlrd, 881 mln. soʻm undirish belgilangan.
Boʻlim tomonidan tashkilotlar faoliyatida oʻtkazilgan oʻrganish va tahlillar natijasida aniqlangan tizimli muammo va kamchiliklarlarni bartaraf etish hamda sohani yanada rivojalantirish yuzasidan xorijiy tajribalardan foydalangan holda 70 dan ortiq takliflar ishlab chiqilib, belgilangan tartibda Adliya vazirligiga yuborilgan.
Sohaga oid jamoatchilik fikrini oʻrganish maqsadida 8-marta soʻrovnomalar oʻtkazilib, ularda qariyib 771 nafar respondentlar ishtirok etdi.
Boʻlim tomonidan jami 216 marotaba huquqiy targʻibot tadbirlari amalga oshirilgan boʻlib, shundan 101-marta OAV orqali (15 ta televideniya,
18 ta radio, 36 ta gazeta va 32 ta veb-sayt orqali), 114 marotaba ogʻzaki hamda
1 marotaba koʻrgazmali huquqiy targʻibot tadbirlari tashkil etilgan.

Ijtimoiy-iqtisodiy sohada huquqni
qoʻllash amaliyotini oʻrganish
shoʻbasi